ပျံ့နှံ့မှုမြန်ဆန်သော ကယ်လီဖိုးနီးယား တောမီးကြောင့် အရေးပေါ်အခြေအနေ ကယ်လီဖိုးနီးယား အစိုးရ ကြေညာ

အမေရိကန်နိုင်ငံ အနောက်ပိုင်း ဗန်တူရာနယ်မြေတွင် တောမီးလောင်ကျွမ်းနေသည်ကို တွေ့ရစဉ် (ဆင်ဟွာ)
 လော့စ်အိန်ဂျလိစ်၊ ဒီဇင်ဘာ ၆ ရက် (ဆင်ဟွာ)

    အမေရိကန်နိုင်ငံ အနောက်ပိုင်း ဗန်တူရာခရိုင်တွင် ပျံ့နှံ့မှု မြန်ဆန်နေသော တောမီးကြောင့် မြေ ၄၅၅၀၀ ဧက မီးလောင်ကျွမ်းခဲ့ကာ နေအိမ် ရာပေါင်းများစွာ ပျက်စီးပြီး ဒေသခံ ၂၇၀၀၀ ဦး ရွှေ့ပြောင်းခဲ့ရသဖြင့် ဒီဇင်ဘာလ ၅ ရက်တွင် ကယ်လီဖိုးနီးယားပြည်နယ် အုပ်ချုပ်ရေးမှူး ဂျယ်ရီဘရောင်းက အရေးပေါ်အခြေအနေ ကြေညာလိုက်သည်။

သောမတ်စ် မီးတောက်ကြီးဟု အမည်ပေးထားသော တောမီးသည် ဒီဇင်ဘာလ ၄ ရက် ညနေပိုင်းက Santa Paula မြို့ရှိ Aquinas ကောလိပ်နှင့် Stekel ပန်းခြံ၌ စတင်လောင်ကျွမ်းခဲ့ပြီး အမှတ် ၁၅၀ အဝေးပြေးလမ်းမကြီးဘေး နှစ်ဘက်တစ်လျှောက် လောင်ကျွမ်းခဲ့သည်။ တောမီးလောင်ကျွမ်းစဉ် တိုက်ခတ်ခဲ့သည့် လေပြင်းကြောင့် မီးစတင်လောင်ကျွမ်းပြီး နာရီအနည်းငယ်အတွင်းမှာ အံ့သြဖွယ် မီးတောက် ကြီးမားခဲ့ခြင်း ဖြစ်ပြီး လော့စ်အိန်ဂျလိစ်မြို့လယ်မှ အနောက်မြောက်ဘက် ၁၁၀ ကီလိုမီတာအကွာရှိ Santa Paula နှင့် Ventura မြို့များအတွက် အန္တရာယ်ရှိနေကြောင်း သိရသည်။

“တောမီးက အရမ်း အန္တရာယ်များပြီး ပျံ့နှံ့နှုန်းလဲ အရမ်းမြန်တယ်၊ ဒါပေမဲ့ ကျွန်တော်တို့ တတ်နိုင်သလောက် ဆက်ပြီး ငြှိမ်းသတ်သွားမှာပါ။ စိုးရိမ်ဖွယ် နေရာတွေက ဒေသခံတွေအနေနဲ့ ပြောင်းရွှေ့ဖို့ လိုအပ်ပါက ချက်ချင်းပြောင်းနိုင်အောင် အသင့်ရှိနေစေလိုပါတယ်” ဟု အုပ်ချုပ်ရေးမှူး ဘရောင်းက သတင်းစာရှင်းလင်းပွဲက ပြောကြားခဲ့သည်။

ပြည်ထောင်စု အရေးပေါ် စီမံခန့်ခွဲမှုလုပ်ငန်းက သောမတ်စ်တောမီးအား ထိန်းချုပ်ရန်၊ စီမံခန့်ခွဲရန်နှင့် မီးဘေးအန္တရာယ် လျော့ပါးသက်သာရန်အတွက် မီးဘေး စီမံခန့်ခွဲမှု အကူအညီများ ပေးအပ်ခဲ့ကြောင်း သိရသည်။

ကယ်လီဖိုးနီးယားတွင် တောမီးလောင်ကျွမ်းမှုများစွာ ဖြစ်ပွားလျက်ရှိသည်။ အခြား အားပြင်းသည့် တောမီးတစ်ခုဖြစ်သော Creek Fire ကြောင့် လော့စ်အိန်ဂျလိစ်နယ်မြေတွင် အနည်းဆုံး ဧက ၄၀၀၀ မီးလောင်ကျွမ်းခဲ့ကြောင်း သိရသည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ