သီပေါမြို့နယ်အတွင်း အစိုးရတပ်မတော် နယ်မြေစိုးမိုးရေး၊ ရှင်းလင်းရေးလှုပ်ရှားရာမှ SSPP/SSA နှင့် တိုက်ပွဲဖြစ်


သျှမ်းပြည်မြောက်ပိုင်း သီပေါမြို့နယ်အတွင်း အစိုးရတပ်မတော် ခလရ ၁၄၇ လှုပ်ရှားစစ်ကြောင်း သည်နယ်မြေစိုးမိုးရေး၊ ရှင်းလင်းရေး လုပ်ရာမှ သျှမ်းပြည်တပ်မတော် SSPP/SSA နှင့် ယနေ့တိုက်ပွဲ ဖြစ်ပွားသည်။

တိုက်ပွဲ ဖြစ်ပွားသည့်နေရာသည် သီပေါမြို့ အရှေ့တောင်ဘက် မိုင် ၄၀ ကျော်အကွာ ဝမ့်မော့ကျေးရွာ အုပ်စု ပါကန်း နမ့်တိုက်ဖိုင်း ကျေးရွာ ဘက်တွင် လှုပ်ရှားစဉ် သျှမ်းပြည်တပ်မတော် SSPP/SSA တပ်ရင်းအမှတ် ၈၅၅ နှင့် နိုဝင်ဘာ ၂၉ ရက် နံနက် ၈ နာရီခွဲ အချိန်ခန့်တွင် တိုက်ပွဲ ဖြစ်ပွားခြင်း ဖြစ်သည်။

“ဒီစစ်ကြောင်းက မနေ့က ဘဲ ဝင်လာတယ်။ သဲတင်တဲ့ကားကြီးနဲ့ ညတွင်းချင်း ရောက်လာတယ်။ SSA တပ်ကတော့ ဒီဘက်မှာ အမြဲနေတယ်။ ဝင်လာတော့ ဖြစ်ပြီပေါ့။ ” – ဒေသ အတွင်းနေ ရပ်မိရပ်ဖ တဦးက ပြောသည်။

နောင်ကော်လုံ – ပန်နျု- တဆင့် စိန်ကျော့ ပန်ကန်းသို့ ရောက်ရှိလာကြောင်း၊ ပန်ကန်းကျေးရွာသား အချို့အား ချောဆွဲကာ နမ့်လင်း(ပလောင်)ရွာတွင် ညအိပ်ကြောင်း၊ ယနေ့ နံနက် ခြေလျင်ဖြင့် SSPP/SSA တပ်ရှိရာ ကောင်းမိုက်ဟုန်းသို့ ရောက်ရှိလာကာ SSPP/SSA အားတိုက်ခိုက်ခြင်းဖြစ် ကြောင်း ဒေသခံများပြောပြချက်အရသိရသည်။

“တိုက်ပွဲက အခု ငြိမ်နေတယ်။ နာရီဝက် ကျော်ကျော်လောက်ဖြစ်တယ်။ ကောင်းမိုက်ဟုန်းမှာ ရှိတဲ့ ကျနော်တို့တပ်ကို လာတိုက်ပြီး ပြန်ဆုတ်သွားပြီ” – ဟု SSPP/SSA ပြောခွင့်ရ စိုင်းဘုန်းဟန်က ပြောသည်။

သီပေါမြို့နယ် နောင်ကော်လုံ အခြေစိုက် ခြေလျင်တပ်ရင်အမှတ် (ခလရ) ၁၄၇ အင်အား ၇၀ ခန့်က ဝမ့်မော့၊ ပါကန်းဘက် ဝင်ရောက် လှုပ်ရှားရာမှ တိုက်ပွဲ ဖြစ်ပွားခြင်းဖြစ်သည်ဟုဆိုသည်။

သီပေါမြို့ တပ်အသိုင်းအဝိုင်းက – “တာဝန်အရ နယ်မြေ ရှင်းလင်းဖို့ ဖြစ်တယ်။ သွားရင်တိုက်ပွဲ ဖြစ်မယ် ဆိုတာ ကျနော်တို့သိတယ်။ ဒါပေမယ့် ကျနော်တို့လဲ အထက်အမိန့်အရ သွားရတာဖြစ်တယ်။ ဝမ့်ဟိုင်း က လဲ သူတို့နေရာ သူတို့မနေဘူးလေ” – ဟု သျှမ်းသံတော်ဆင့်သို့ပြောသည်။

သျှမ်းပြည်တိုးတက်ရေးပါတီ သျှမ်းပြည်တပ်မတော် SSPP/SSA သည် ပြည်နယ်အဆင့် ပြည်ထောင်စု အဆင့် အစိုးရ နှင့် ငြိမ်းချမ်းရေး တည်ဆောက်ထားသော်လည်း NCA လမ်းကြောင်း လက်မခံသည့် ဝ တပ်ဖွဲ့ခေါင်းဆောင်သည့် FPNCC မြောက်ပိုင်းမဟာမိတ်အဖွဲ့ ၇ ဖွဲ့ရှိ စစ်ရေးမဟာမိတ် အဖွဲ့တွင် ပါဝင်သည်။

သျှမ်းသံတော်ဆင့်/ဟွမ်ဟိန်း
http://burmese.panglong.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ