တိုက်ပွဲတွေကြောင့် မောင်တောကို ထွက်ပြေးတိမ်းရှောင်သူ ၁၇၀ လောက်ရှိ

မောင်တောမြို့နယ်မှာ လာရောက်ခိုလှုံကြတဲ့ စစ်ဘေးဒုက္ခသည်တွေရဲ့ အိမ်တွေကို တွေ့ရစဉ်/ Photo: Wai Hun Aung Facebook
အစိုးရတပ်မတော်နဲ့ ရက္ခိုင့်တပ်မတော် AA တို့ တိုက်ပွဲတွေကြောင့် ရခိုင်ပြည်နယ် ဘူးသီးတောင်မြို့နယ် က ဒေသခံတွေ မောင်တောမြို့ သုံးမိုင်ကျေးရွာကို ထွက်ပြေးတိမ်းရှောင်လာကြရာမှာ ဒီနေ့အချိန်အထိဆိုရင် လူဦးရေ ၁၇၀ လောက်ရှိနေပြီလို့ ဒေသခံတွေက ပြောပါတယ်။

သူတို့တွေကို သုံးမိုင်ကျေးရွာအနီးမှာ ယာယီတဲတန်းလျားတွေနဲ့ နေရာချထားပေးတယ်လို့ အကူအညီတွေပေးနေ တဲ့ ဝေဟင်အောင် ပရဟိတအဖွဲ့ခေါင်းဆောင် ကိုဝေဟင်အောင် က ပြောပါတယ်။

အခုထွက်ပြေးတိမ်းရှောင်လာကြသူတွေဟာ ဘူးသီးတောင်မြို့နယ် သြရမကျေးရွာအုပ်စု လက်ပံကိုင်း၊ သလူပြား၊ မြောင်းချောင်း၊ အင်းချောင်းနဲ့ လောင်းယုံကျေးရွာအုပ်စု တောင်ချောင်းကြီး၊ နတ်ဆိပ်၊ တောင်ချေ စတဲ့ကျေးရွာတွေကဖြစ်တယ်လို့သိရပါတယ်။

အဲဒီကျေးရွာတွေဟာ ပလက်ဝမြို့နယ်နဲ့ ထိစပ်နေတဲ့ကျေးရွာတွေဖြစ်တာကြောင့် အစိုးရတပ်မတော်နဲ့ ရက္ခိုင့်တပ်မတော် AA တို့ရဲ့ စစ်ရေးလှုပ်ရှားမှုတွေ၊ ပစ်ခတ်မှုတွေကို နေ့စဉ်ကြုံတွေ့နေရတာကြောင့် စိုးရိမ်ကြောက်လန့်ပြီး ထွက်ပြေးတိမ်းရှောင်လာကြတာဖြစ်တယ်လို့ ဆိုပါတယ်။

ဝေဟင်အောင်ပရဟိတအဖွဲ့ဟာ စစ်ဘေးတိမ်းရှောင်လာသူတွေအတွက် မနေ့က တဲအိမ်တွေ လှူဒါန်းခဲ့ သလို သောက်သုံးရေ၊ အိမ်သာနဲ့ စားနပ်ရိက္ခာတွေ ဆက်လက်ထောက်ပံ့ဖို့ လိုအပ်နေတယ်လို့လည်း ကိုဝေဟင်အောင်က ပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ