နေရပ်ပြန်လာဖို့ လျှောက်လွှာပြန်ပို့သူ မရှိသေးကြောင်း ဦးမြင့်ကြိုင် ပြော

ဒုက္ခသည် ပြန်လည်လက်ခံဖို့ ဘင်္ဂလားဒေ့ရ်ှနိုင်ငံခြားရေးဝန်ကြီး မာမွတ် အလီနဲ့ နိုင်ငံတော်အတိုင်ပင်ခံရုံး ပြည်ထောင်စုဝန်ကြီး ဦးကျော်တင့်ဆွေ တို့ နိုဝင်ဘာလ ၂၃ ရက်နေ့က နေပြည်တော်မှာ နားလည်မှုစာချွန်လွှာရေးထိုးခဲ့စဉ်/ Photo: Myanmar State Counsellor Office
ဘင်္ဂလားဒေ့ရ်ှနိုင်ငံရောက် ဒုက္ခသည်တွေ မြန်မာနိုင်ငံ ပြန်လာဖို့တင်ပြတဲ့ လျှောက်လွှာတွေ ပေးပို့ထားတာ တစ်လကျော် ကြာမြင့်ပြီဖြစ်ပေမယ့် လက်ရှိအချိန်အထိ မြန်မာအစိုးရထံ ပြန်ပို့လာတာ မရှိသေးဘူးလို့ အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန အမြဲတမ်းအတွင်းဝင် ဦးမြင့်ကြိုင်က ဒီနေ့ ပြောပါတယ်။

အဲဒီလျှောက်လွှာတွေကို ဘင်္ဂလားဒေ့ရ်ှနိုင်ငံဘက်မှာ စိစစ်ပြီး ဖြည့်စွက်နေကြောင်း ကြားသိရတယ်လို့ အမြဲတမ်း အတွင်းဝန် ဦးမြင့်ကြိုင်က ပြောပါတယ်။

"လောလောဆယ်တော့ လျှောက်လွှာ တစ်ရွက်မှ မရောက်သေးဘူးဗျ။ ဟုတ်ကဲ့ ကျနော်တို့ဆီက ပို့ထားတာပဲ ရှိတယ်။ ပို့ထားတာတော့ တစ်လကျော်ပြီပေါ့နော်။ တစ်ရွက်မှတော့ ပြန်ပြီးတော့ မပို့သေးပါဘူး။ ကျနော်တို့ ကြားတာတော့ သူတို့အဲဒီဟာတွေကို သူတို့ စိစစ်ပြီးတော့ ဖြည့်နေကြတယ်တော့ ကြားတယ်ဗျ။ ဒီကိုတော့ ပြန်ပို့တာ မရောက်သေးပါဘူးဗျ။"

နိုဝင်ဘာလ ၂၃ ရက်နေ့က လက်မှတ်ရေးထိုးထားတဲ့ မြန်မာ - ဘင်္ဂလားဒေ့ရှ် နှစ်နိုင်ငံ သဘောတူညီချက်အရ မြန်မာနိုင်ငံကို ပြန်လာမယ့် ဘင်္ဂလားဒေ့ရ်ှရောက် ဒုက္ခသည်တွေကို ၂၀၁၈ ဇန်န၀ါရီလ ၂၃ ရက်နေ့မှာ စတင် လက်ခံမှာဖြစ်ပြီး အဲဒီလို လက်ခံဖို့အတွက် ယာယီစခန်းတွေ တည်ဆောက်နေပြီဖြစ်ပါတယ်။

ဒုက္ခသည်တွေကို ပြန်လည်လက်ခံရာမှာ မောင်တောဒေသက လုံခြုံရေးစခန်းတွေကို တိုက်ခိုက်ရာမှာ ပါဝင်ခဲ့ သူတွေပါလာရင် အရေးယူသွားမယ်လို့ ဦးမြင့်ကြိုင်က ပြောပါတယ်။

ပြီးခဲ့တဲ့ သြဂုတ်လ ၂၅ ရက်နေ့က ဖြစ်ပွားခဲ့တဲ့ လုံခြုံရေးစခန်းတွေ တိုက်ခိုက်ခံရမှုအပြီးမှာ ရခိုင်ပြည်နယ် မောင်တောဒေသက ရခိုင်၊ မြို၊ ခမီ၊ ဒိုင်းနက် လူမျိုးတွေ၊ ဟိန္ဒူဘာသာဝင်တွေနဲ့ မွတ်စလင်တွေဟာ နေရပ်စွန့်ခွာပြီး ထွက်ပြေးခဲ့ကြတာဖြစ်ပါတယ်။

ရခိုင်၊ မြို၊ ခမီ၊ ဒိုင်းနက် လူမျိုးတွေနဲ့ ဟိန္ဒူဘာသာဝင် အများစုကတော့ ရခိုင်ပြည်နယ် စစ်တွေ၊ မောင်တောနဲ့ ဘူးသီးတောင် မြို့ပေါ်တွေကို ထွက်ပြေးတိမ်းရှောင်ခဲ့ကြရတာဖြစ်ပြီး ဟိန္ဒူဘာသာဝင် အနည်းစုနဲ့ မွတ်စလင် အများစုကတော့ ဘင်္ဂလားဒေ့ရှ် နိုင်ငံဘက်ကို ထွက်ပြေးတိမ်းရှောင်နေကြတာ ဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ