ငှက်ဖျားတိုက်ဖျက်ရေး ထိခိုက်မယ့်အန္တရယ် WHO သတိပေး


ကမ္ဘာတ၀န်း ငှက်ဖျားရောဂါ တိုက်ဖျက်ရေး လုပ်ငန်းတွေမှာ လွန်ခဲ့တဲ့ ဆယ်စုနှစ်တွေအတွင်း ရရှိခဲ့တဲ့ အောင်မြင်မှုတွေကို ဆုံးရှုံးမယ့် အခြေအနေနဲ့ ရင်ဆိုင်နေရကြောင်း ကမ္ဘာ့ကျန်းမာရေးအဖွဲ့ (WHO) က သတိပေးလိုက်ပါတယ်။

ငှက်ဖျားရောဂါ ဖြစ်ပွားမှုတွေဟာ နိုင်ငံတော်တော်များများမှာ ပြန်လည်မြင့်တက်လာနေကြောင်း WHO ရဲ့ နှစ်ပတ်လည် အစီရင်ခံစာက ဖော်ပြခဲ့တာပါ။ Madagascar, Senegal နဲ့ Zimbabwe နိုင်ငံတွေ အပါအ၀င် ငှက်ဖျားရောဂါ အမြစ်ပြတ်အောင် တိုက်ဖျက်နိုင်မယ့် အလားအလာရှိနေတဲ့ နိုင်ငံတွေ ရှိနေပေမဲ့ တိုးတက်မှုတွေ တန့်နေတဲ့ နိုင်ငံတွေ ရှိနေကြောင်းလည်း ဒီကနေ့ ထုတ်ပြန်လိုက်တဲ့ အစီရင်ခံစာက သတိပေးထားပါတယ်။ ၂၀၁၅ ခုနှစ် ကနေ ၂၀၁၆ ခုနှစ်အတွင်း Rwanda, Nigeria နဲ့ Congo ဒီမိုကရက်တစ် သမ္မတ နိုင်ငံတွေ အပါအ၀င် အာဖရိက ၈ နိုင်ငံမှာတော့ ငှက်ဖျားရောဂါ ဖြစ်ပွားမှုနှုန်းဟာ ၂၀ ရာခိုင်နှုန်းကျော် တိုးလာခဲ့တာပါ။

တချိန်တည်းမှာပဲ ငှက်ဖျားရောဂါ ကာကွယ်ရေးနဲ့ ကုသရေးအတွက် အသုံးစရိတ်ဟာလည်း လျော့ကျလာနေပြီး၊ ၂၀၁၆ ခုနှစ်မှာ ရန်ပုံငွေ ဒေါ်လာ ၂.၇ ဘီလီယံသာ ရရှိခဲ့တာကြောင့် ၂၀၂၀ ပြည့်နှစ်အတွက် လိုအပ်ချက်ရဲ့ ထက်ဝက်တော့ မပြည့်ပဲ ဖြစ်နေပါတယ်။

ဒီလိုအခြေအနေတွေကြောင့် အရင်တနှစ်ထက်စာရင် ၂၀၁၆ ခုနှစ်မှာ သေဆုံးမှုနှုန်း အနည်းငယ် လျော့ကျခဲ့ပြီး ၄ သိန်း ၁ ထောင် ရှိခဲ့တဲ့ အာဖရိက နိုင်ငံတွေမှာ အထိအနာဆုံးဖြစ်လာနိုင်ပါတယ်။ WHO ကတော့ ငှက်ဖျားရောဂါ ကာကွယ်ရေး နည်းလမ်းတွေကို တိုးတက်အောင် လုပ်ဖို့ သာမက နည်းလမ်းသစ်တွေအတွက် ရင်းနှီးမြှုပ်နှံ ဆောင်ရွက်ဖို့လည်း တိုက်တွန်းနေတာပါ။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ