ကယားပြည်နယ်က ဘာသာရေးခေါင်းဆောင်တွေနဲ့ နိုင်ငံတော် အတိုင်ပင်ခံပုဂ္ဂိုလ် တွေ့ဆုံမည်

၂ဝ၁၅ ခုနှစ် စက်တင်ဘာလ ၁၂ ရက်နေ့က ကယားပြည်နယ် ရှားတောမြို့ ရွေးကောက်ပွဲဆိုင်ရာ အသိပညာပေးဟောပြောပွဲမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကို တွေ့ရစဉ်/ Photo: RFA
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ကယားပြည်နယ်၊ လွိုင်ကော်မြို့ကို မနက်ဖြန် သွားရောက် ရာမှာ လူငယ်တွေအပြင် ဘာသာရေးခေါင်းဆောင်တွေ၊ ရပ်မိရပ်ဖတွေနဲ့လည်း တွေ့ဆုံသွားမှာဖြစ်တယ်လို့ ကယားပြည်နယ် အစိုးရအဖွဲ့ သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီး ဦးတီရယ်က ပြောပါတယ်။

ဒေါ်အောင်ဆန်းစုကြည်ဟာ လူငယ်တွနဲ့ ငြိမ်းချမ်းရေး စကားဝိုင်းပြုလုပ်ဖို့အတွက် လွိုင်ကော်မြို့ကို မနက်ဖြန် နေ့ချင်းပြန် သွားရောက်မှာဖြစ်ပါတယ်။ အဲဒီခရီးစဉ်အတွင်းမှာ ပြည်နယ်အစိုးရအဖွဲ့၊ လွှတ်တော်ကိုယ်စားလှယ်တွေ နဲ့လည်း တွေ့ဆုံသွားမှာဖြစ်ပြီး ကယန်း(ပဒေါင်) လူမျိုးတွေနဲ့ တွေ့ဆုံသွားဖို့ရှိနေတယ်လို့ သိရပါတယ်။

ကယားပြည်နယ် အခြေစိုက် တိုင်းရင်းသား လက်နက်ကိုင်တပ်ဖွဲ့ တစ်ခုဖြစ်တဲ့ ကရင်နီအမျိုးသား တိုးတက်ရေးပါတီ KNPP ကလည်း နိုင်ငံတော်အတိုင်ပင်ခံပုဂ္ဂိုလ်နဲ့ တွေ့ဆုံခွင့်ရဖို့ ပြည်နယ်အစိုးရထံ တင်ပြထားပေမယ့် လက်ရှိအချိန် ထိ အကြောင်းပြန်ကြားလာတာမျိုး မရှိသေးဘူးလို့ KNPP အဖွဲ့ ဖက်က ပြောပါတယ်။

လွိုင်ကော်မြို့မှာ မနက်ဖြန်ပြုလုပ်မယ့် ငြိမ်းချမ်းရေးစကားဝိုင်းမှာ ပါဝင်မယ့် လူငယ်တွေကို ရွေးချယ်ရာမှာ ပွင့်လင်းမြင်သာမှု မရှိဘူးလို့ ဒေသခံ အရပ်ဘက်အဖွဲ့အချို့က ဝေဖန်နေကြပါတယ်။

အရင်က ငြိမ်းချမ်းရေးစကားဝိုင်းတွေကို နေပြည်တော်၊ ပင်လုံ၊ မန္တလေး စတဲ့မြို့တွေမှာ ပြုလုပ်ခဲ့ပြီး မနက်ဖြန်မှာ ပြုလုပ်မယ့် ငြိမ်းချမ်းရေးစကားဝိုင်းက ဒီနှစ်အတွင်းမှာ ၅ ကြိမ်မြောက်အနေနဲ့ ပြုလုပ်မှာလည်းဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ