နေရပ်စွန့်ခွာထွက်ပြေးလာသူ ၅၀၀ ကျော်ရှိ

မောင်တောမြို့နယ်မှာ လာရောက်ခိုလှုံကြတဲ့ စစ်ဘေးဒုက္ခသည်တွေရဲ့ အိမ်တွေကို တွေ့ရစဉ်။ Photo: Wai Hun Aung Facebook
ရခိုင်ပြည်နယ်၊ ဘူးသီးတောင်မြို့နယ်ကနေ အကြောင်းအမျိုးမျိုးကြောင့် မောင်တောမြို့နယ် ၃ မိုင်ကျေးရွာကို နေရပ်စွန့်ခွာထွက်ပြေးလာတဲ့ မြိုတိုင်းရင်းသား ၅၀၀ ကျော် ရှိနေပြီလို့ ကူညီပေးနေတဲ့ ပရဟိတဆရာတော်က ဒီနေ့ မိန့်ပါတယ်။

ရေရှည်စားဝတ်နေရေးအတွက်ကို အလုပ်ထွက်လုပ်ကြဖို့ လမ်းညွှန်ထားတယ်လို့ မောင်တောမြို့ ၃ မိုင် ပရဟိတ ဆရာတော် ဘဒ္ဒန္တစန္ဒာသီရိ က မိန့်ပါတယ်။

"၇၄ စုပါ၊ လူဦးရေ ၅၀၇ ဦးပါ၊ ဘုန်းဘုန်းက သူတို့ကို တဲကလေးတွေ ဆောက်ပေးပြီးတော့ထားတယ်၊ ဒကာတို့ရေ ငါ့ကလည်းတော့ မတတ်နိုင်ရှာဘူး၊ ပတ်ဝန်းကျင်က အလှူရှင်မရောက်လို့ရှိရင် ကိုယ်စီ ကိုယ်စီ ဘယ်နေရာမှာ အလုပ်ရရ သွားကြပါ၊ လုပ်ကြပါ၊ ကိုင်ကြပါလို့ ဘုန်းဘုန်းလမ်းညွှန်ထားပါတယ်၊ အခက်အခဲရှိရင် ဘုန်းဘုန်းကျွေးမှာလို့ ပြောထားပါတယ်"

အဲဒီမြိုတိုင်းရင်းသားတွေဟာ ဒီဇင်ဘာလ ၆ ရက်နေ့ကစတင်ကာ ရောက်လာကြတာဖြစ်ပြီး လက်ရှိအချိန်မှာ လူဦးရေ ၅၀၀ ကျော်အထိ ရှိလာတာ ဖြစ်ပါတယ်။

သူတို့နေထိုင်ဖို့အတွက် မောင်တောမြို့ ၃မိုင် သီဟိုသရက်ခြံအနီးမှာ မြေနေရာမှာ ယာယီတဲလေးတွေ ဆောက်လုပ်ပေးထားတာ ဖြစ်ပါတယ်။

ဘူးသီးတောင်မြို့နယ်မှာ အစိုးရတပ်မတော်နဲ့ ရက္ခိုင့်တပ်မတော်တို့ရဲ့ တိုက်ပွဲတွေကြောင့် တိမ်းရှောင်လာသူတွေ ရှိသလို အကြမ်းဖက်သမားတွေရဲ့ အန္တရာယ်တွေကို စိုးရိမ်မှုကြောင့် ထွက်ပြေးလာသူတွေလည်းရှိတယ်လို့ သိရပါတယ်။

ပြီးခဲ့တဲ့ ဒီဇင်ဘာလ ၁၉ ရက်နေ့ကလည်း AA နဲ့ တပ်မတော်တို့ရဲ့ တိုက်ပွဲတွေကြောင့် ဘူးသီးတောင်မြို့နယ် သြရမကျေးရွာအုပ်စု လက်ပံကိုင်း၊ သလူပြား၊ မြောင်းချောင်း၊ အင်းချောင်းနဲ့ လောင်းယုံကျေးရွာအုပ်စု တောင်ချောင်းကြီး၊ နတ်ဆိပ်၊ တောင်ချေ စတဲ့ကျေးရွာတွေကလည်း လူဦးရေ ၁၇၀ လောက် မောင်တောမြို့ ၃ မိုင်ကျေးရွာကို ထွက်ပြေးလာခဲ့ကြပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ