Syria က နောက်ဆုံးခြေကုတ်စခန်းတွေ IS တို့ လက်လွှတ်ရပြီ

IS တို့ ခြေကုတ်ယူထားတဲ့ ဆီးရီးယားက စခန်းတွေ။
အီရတ်-ဆီးရီးယား နယ်စပ်တလျှောက်မှာ IS အစွန်းရောက်တွေ ထိန်းချုပ်ထားတဲ့ထဲက နောက်ဆုံးကျန်နေသေးတဲ့ အဓိက မြို့ကြီးနှစ်မြို့ကနေ IS အဖွဲ့ကို သောကြာနေ့က တိုက်ထုတ်လိုက်ပါပြီ။ ယူဖရေးတီးစ်မြစ်ဝှမ်းနားက နယ်စပ်တဘက်တချက် နေရာတွေကို တပ်ဖွဲ့တွေက တိုက်ခိုက်ပြီး ရှင်းထုတ်လိုက်တာပါ။

ဆီးရီးယားနိုင်ငံ၊ Deir Ezzor မြို့နဲ့ အီရတ်နိုင်ငံ၊ Al-Qaim မြို့တွေမှာ တပြိုင်နက်ထဲ ၀င်တိုက်လိုက်တဲ့အတွက် IS အဖွဲ့ရဲ့ မြို့ပြ အခိုင်အမာနေရာတွေ လက်လွှတ်လိုက်ရပြီဖြစ်ပါတယ်။ ဒါကြောင့် IS တို့ ထိန်းချုပ်ထားနိုင်တာဆိုလို့ နယ်စပ်တလျှောက် ပြန့်ကျဲ နေတဲ့ နယ်မြေကျဉ်းကျဉ်းလေးတွေပဲ ရှိပါတော့တယ်။

Deir Ezzor မှာ IS အဖွဲ့ရဲ့ခေါင်းဆောင်တွေ ရုံးထိုင်တဲ့ ဌာနချုပ်ကို လက်လွှတ်လိုက်ရတာကြောင့် အကြမ်းဖက်ဝါဒစွဲ လုပ်ရပ် တွေကို ညွှန်ကြားနိုင်စွမ်း ထိခိုက်သွားပြီလို့ ဆီးရီးယားစစ်တပ်က ကြေညာပါတယ်။

အီရတ်ဘက်ခြမ်းမှာတော့ Al-Qaim မြို့နားက နယ်စပ်ဖြတ်ဂိတ်ကို အီရတ်တပ်ဖွဲ့တွေက ထိန်းချုပ်လိုက်အပြီး နာရီပိုင်းအတွင်း မှာပဲ မြို့ကို ပြန်သိမ်းလိုက်တာပါ။ Al-Qaim မြို့ကို စံချိန်တင် အချိန်တိုအတွင်း ပြန်သိမ်းခဲ့တဲ့ တပ်ဖွဲ့တွေရဲ့လုပ်ဆောင်ချက်ကို အီရတ်ဝန်ကြီးချုပ် Haider Abadi က ချီးကျူးပြောဆိုပါတယ်။

Al-Qaim မြို့ ပတ်ပတ်လည် ဒေသတွေမှာ IS အစွန်းရောက် ၁၅၀၀ လောက် ကျန်နေသေးတယ်လို့ အမေရိကန်စစ်ဘက်က ပြောပါတယ်။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ