လစ်ဗျားနိုင်ငံ Sirte မြို့တွင် လူအစုလိုက်အပြုံလိုက် မြှုပ်နှံထားသည်ကို တွေ့ရှိ

လစ်ဗျားတွင် လူအစုလိုက်အပြုံလိုက် မြှုပ်နှံထားသည့်နေရာအား တူးဖော်ထားသည်ကို တွေ့ရစဉ် (ဓာတ်ပုံ-အင်တာနက်)

 ထရိုင်ပိုလီ၊ နိုဝင်ဘာ ၁၉ ရက် (ဆင်ဟွာ)

    လစ်ဗျားနိုင်ငံ လုံခြုံရေးနှင့် လခြမ်းနီအဖွဲ့တို့သည် ထရိုင်ပိုလီမြို့နှင့် ၄၅၀ ကီလိုမီတာ ကွာဝေးသော Sirte မြို့၌ လူအစုလိုက်အပြုံလိုက် မြှုပ်နှံထားသည်ကို တွေ့ရှိခဲ့ကြောင်း ဒေသခံ တာဝန်ရှိသူ တစ်ဦးက နိုဝင်ဘာလ ၁၈ ရက်တွင် ပြောကြားခဲ့သည်။

“လုံခြုံရေးအဖွဲ့များနှင့် ပူးပေါင်းဆောင်ရွက်သော လခြမ်းနီအဖွဲ့က Sirte အနောက်ဘက် Al-Der မြို့မှာရှိတဲ့ လူအစုလိုက်အပြုံလိုက် မြှုပ်ထားတဲ့နေရာကို ရှာဖွေဖို့ စီစဉ်ထားပါတယ်။ အဲ့ဒီနေရာဝန်းကျင်ကို တူးပြီး အလောင်းတွေဖော်ဖို့ အစိုးရ ရှေ့နေချုပ်ရုံးရဲ့ အမိန့်ကို စောင့်နေပါတယ်” ဟု Sirte မြူနီစီပယ်ကောင်စီ ပြောခွင့်ရပုဂ္ဂိုလ် မိုဟာမက် အယ်လ်-အီမီလ်က ဆင်ဟွာသို့ ပြောသည်။

“အခုတွေ့ရတဲ့ အထဲမှာတော့ လူသေအလောင်းအရေအတွက် ဘယ်လောက်ရှိတယ်ဆိုတာ မသိရသေးပါဘူး။ အလောင်းတွေကို DNA နမူနာ စစ်ဆေးသွားမှာပါ” ဟု အယ်လ်-အီမီလ်က ဖြည့်စွက်ပြောသည်။

Sirte တွင် အိုင်အက်စ် (IS) များ၏ လက်ချက်ဖြင့် သေဆုံးခဲ့ရသည့် အရပ်သားများ သို့မဟုတ် စစ်သားများအား အစုအလိုက် အပြုံလိုက် မြှုပ်နှံထားသည်ကို မကြာခဏ တွေ့ရလေ့ရှိသည်။

ကုလသမဂ္ဂ ကျောထောက်နောက်ခံပေးထားသော အစိုးရတပ်ဖွဲ့က မတိုက်ထုတ်မီ လွန်ခဲ့သည့် နှစ်နှစ်က ယင်းမြို့အား အိုင်အက်စ်နှင့် အဖွဲ့များက ထိန်းချုပ်ထားခဲ့ခြင်း ဖြစ်သည်။

(Xinhua)
http://xinhuamyanmar.com