ကေအိုင်အေနဲ့ တပ်မတော်တို့ တိုက်ပွဲပြင်းထန်

Mung Lai Hkyet IDPs Camp မှ ဒုက္ခသည်များကို တွေ့ရစဉ်/ Photo: Hkun Li's facebook
ကချင်လွတ်မြောက်ရေးအဖွဲ့ KIA ဌာနချုပ် လိုင်ဇာအနီးကို ဒီဇင်ဘာလ ၁၅ ရက်နေ့ မနေ့က တပ်မတော်ဘက်က လက်နက်ကြီးတွေနဲ့ ပစ်ခတ်တိုက်ခိုက်တာတွေရှိသလို  ဒီဇင်ဘာ ၁၄ ရက်နေ့က မန်စီမြို့နယ်ဘက်မှာ ဂျက်လေယာဉ်တွေနဲ့ တိုက်ခိုက်တာတွေရှိခဲ့တယ်လို့ KIA ပြန်ကြားရေး တာဝန်ခံ ဒုတိယဗိုလ်မှုးကြီးနော်ဘူက ဒီနေ့ ပြောပါတယ်။

ဂျက်လေယာဉ်တွေပါ အသုံးပြုပြီး တိုက်ခိုက်နေတာဖြစ်တဲ့အတွက် တိုက်ပွဲပြင်းထန်နေတယ်လို့ KIA ပြောခွင့်ရ ဒုတိယဗိုလ်မှုးကြီးနော်ဘူက ပြောပါတယ်။

KIA ဌာနချုပ်အနီးကို လက်နက်ကြီးနဲ့ ပစ်ခတ်ခဲ့တာကြောင့်  လိုင်ဇာအနီးက စစ်ဘေးဒုက္ခသည်တွေ အနည်းငယ် ထိတ်လန်မှုတွေရှိခဲ့ပေမယ့် ဒီနေ့ တည်ငြိမ်သွားပြီလို့ KIA ပြန်ကြားရေးတာဝန်ခံက ပြောပါတယ်။

ကချင်ပြည်နယ်မှာ အစိုးရတပ်မတော်နဲ့ ကချင်လွတ်မြောက်ရေးအဖွဲ့ KIA တို့အကြား ဒီ ရက်ပိုင်းအတွင်း လိုင်ဇာမြို့ ပတ်ဝန်းကျင်၊ မန်စီမြို့နယ် မန်ဝိန်းကြီးဒေသနဲ့ တနိုင်းဒေသဘက်မှာ တိုက်ပွဲတွေ တကျော့ပြန် ပြင်းထန်လာပြီး လေကြောင်းကနေ တိုက်ခိုက်မှုတွေအပြင် မြေပြင် တ်ိုက်ပွဲတွေလည်း ဖြစ်ပွားခဲ့ပါတယ်။

၂၁ ရာစုပင်လုံညီလာခံမတိုင်ခင် စစ်ရေးအရ ဖိအားပေးတာ ဖြစ်နိုင်သလို KIA အဖွဲ့ရဲ့ စီးပွားရေးလုပ်ငန်းတွေကို ဖြတ်တောက်ချင်တာလည်း ဖြစ်နိုင်တယ်လို့ KIA ပြန်ကြားရေးတာဝန်ရှိသူ ဒုတိယဗိုလ်မှုးကြီးနော်ဘူက ပြောပါတယ်။

တနိုင်းဒေသမှာ KIA ရဲ့ စီးပွားရေးလုပ်ငန်းတွေဖြစ်တဲ့ ရွှေနဲ့ ပယင်းမှော် လုပ်ငန်းတွေရှိသလို အစိုးရတပ်မတော် ဘက်ကလည်း အဲဒီ တနိုင်းဒေသမှာ တရားမ၀င် ရွှေမှော်နဲ့ ပယင်းမှော်လုပ်ငန်းတွေကြောင့် သဘာဝပတ်ဝန်းကျင် ပျက်ဆီးမှုများနေကြောင်းနဲ့ တရားမ၀င်လုပ်ငန်းတွေရှိလို့ နိုင်ငံ့ဘဏ္ဍာငွေတွေ ဆုံးရှုံးရတဲ့အတွက် နယ်မြေ ရှင်းလင်းရေးလုပ်ငန်းတွေလုပ်မယ်လို့ ကြေညာထားပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ