မိုင်းပေါက်မြို့သစ်စီမံကိန်း သိမ်းပိုက်ခံလယ်ယာမြေများအတွက် UWSA စတင်လျော်ကြေးပေး


နိုဝင်ဘာ ၈ ရက် ၂၀၁၇

သျှမ်းပြည်အရှေ့ပိုင်း မိုင်းယန်းမြို့နယ် မိုင်းပေါက်မြို့နယ်ခွဲအတွင်းဒေသခံ အာဏာပိုင်များဖြစ်ကြည့် ဝပြည်သွေးစည်းညီညွတ်ရေးတပ်မတော် UWSA တပ်မဟာ ၄၆၈ မှ မြို့သစ်စီမံကိန်း အတွက် သိမ်းပိုက် ထား သည့် လယ်ယာမြေများအတွက် လျော်ကြေးများ ပေးလျော်သည်ဟု သိရသည်။

မိုင်းပေါက်မြို့အခြေစိုက် တပ်မဟာ ၄၆၈ ပေါက်အိုက်ပန်း ကိုယ်စား ဝ တပ် အရာရှိအချို့မှ တာဝန်ယူ ကာ လယ်သမား ၁၀ ဂဏန်းအတွက် တဧက ခန့်ရှိမြေတကွက် ( ဒေသ အခေါ် မြေအကျယ် တစ်မူး) အတွက် ယွမ်ငွေ ၆၅၀၀ ပေးလျော်ကြောင်း၊ ပြင်ပ ပေါက်ဈေး မြေအကျယ် တစ်မူး ယွမ်ငွေ ၇ သောင်းမှ ၁ သိန်း အထိ ရှိကြောင်း ဒေသခံ လယ်သ မားတဦးက ဤသို့ပြောသည်။

“ကျနော်တို့က အိမ်အသစ်လဲ ထပ်ဆောက်ရတယ်။ ပိုက်ဆံလဲမလောက် ဘူး။ အိမ်အတွက် ယွမ်ငွေ ၃၅၀၀ ဘဲပေးတယ်။ တချို့ မျက်ရည်နဲ့ မျက်ခွက်နဲ့ ဖြစ်နေတယ်။ ပေါက်ဈေး နဲ့ က တအား ကွာတယ် လေ။ လမ်းမနဲ့ နီးရင် ယွမ်တသိန်း အထိ ရတယ်။ နေရာမကောင်းဘဲ နဲနဲ ဂျောင်ကျ ရင်တောင် ၇ သောင်းက ဘယ်သူ့ကို မဆိုရောင်းရတယ်။ ဒါပေမယ့် အရင်က တမူး ၃၅၀၀ ဘဲ ပေးမယ်။ အခု ၆၅၀၀ ပေးတယ် ဆိုတော့ နည်းနည်းမဆိုးဘူးပေါ့။ ပိုက်ဆံမရှိလို့ယူရတာဘဲ” - ဟု ပိုက်ဆံလက်ခံရ ရှိတဲ့ ဦးအားဆန်းက ပြောသည်။

အမည်မဖေါ်လိုသည့် ဝ အရာရှိ တဦးက - ‘အစက ဆုံးဖြတ်ထားတာ ၇ သောင်း။ အခု က ၆၅၀၀ ဘဲ ကျ လာလို့ ဒီကနေ့ ဝေစုခွဲပေးလိုက်တာ။ ပေးမယ်ဆိုတာ ဆုံးဖြတ်ချက်ချတာကြာပြီ။ ပိုက်ဆံယူသုံးဖို့ အမိန့်က ခုမှကျလို့။ အစည်းအဝေးထိုင်ပြီး အမြန်ဆုံးလုပ်ပေးလိုက်တာ။ ကျနော် တို့ဘက်ကလဲ အတတ်နိုင်ဆုံးကူညီပေးပါတယ်။ ဒါက အထက်အမိန့် အရလုပ်တာ” - ဟု သျှမ်းသံတော်ဆင့်သို့ ပြောသည်။

မိုင်းပေါက်မြို့သစ် တည်ဆောက်ရန်အတွက် တပ်မဟာ ၄၆၈ မှ ဂျတော်ခါးရွာ နှင့် အနီးအနားရှိ လယ်ယာမြေ ဧက ၃၀၀၀ ကျော်အား ဂျူလိုင်လ သိမ်းပိုက်ထားခြင်းဖြစ်သည်။

၂၀၁၇ ဂျူလိုင်လက လားဟူလူမျိုးအများစု နေထိုင်သည့် ဂျတော်ခါးရွာ အားလည်း ဝ ပြည်သွေးစည်းညီညွတ်ရေးတပ်မတော် တပ်မဟာ ၄၆၈ တပ်မဟာမှူး ပေါက်အိုက်ပန်းအမိန်ဖြင့် အိမ်သစ်ဆောက်လုပ်နေထိုင်ရန် တမိသားစု ယွမ်ငွေ ၃၅၀၀ ထောက်ပံ့ကြေးပေးကာ ရွာသစ်ချနေ ထိုင်စေခဲ့သည်။

သျှမ်းသံတော်ဆင့်၊ ဟွမ်ဟိန်း
Panglong(Burmese)
https://www.facebook.com/Panglong.burmese/
မိုင်းပေါက်မြို့သစ်စီမံကိန်း သိမ်းပိုက်ခံလယ်ယာမြေများအတွက် UWSA စတင်လျော်ကြေးပေး မိုင်းပေါက်မြို့သစ်စီမံကိန်း သိမ်းပိုက်ခံလယ်ယာမြေများအတွက် UWSA စတင်လျော်ကြေးပေး Reviewed by THITHTOOLWIN on 11:41 Rating: 5
Powered by Blogger.