ကျောက်ဖြူစီးပွားရေးဇုန်ကိစ္စ ဒေသခံတွေဆန္ဒကို အလေးအနက်ထားကြောင်း သမ္မတပြော


ရခိုင်ပြည်နယ်မှာ ကျောက်ဖြူ  အထူးစီးပွားရေးဇုန်စီမံကိန်းနဲ့ ပတ်သက်ပြီး ဒေသခံတွေရဲ့ဆန္ဒသဘောထားကို အလေးထားပြီးတော့ ဆောင်ရွက်နေတယ်လို့ နိုင်ငံတော်သမ္မတ ဦးထင်ကျော်က ဒီနေ့မှာကျရောက်တဲ့ ၄၃ ကြိမ်မြောက် ရခိုင်ပြည်နယ်နေ့အတွက် ပေးပို့တဲ့သဝဏ်လွှာမှာ ထည့်သွင်းပြောဆိုလိုက်ပါတယ်။

နိုင်ငံတော်သမ္မတ ဦးထင်ကျော် ပေးပို့တဲ့သဝဏ်လွှာကို စစ်တွေမြို့ ဦးဥတ္တမခန်းမမှာ ဒီနေ့မနက်ကပြုလုပ်တဲ့ ၄၃ ကြိမ်မြောက် ရခိုင်ပြည်နယ်နေ့အခမ်းအနားမှာ ရခိုင်ပြည်နယ်ဝန်ကြီးချုပ် ဦးညီပုက ဖတ်ကြားခဲ့တာဖြစ်ပါတယ်။

ဒါပေမဲ့ ကျောက်ဖြူကျေးလက်ဒေသ ဖွံ့ဖြိုးရေးအသင်းက ဒေါ်ကြည်ကြည်နှင်း ကတော့ ကျောက်ဖြူအ ထူးစီးပွားရေးဇုန် စီမံခန့်ခွဲမှုကော်မတီအနေနဲ့ ဆောင်ရွက်ချက်တွေကို ဒေသခံတွေ သိရှိအောင် ချပြတာမျိုးမရှိသေးဘူးလို့ ပြောပါတယ်။

"ကျမတို့သိရသလောက်ကလေ သဘာဝပတ်ဝန်းကျင်နဲ့ ပတ်သက်ပြီးတော့မှ သူတို့လေ့လာသုံးသပ် တယ်။ ကော်မတီဖွဲ့စစ်ဆေးတယ် ဘာတွေတွေ့လဲ၊ ဘာတွေဘယ်လိုလုပ်ဆောင်မတုန်း သဘာဝ ပတ်ဝန်းကျင်ကို ဘယ်နည်းနဲ့ ထိန်းမယ်ဆိုတာလည်း သူတို့ လူထုကိုချပြတာ ကျမလည်း မတွေ့သေး ဘူးရှင့်။ နောက်ဆုံးသိရတဲ့ အခြေအနေက ဟိုတလောတုန်းကလည်း သူတို့ဝန်ကြီးတွေလာ တယ်။ မြေဈေးနဲ့ပတ်သက်ပြီးတော့မှ ဒေသခံတွေက ၈၀၀ တောင်းတယ်။ တစ်ဧက ကို။ သူတို့ကလည်း ဘာမှတော့ မပြောဘူး။ ဧက ၄၀၀၀ ကျော်မှာ လျော်ကြေးရယ်လို့တော့ မဟုတ်ဘူး။ လောလော ဆယ် လျော်ကြေးမပေးရသေးပါဘူး။"

နိုင်ငံတော်သမ္မတက ပေးပို့တဲ့ သဝဏ်လွှာမှာ မောင်တောဒေသ ကညင်ချောင်းစီးပွားရေးဇုန်ကို အကောင် အထည်ဖော်ဆောင်ရွက်နေပြီဖြစ်သလို ကုလားတန်မြစ် ဘက်စုံဖွံ့ဖြိုးရေးစီမံကိန်းကိုလည်း အလေးပေးဆောင်ရွက်နေတယ်လို့ ထည့်သွင်းဖော်ပြထားပါတယ်။

မြောက်ဦးမြို့ကို ကမ္ဘာ့ရှေးဟောင်းယဉ်ကျေးမှု အမွေအနှစ်စာရင်းဝင်မြို့တော်အဖြစ် အသိအမှတ်ပြုနိုင်ရေးအတွက် UNESCO နဲ့ပူးပေါင်းပြီး ဆောင်ရွက်နေတယ်လို့လည်း ပါရှိပါတယ်။

၁၉၇၄ ခုနှစ် ဖွဲ့စည်းပုံအခြေခံဥပဒေမှာ ရခိုင်ပြည်နယ်အဖြစ် သတ်မှတ်ပြဌာန်းပြီးနောက် ဖွဲ့စည်းပုံအခြေခံဥပဒေ အတည်ပြုရေးအတွက် ဆန္ဒခံယူပွဲစတင်ကျင်းပခဲ့တဲ့ ဒီဇင်ဘာလ ၁၅ ရက်နေ့ကို ရခိုင်ပြည်နယ်နေ့အဖြစ် သတ်မှတ်ခဲ့တာဖြစ်ပါတယ်။

ဒီနေ့ ၄၃ ကြိမ်မြောက် ရခိုင်ပြည်နယ်နေ့ အခမ်းအနားကို စစ်တွေမြို့မှာ ပြည်နယ်အစိုးရအဖွဲ့က ဦးဆောင်ပြီး ကျင်းပခဲ့တာလည်းဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ