ဟံသာဝတီလေဆိပ်စီမံကိန်းအတွက် ကျူးကျော် တစ်ထောင်ကျော်ကို လျော်ကြေးပေး ဖယ်ရှားမည်

ဒုတိယသမ္မတ ဦးဟင်နရီဗန်ထီးယူ ဟံသာဝတီလေဆိပ်တည်ဆောက်မယ့် မြေနေရာကို ဒီဇင်ဘာလ ၁ ရက်နေ့က ကြည့်ရှုစစ်ဆေးစဉ်/ Photo: Myanmar President Office
ပဲခူးတိုင်းဒေသကြီး၊ ပဲခူးမြို့အနီးမှာ တည်ဆောက်မယ့် ဟံသာဝတီ အပြည်ပြည်ဆိုင်ရာ လေဆိပ်စီမံကိန်း ဧရိယာထဲမှာရှိနေတဲ့ ကျူးကျော်နေအိမ် ၁ ထောင်ကျော်ကို လျော်ကြေးပေး ဖယ်ရှားကာ မြေနေရာပြန်ပေးဖို့ ပဲခူးတိုင်းအစိုးရအဖွဲ့က စီစဉ်နေတယ်လို့  တိုင်းလွှတ်တော် ကိုယ်စားလှယ် ဦးညွန့်ရွှေက ဒီနေ့ ပြောပါတယ်။

လေယာဉ်ကွင်းရဲ့ မြောက်ဘက်ပိုင်းက မြေ ၂၈ ဧကပေါ်မှာ ပြန်လည်နေရာချထားပေးဖို့ စီစဉ်နေတာဖြစ်တယ်လို့ ပဲခူးမြို့နယ် တိုင်းလွှတ်တော် ကိုယ်စားလှယ် ဦးညွှန့်ရွှေက ပြောပါတယ်။

"ကျနော် သိတာကတော့ ဟံသာဝတီလေဆိပ်နဲ့ပတ်သက်လို့ ကျူးကျော်တွေကို စာရင်းကောက်ပြီးပြီခင်ဗျ၊ တိုင်းဒေသကြီးအစိုးရက ပြီးခဲ့တဲ့ စက်တင်ဘာလောက်က စာရင်းကောက်ထားပြီးပြီ၊ အားလုံး ၁ ထောင်ကျော် ရှိပါတယ်၊ ကျူးကျော်တွေကို ပြန်ပြီးနေရာချပေးဖို့အတွက် လေယာဉ်ကွင်းရဲ့ မြောက်ဘက်နားမှာ မြေ ၂၈ ဧက ရှိပါတယ်၊ အဲဒီထဲမှာ နေရာချပေးဖို့ လုပ်နေပါတယ်၊ လုပ်ပြီးတာနဲ့ သူတို့ကိုတစ်ခါတည်း နေရာလည်းချမယ်၊ ထိုက်သင့်တဲ့လျော်ကြေး၊ နစ်နာကြေးလည်း သူတို့ပေးပါလိမ့်မယ်"

အဲဒီစီမံကိန်းကိစ္စနဲ့ပတ်သက်ပြီး ဒုတိယသမ္မတ ဦးဟင်နရီဗန်ထီးယူ မနေ့က လာရောက်ကာ တိုင်းဒေသကြီး အစိုးရအဖွဲ့နဲ့ ဆွေးနွေးမှုတွေ ပြုလုပ်ခဲ့တာ ဖြစ်ပါတယ်။

အဲဒီစီမံကိန်းအတွက် တိုင်းအစိုးရအဖွဲ့က ကျူးကျော်တွေကို ရှင်းလင်းတာ၊ လေယာဉ်ကွင်းပတ်လမ်းလုပ်တာနဲ့ ခြံစည်းရိုးခတ်တာတွေ လုပ်ဆောင်ပေးရမှာ ဖြစ်တယ်လို့လည်း ဦးညွှန့်ရွှေက ပြောပါတယ်။

ဟံသာဝတီ အပြည်ပြည်ဆိုင်ရာလေဆိပ် စီမံကိန်းဧရိယာဖြစ်တဲ့ မြေဧက ၉ ထောင်ကျော်ထဲမှာ ရှိနေတဲ့ ကျူးကျော်တွေကို ဖယ်ရှားဖို့အတွက် လျော်ကြေးငွေတွေကို ဘယ်လိုနှုန်းထားတွေနဲ့ ပေးအပ်သွားမလဲဆိုတာတော့ မသိရသေးဘူးလို့လည်း ပြောပါတယ်။

အဲဒီ ဟံသာဝတီ အပြည်ပြည်ဆိုင်ရာလေဆိပ်ကြီးကို အမေရိကန်ဒေါ်လာ တစ်ဘီလီယံခွဲ အကုန်ခံ တည်ဆောက် မယ့် ပြည်ပကုမ္ပဏီတွေက ဂျပန်နိုင်ငံက JGC Corporation, စင်ကာပူနိုင်ငံက Yongnam Holdings Ltd နဲ့ Changi Airports International တို့ ဖြစ်ကြပါတယ်။

အဲဒီလေဆိပ်ကြီးဟာ မြန်မာနိုင်ငံမှာ အကြီးဆုံးလေဆိပ် ဖြစ်လာမှာဖြစ်ပြီး လာမယ့် ၂၀၂၂ ခုနှစ်မှာ အပြီးသတ် ဆောက်လုပ်မှာဖြစ်ပါတယ်။ တစ်နှစ်ကို ခရီးသည် ၁၂ သန်း အဝင်အထွက်ရှိမှာလည်း ဖြစ်ပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ