ဘူးသီးတောင်တွင် WY စာတမ်းပါ စိတ်ကြွမူးယစ်ဆေးပြား တစ်သန်းနီးပါး ဖမ်းဆီးရမိ


နိရဉ္စရာ၊ နိုဝင်ဘာ ၁၄

ရခိုင်ပြည်နယ် ဘူးသီးတောင်မြို့တွင် WY စာတမ်းပါ စိတ်ကြွမူးယစ်ဆေးပြား တစ်သန်းနီးပါးကို ယမန်နေ့ ညနေက ဖမ်းဆီးရမိသည်ဟု သတင်းရရှိသည်။

ဘူးသီးတောင်မြို့နယ်မှူး သောင်းငွေက “ စိတ်ကြွဆေးပြားတွေရဲ့ တန်ဖိုးက ကျပ်ငွေ သိန်းပေါင်း တစ်သောင်းကိုးထောင်ငါးရာခန့် တန်ဖိုးရှိပါတယ်။ အရေအတွက်က ကိုးသိန်း ခုနှစ်သောင်း ငါးထောင်ဖြစ်ပါတယ်။ အမှတ် (၄) သပြေကုန်းရပ်ကွက် ဦးစိုးပိုင်အိမ်က ဖြစ်ပါတယ်” ဟု ပြောသည်။

သတင်းအရ နယ်ထိန်း ရဲအုပ်ကျော်စိုးနှင့် အဖွဲ့မှ ၀င်ရောက်ရှာဖွေရာမှ ဖမ်းဆီးမိခြင်း ဖြစ်ကြောင်း၊ ဖမ်းဆီးခံရသူမှာ NLD ဘူးသီးတောင်မြို့နယ် ဒုဥက္ကဋ္ဌ ဦးရဲသိန်း(ခ)ဘူနောင်၏ ညီဖြစ်ကြောင်း ၎င်းက ဆက်လက် ပြောကြားသည်။

ဘူးသီးတောင်မြို့နယ် ပြည်နယ်လွှတ်တော် အမှတ်(၂) ကိုယ်စားလှယ် ဦးထွန်းအောင်သိန်းက “ ကျွန်တော်တို့ကြားတာက သေတ္တာနှစ်လုံးထဲက ဖမ်းမိတာဖြစ်တယ်လို့ သိရပါတယ်။ ဦးစိုးပိုင်ပိုင်တဲ့ ပစ္စည်းတွေ ဖြစ်တဲ့ အတွက်သူ့ကို ဖမ်းထားတယ်လို့ သိရပါတယ်။ သူက NLD မြို့နယ် ဒုဥက္ကဋ္ဌရဲ့ ညီဖြစ်ပါတယ်။ တစ်အိမ်တည်းမှာ အတူနေကြတယ်လို့ သိရပါတယ်” ဟု ပြောကြားသည်။

ယခု ဖမ်းမိသော စိတ်ကြွဆေးပြားအရေအတွက်မှာ ဘူးသီးတောင်တွင် အများဆုံးဖမ်းမိသည့် အရေအတွက် ဖြစ်သည်ဟု သိရကြောင်း၊ ယခုအခါ စိတ်ကြွဆေးပြားများကို ကျောင်းသားများနှင့် လူငယ်များ အကြား သုံးစွဲမှုများနေ၍ စိုးရိမ်စရာကောင်းနေကြောင်း၊ သက်ဆိုင်ရာမှ ထိထိမိမိ နှိမ်နှင်း အရေးယူရန် လိုအပ်နေကြောင်း၊ ယခုဆေးပြားများကို ဘင်္ဂလာဒေ့ရ်ှသို့ ပို့ဆောင်ရန် စီစဉ်ထားပုံရကြောင်း ဦးထွန်းအောင်သိန်းက ပြောကြားသည်။

(ဓာတ်ပုံ- ကိုအောင်)
Narinjara
https://www.facebook.com/Narinjara

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ