မိုင်းရှူးမြို့ မြောက်ဘက်ခြမ်း လမ်းဖေါက်လုပ်ရေးစီမံကိန်း တပ်မတော်မှ သျှမ်းပြည်နယ်အစိုးရထံ တစုံတရာ ပြောကြားခြင်းမရှိ ဟု သျှမ်းပြည်လမ်းပန်းဆက်သွယ်ရေးဝန်ကြီးပြော


အစိုးရတပ်မတော် နှင့် သျှမ်းပြည်တပ်မတော် စစ်ရေးအငြင်းပွားသည့်နယ်မြေ မိုင်းရှူးနယ်အတွင်း ကားလမ်းဖောက်လုပ်ရေး စီမံကိန်းနှင့်ပတ်သက်၍ သျှမ်းပြည်နယ်အစိုးရ မသိရှိရဘဲ တပ်မတော် ဘက်မှ စီစဉ်နေခြင်းသာဖြစ်သည်ဟု သျှမ်းပြည်နယ် အစိုးရ လမ်းပန်းဆက်သွယ်ရေးဝန်ကြီးက သျှမ်းပြည်နယ်လွှတ်တော် အစည်းအဝေး တွင် ပြောသည်။

ဒုတိယအကြိမ် သျှမ်းပြည်နယ် လွှတ်တော် အဋ္ဌမပုံမှန်အစည်းအဝေး တတိယနေ့ဖြစ်သော ဒီဇင်ဘာ ၆ ရက်နေ့ တွင် မိုင်းရှူးမြို့နယ် မဲဆန္ဒနယ်အမှတ် (၂) သျှမ်းပြည်နယ် လွှတ်တော်အမတ် ဒေါ်နန်းကောင်ခမ်း က “လမ်းဖောက်လုပ်မည့် ဒေသအနီးတဝိုက်တွင် လက်နက်ကိုင် အဖွဲ့အစည်းများ အခြေပြုလှုပ်ရှားရာ ဒေသဖြစ်သကဲ့သို့ သက်ဆိုင်ရာဌာနက ဦးစီးပြီးလမ်းဖောက်လုပ်လျှင် စစ်ရေးလှုပ်ရှားမှုများ ရှိလာနိုင်ပြီး တိုက်ပွဲများ ဖြစ်ပေါ်လာနိုင်ကြောင်း” ကြယ်ပွင့်ပြမေးခွန်း တင်ပြမေးမြန်းခဲ့ခြင်းဖြစ်သည်။

“လမ်းဖောက်လုပ်မယ့် ဒေသတစ်ဝိုက်မှာ လက်နက်ကိုင်အဖွဲ့အစည်း တွေရဲ့ အခြေပြုလှုပ်ရှားရာဒေသ ဖြစ်နေပါတယ်။ ဒါကြောင့်မလို့ ပြည်သူလူထုက ဒေသဖွံ့ဖြိုးရေးအတွက်ထက် လတ်လလော လမ်းဖောက်လုပ်မှုကြောင့် စစ်ရေးစစ်ငွေ့တွေ သန်းလာမယ့်အခြေနေ ဒေသတွင်းမတည်ငြိမ်မှု ဖြစ်ပေါ်လာမယ့် အန္တရာယ်ကို ပြည်သူတွေဘက်က စိုးရိမ်ပူပန်နေကြပါတယ်” ဟု ၄င်းကပြောသည်။

နန်းကောင်ခမ်း၏မေးခွန်းနှင့်ပတ်သက်ပြီး သျှမ်းပြည်နယ် အစိုးရအဖွဲ့ လမ်းပန်းဆက်သွယ်ရေးဝန်ကြီး ဦးခွန်ရဲထွေး က – မိုင်းရှူးနယ်မြေအတွင်းရှိ လွိုင်နိုင်း ၊ ဝမ်လွယ်မှ သံလွင်မြစ်အနီး တာဝန်းနောင် ကူးတို့ဆိပ်သို့ မူလရှိသော ကားလမ်းအား တပ်မတော်မှ အဆင့်မြင့်တင်ဖောက်လုပ်သွားမည့် အကြောင်း သျှမ်းပြည်နယ်အစိုးရအဖွဲ့ထံ တစ်စုံတစ်ရာ အကြောင်းကြားမှု မရရှိသေးဟုသာ – ဖြေကြားသည်။

“လွိုင်နိုင်း နှင့် ဝမ်လွယ်အုပ်စုအတွင်းရှိ ကျေးရွာချိတ်ဆက်လမ်းတွေကို လက်နက်ကိုင်အဖွဲ့အစည်းတွေက ဦးဆောင်ပြီး ဖောက်လုပ်မယ်ဆိုရင် နှစ်ဖက်ထိတွေ့တိုက်ပွဲတွေ ဖြစ်ပေါ်လာနိုင်ပြီး နယ်မြေ တည်ငြိမ်းအေးချမ်းမှုကို ထိခိုက်ပျက်ပြားစေနိုင် တဲ့အတွက် ဘယ်လက်နက်ကိုင်အဖွဲ့အစည်းကိုမှ မဆောင်ရွက်စေလိုပါဘူး၊ တကယ်လို့ ဖော်ပြပါလမ်းတွေ အမှန်တကယ် ဖောက်လုပ်သွားခဲ့မယ်ဆိုရင် လက်နက်ကိုင်အဖွဲ့အစည်းမဟုတ်တဲ့ အရပ်ဘက်အဖွဲ့ဖြစ်တဲ့ ကုမ္ပဏီများကိုသာ တာဝန်ယူဖောက်လုပ်သွားစေလိုတယ်လို့ ပြည်သူလူထုဘက်က တောင်းဆိုလာတယ် ” ဟု ဒေါ်နန်းကောင်ခမ်း ကပြောသည်။

အစိုးရတပ်မတော်သည် ဒေသအတွင်း လမ်းဖေါက်လုပ်ရေးစီမံကိန်းအတွက် မိုင်းရှူး – တန့်ယန်း လမ်းမ မှတဆင့် ဝမ့်လွယ်၊ လွယ်နိုင်း၊ တာ့ဝန်းနောင်း (သံလွင်မြစ်ကူးတို့ဆိပ်) လမ်း ပေါ်ရှိ SSPP/SSA တပ်များ ဆုတ်ပေးရန် အောက်တိုဘာ လဆန်းပိုင်းက ပြောကြားလာသဖြင့် ၂ ဖက်စစ်ရေးတင်းမာမှုရှိခဲ့ကြောင်း SSPP/SSA မှပြန်ကြားရေးအရာရှိက သျှမ်းသံတော်ဆင့်အားပြောပြခဲ့ဖူးသည်။

By: သျှမ်းသံတော်ဆင့်/နန်းဆိုင်ဖူး
http://burmese.panglong.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ