ရေတာရှည်မြို့လယ်တွင် ဆီဘောက်ဆာယာဉ် အရှိန်လွန်ဝင်တိုက်မိ၍ ဆိုင်ကယ်စီးနင်းလာသူသေဆုံး


ရေတာရှည် ဒီဇင်ဘာ ၁

ရန်ကုန်-မန္တလေးကားလမ်းတစ်လျောက်ရှိ မြို့တွင်းဖြတ်သန်းမောင်းနှင်သည့် ယာဉ်များအနေ ဖြင့် အရှိန်ပြင်းစွာမောင်းနှင်မှုကြောင့် ယာဉ်မတော်တဆမှုများ မကြာခဏဆိုသလိုဖြစ်ပွားလေ့ရှိရာ ပဲခူး တိုင်းဒေသကြီး၊ ရေတာရှည်မြို့လယ်တွင် နိုဝင်ဘာ ၃ဝ ရက်နေ့ ည ၈ နာရီခွဲအချိန်ခန့် ဆီဘောက်ဆာ (၂၂)ဘီးထွေလာယာဉ် အရှိန်လွန် ဝင်ရောက် တိုက်မိခဲ့သည့်အတွက် ဆိုင်ကယ်စီးနင်းလာသူ နေရာ၌ သေဆုံးသွားခဲ့ကြောင်း သိရသည်။

 ရန်ကုန်-မန္တလေးကားလမ်းဟောင်း မိုင်တိုင် ၁၉၁/၁ နှင့် ၂ အကြား၊ ရေတာရှည်မြို့၊ အမှတ်(၁)ရပ်ကွက်၊ အောင်သပြေစတိုးဆိုင်ရှေ့တွင် ယာဉ်တိုက်မှုဖြစ်ပွားကြောင်းသတင်း အရ မြို့မရဲစခန်းမှ တာဝန်မှူး ဒုရဲအုပ် အောင်သာပြည့် နှင့်အဖွဲ့က သွားရောက်စစ်ဆေးခဲ့သည်။

စစ်ဆေးချက်အရ ကားလမ်း အတိုင်း မြောက်မှတောင်သို့ ဆန်းလင်းမျိုး(၂၅)နှစ်၊ မကျည်းကန်ကျေးရွာ၊ မကွေးတိုင်းဒေသကြီးနေသူ မောင်းနှင်လာသည့် MDY-4D/-------- ရှောင်လောင်း(၂၂)ဘီး ဆီဘောက်ဆာတွဲယာဉ်သည် ရှေ့မှ သွားနေသော ယာဉ်အား အရှိန်ဖြင့်ကျော်တက်ရာမှ တစ်ဘက်ယာဉ်ကြောသို့ အရှိန်လွန်ရောက်ရှိကာ မျက်နှာချင်း ဆိုင်ဘက်မှ အောင်နိုင်လင်း(၂၇)နှစ် စီးနင်းမောင်းနှင်လာသော ၂၇ယ/------ လော်ဂျား ၁၁ဝ ဆိုင်ကယ်အား ဝင်ရောက်တိုက်မိခဲ့ခြင်း ဖြစ်ကြောင်း သိရသည်။

 အောင်နိုင်လင်း မှာ ရရှိသော ဒါဏ်ရာများဖြင့် နေရာ၌ သေဆုံးသွားခဲ့၍ မဆင်မခြင်မောင်းနှင်သူ ဆန်းလင်းမျိုး အား ရေတာရှည်မြို့မရဲစခန်က အမှုဖွင့်အရေး ယူဆောင်ရွက်ထားကြောင်း သိရ သည်။

ကိုလွင်(ဆွာ)
Myanmaalinn
https://www.facebook.com/MYANMAALINNNEWS

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ