တရုတ်ရောက် သမ္မတ Trump လေသံပျော့ပျေ့ာင်း

ကန်သမ္မတ Trump နဲ့ တရုတ်သမ္မတ Xi Jinping
အာရှနိုင်ငံတွေကို သွားရောက်နေတဲ့ အမေရိကန် သမ္မတ Donald Trump ဟာ တရုတ်နိုင်ငံမှာ တရုတ်သမ္မတ Xi Jinping နဲ့ မြောက်ကိုရီးယား အရေးဆိုင်ရာတွေနဲ့ ကုန်သွယ်ရေး ဆိုင်ရာလို ကိစ္စရပ်တွေနဲ့ ပတ်သက်ပြီး သိသိသာသာပဲ နူးနူးညံ့ညံ့ ပြောဆိုနေတာ တွေ့ရပြီး အထူး နွေးနွေးထွေးထွေး ဆက်ဆံလိုကြောင်း ပြနေပါတယ်။

ဘေဂျင်းမှာ ပြုလုပ်တဲ့ ဆွေးနွေးပွဲတွေ အပြီး ထုတ်ပြန်တဲ့ ပူးတွဲကြေညာချက်မှာတော့ မြောက်ကိုရီးယားရဲ့ နျူကလီယားပြဿနာ ကို အမေရိကန်နဲ့ တရုတ်တို့ ဖြေရှင်းနိုင်မယ်လို့ သူယုံကြည်ကြောင်း ပြောကြားခဲ့ပါတယ်။

တရုတ်နိုင်ငံမှာ ကုန်သွယ်ရေးနဲ့ ပတ်သက်ပြီး တရုတ်သမ္မတ Xi Jinping ရဲ့ ဦးဆောင်မှုကို သိပ်ကိုလေးစားကြောင်း သမ္မတ Trump က ပြောကြားခဲ့ပြီး အမေရိကန်က သူ့မူဝါဒကို ပြောင်းလဲရမယ်လို့ လည်း မှတ်ချက်ချခဲ့ပါတယ်။ ကုန်သွယ်ရေးနဲ့ ပတ်သက်ပြီး မျှမျှတတ လုပ်နိုင်ရင် ၂ ဖက်လုံး အကျိုးရှိမယ်လို့လည်း ပြောကြားခဲ့ပါတယ်။
သမ္မတ Trump က သူဟာ တရုတ်ခေါင်းဆောင်နဲ့ သိပ်အဆင်ပြေ နေတယ် လို့ ပြောပါတယ်။

တရုတ်ခေါင်းဆောင်ကလည်း အမေရိကန်နဲ့ ဆက်ဆံရေးဟာ ခရီးသစ်တခုရဲ့ အစကိုရောက်နေပြီဖြစ်ပြီး ကိုရီးယား ကျွန်းဆွယ် နျူကလီယား အရေးနဲ့ တခြားအရေးကြီးတဲ့ ကိစ္စရပ်တွေမှာလည်း ၂ နိုင်ငံ ဆက်ဆံရေးနဲ့ ပူးပေါင်းဆောင်ရွက်ရေးကို တိုးမြှင့် ဆောင်ရွက်သွားမယ်လို့ ကတိပြုခဲ့ပါတယ်။

တရုတ် အမေရိကန် ဆက်ဆံရေးမှာ ပူးပေါင်း ဆောင်ရွက်ရေးသည်သာလျင် တခုထည်းသော ရွေးချယ်စရာဖြစ်တယ်လို့လည်း ပြောကြားခဲ့ပါတယ်၊

သမ္မတ Trump ရဲ့ ၁၂ ရက်ကြာ ၅ နိုင်ငံ ခရီးစဉ် အတွင်း သောကြာနေ့ ဆက်လက် သွားရောက်မယ့် နိုင်ငံကတော့ ဗီယက်နမ် နိုင်ငံ ဒါနန်း မြို့ဖြစ်ပြီး အဲဒီမှာ APEC ခေါ် အာရှ-ပစိဖိတ် စီးပွါးရေး ပူးပေါင်းဆောင်ရွက်မှု အဖွဲ့ ထိပ်သီးအစည်းဝေးမှာ မိန့်ခွန်းပြောကြားမှာလည်း ဖြစ်ပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ