မြစ်ကြီးနား ဒီဇင်ဘာ ၂၀
ကချင်ပြည်နယ် မြစ်ကြီးနားမြို့ တပ်ကုန်းရပ်ကွက်တွင် ဒီဇင်ဘာ၁၉ရက် မွန်းလွဲ၂နာရီခွဲက ခင်ပွန်းဖြစ်သူမရှိခိုက် ခင်ပွန်း၏ညီဖြစ်သူနှင့်စကားများရာမှ မရီးဖြစ်သူကိုသတ်ပြီး ထွက်ပြေးသွားသူအား နာရီပိုင်းအတွင်း ဖမ်းဆီးရမိကြောင်း သိရသည်။
ဖြစ်စဉ်မှာ တပ်ကုန်းရပ်ကွက် ရာတာကောင်း(B)တွင်နေထိုင်သူ ဒေါ်ထဖူးကင်း(၄၈)နှစ်(သေဆုံးသူ)၏ နေအိမ်တွင် ခင်ပွန်းဖြစ်သူမရှိခိုက် ခင်ပွန်းဖြစ်သူ၏ ညီတော်စပ်သူ လဒီး(၃၅)နှစ်နှင့် အခြေအတင်စကားများရာမှ ဓားဖြင့်ခုတ် တုတ်ဖြင့်ရိုက်နှက်ရာ အိမ်နှင့်ကပ်လျက်တဲပေါ်တွင် ပွဲချင်းပြီးသေဆုံးသွားပြီး လဒီးဆိုသူမှာ ထွက်ပြေးသွားခဲ့ကြောင်း ရဲမှတ်တမ်းများအရသိရသည်။
အခင်းဖြစ်ပွားရာသို့ မြို့နယ်ရဲတပ်ဖွဲ့မှူး(ယာယီ)ဲ ဒုတိယရဲမှူးစိန်မြင့်ထွန်း၊နယ်မြေရဲစခန်းမှူး ဒုတိယရဲမှူးရဲထွဋ်၊နယ်ထိန်းတပ်ဖွဲ့ဝင်များ ရောက်ရှိပြီး လူသတ်ပြီးထွက်ပြေးသူအား လိုက်လံရှာဖွေရာ ဥရုနိုင်ဂျားနှစ်ခြင်းကျမ်းစာသင်ကျောင်းအနီး၌ ပုန်းအောင်းနေသည်ကိုတွေ့ရှိပြီး ဖမ်းဆီးမခံပဲ ပြန်လည်ခုခံရာမှ ရဲတပ်ဖွဲ့ဝင်များက လုံးထွေးသတ်ပုတ် ဖမ်းဆီးခဲ့ရကြောင်း သိရသည်။
ရဲစစ်ဆေးချက်မှတ်တမ်းများအရ ဒေါ်ထဖူးကင်း၏ မျက်နှာနှင့်နဖူးတွင် ဓားခုတ်ဒါဏ်ရာ(၁)ချက်၊ပါးစပ်တွင် တုတ်ဖြင့်ရိုက်နှက်သည့် ဒါဏ်ရာ(၁)ချက်၊ယာဖက်ဒူးဆစ်အောက်တွင် ဓားခုတ်ပြတ်ရှဒါဏ်ရာ(၁)ချက် ရရှိခဲ့သည်။
အဆိုပါ လူသတ်ထွက်ပြေးသူ ပုန်းအောင်းသည့်နေရာကို တွေ့ရှိခဲ့သူ ကျမ်းစာသင်ကျောင်းတက်နေသည့် မဂျာဆိုင်းဘူ(၁၇)နှစ်အား လဒီးမှတုတ်ဖြင့်ရိုက်သဖြင့် မဂျာဆိုင်းဘူ၏ ဦးခေါင်းဝဲဖက်ပေါက်ပြဲဒါဏ်ရာ(၁)ချက်၊ဦးခေါင်းချိုစောင်းတွင်ပေါက်ပြဲဒါဏ်ရာ(၁)ချက်ရရှိ၍ုမြစ်ကြီးနားဆေးရုံသို့ ဆေးကုသမှုခံယူရန် ပို့ဆောင်ထားကြောင်း သိရသည်။
ဖြစ်စဉ်နှင့်ပတ်သက်၍ လဒီးအား မြစ်ကြီးနားမြို့မရဲစခန်းတွင် (ပ)၄၀၁/၂၀၁၇၊ရာဇသတ်ကြီးပုဒ်မ-၃၀၂/၃၂၅ ဖြင့် အရေးယူထားကြောင်း သိရသည်။
by - ဝင်းနိုင် (ကချင်မြေ)
မြစ်ကြီးနားတွင် လူသတ်ပြီး ထွက်ပြေးသွားသူအား နာရီပိုင်းအတွင်း ဖမ်းဆီးရမိ
Reviewed by THITHTOOLWIN
on
13:21
Rating:
Reviewed by THITHTOOLWIN
on
13:21
Rating:
