ကျိုင်းတုံတွင် မီးရှို့အလောင်းဖျောက်ထားသည့် လူသတ်မှုမှ တရားခံနှစ်ဦးကို ကျိုင်းတုံနှင့် သာစည်တွင် ဖမ်းဆီးရမိ


ရှမ်းပြည်နယ် (အရှေ့ပိုင်း) ကျိုင်းတုံ-လွယ်မွေကားလမ်း မိုင်တိုင်အမှတ်(၈/၄)အနီးရှိ ချောက်အတွင်း ဒီဇင်ဘာလ(၂၂)ရက်နေ့က မီးလောင်ကျွမ်းထားသည့် အမျိုးသမီးအလောင်းတွေ့ရှိမှုမှ ကျုးလွန်သူ တရားခံ(၂)ဦးအား ကျိုင်းတုံနှင့် သာစည်မြို့များတွင် ဖမ်းဆီးရမိထားပြီဖြစ်ကြောင်း သိရသည်။

ဒီဇင်ဘာလ (၂၂)ရက်နေ့က တွေ့ရသည့် အလောင်းမှာ မီးလောင်ကျွမ်းထားပြီး သေဆုံးသူအား အတည်ပြုနိုင်ရန် အခက်အခဲဖြစ်ခဲ့သော်လည်း သေဆုံးသူ၏လက်စွပ်ကျန်ခဲ့ကြောင်း မီဒီယာများတွင် သတင်းဖေါ်ပြခဲ့ပြီးနောက် သေဆုံးသူနှင့်နီးစပ်သူက ရဲစခန်းတွင် သက်သေခံပစ္စည်းလက်စွပ်အား လာရောက်ကြည့်ရှု အတည်ပြုပေးနိုင်ခဲ့သဖြင့် အမှုအား လျင်မြန်စွာ ဖေါ်ထုတ်နိုင်ခဲ့ခြင်းဖြစ်ကြောင်း ကျိုင်းတုံမြို့တွင် ဒီဇင်ဘာလ (၂၆)ရက်နေ့က ပြုလုပ်သည့် သတင်းစာရှင်းလင်းပွဲတွင် ခရိုင်ရဲမှူးက ပြောကြားသည်။

“ဒီအမှုက စနစ်တကျကြိုတင်ကြံစည်ပြီး ကျူးလွန်ခဲ့တာဖြစ်ပါတယ်။ ဒီအမှုနဲ့ ပတ်သက်ပြီးတော့ လက်ရှိမှာ တရားခံ(၂)ဦးကို ဖမ်းဆီးရမိထားပြီး ဖြစ်ပါတယ်။ တစ်ဦးကို ကျိုင်းတုံမြို့မရဲစခန်းမှာ ဖမ်းဆီးရမိထားပြီးတော့ နောက်တစ်ဦးကိုတော့ သာစည်မြို့မှာ ဖမ်းဆီးရမိထားပါတယ်။ လက်ရှိမှာတော့ ကျိုင်းတုံမှာ ဖမ်းမိထားတဲ့ တစ်ယောက်ကိုတော့ စစ်ဆေးမှုတွေလုပ်နေပါပြီ။ လတ်တလော သိရသလောက်ကတော့ လူမှုရေးကိစ္စကြောင့် အခုလိုဖြစ်သွားတယ်ပြောတယ်။ အများပြည်သူအနေနဲ့ ထင်ယောင်ထင်မှားနဲ့ အထိတ်တလန့် ဖြစ်စရာ မလိုပါဘူး။ ကျိုင်းတုံမြို့မှာ တရားဥပဒေ စိုးမိုးမှုရှိပါတယ်”ဟု ကျိုင်းတုံခရိုင်ရဲတပ်ဖွဲ့မှူး ဒုတိယရဲမှူးကြီး မြင့်ဆွေက ဒီဇင်ဘာလ (၂၆)ရက်နေ့ သတင်းစာရှင်းလင်းပွဲတွင် ပြောသည်။

တရားခံနှစ်ဦးအနက်မှ စိုးလွင်ကို ဒီဇင်ဘာလ (၂၅)ရက်နေ့တွင် ကျိုင်းတုံမြို့၌ ရဲတပ်ဖွဲ့က ဖမ်းဆီးရမိခဲ့ပြီးနောက် ပြစ်မှုကျူးလွန်ကြောင်း ဒီဇင်ဘာလ (၂၆)ရက်နေ့တွင် စစ်ဆေးပေါ်ပေါက်ခဲ့ခြင်း ဖြစ်ကြောင်း သိရသည်။

တရားခံတစ်ဦးဖြစ်သည့် အိုက်ပီး(ခ)စိုင်းရှဲန်မှာ သာစည်မြို့တွင် ယာဉ်တိုက်မှုအတွက် သွားရောက်၍ တရားရင်ဆိုင်နေစဉ် သာစည်ရဲတပ်ဖွဲ့က ဖမ်းဆီးထိန်းသိမ်းခဲ့ကြောင်း သိရသည်။

“ဒီအမှုဟာ သတင်းမီဒီယာများရဲ့ ဖော်ပြပေးမှုကြောင့် အခုလို ဖမ်းဆီးရမိခဲ့တာဖြစ်ပါတယ်။ ဒီအတွက် သတင်းမီဒီယာများကိုလည်း ကျေးဇူးတင်ပါတယ်။ အဲဒီသတင်းတွေမှာ ဖော်ပြထားတဲ့ လက်စွပ်ကို သေဆုံးသူကောင်မလေးရဲ့ ရည်းစားဖြစ်သူက တွေ့ပြီးတော့ မနေ့ကမှ ရဲစခန်းကို လာပြီးတော့ စုံစမ်းရာမှ သေဆုံးသူဟာ မည်သူမည်ဝါဖြစ်ကြောင်းသိရပြီး (၂၄)နာရီအတွင်း အခုလို ဖော်ထုတ်ဖမ်းဆီးနိုင်ခဲ့တာပါ”ဟု ကျိုင်းတုံခရိုင်ရဲတပ်ဖွဲ့မှူး ဒုတိယရဲမှူးကြီး မြင့်ဆွေက ပြောသည်။

တရားခံများအား ဖမ်းဆီးရမိနိုင်ရန်အတွက် နယ်ထိန်းအဖွဲ့များမှ အဖွဲ့(၃)ဖွဲ့ခွဲကာ နေရာအနှံ့ လိုက်လံစုံစမ်းရှာဖွေ ဖမ်းဆီးစုံစမ်းခဲ့ပြီးနောက် သေဆုံးသူအား အတည်ပြုနိုင်ပြီး (၂၄)နာရီအတွင်း တရားခံများဖမ်းဆီးရမိခဲ့ခြင်းကြောင်း သိရသည်။

အဆိုပါ ဖြစ်စဉ်နှင့် ပတ်သက်၍ ကျိုင်းတုံမြို့မရဲစခန်းတွင် ဒီဇင်ဘာလ (၂၂)ရက်နေ့က (ပ) ၂၃၂/၂၀၁၇ ရာဇသတ်ကြီးပုဒ်မ ၃၀၂/၂၁၀ဖြင့် အမှုဖွင့် အရေးယူဆောင်ရွက်ထားခြင်းဖြစ်သည်။

သတင်း၊ ဓါတ်ပုံ  - ဇွဲမြတ်
Tachileik News Agency
http://www.tachileik.net

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ