ဆတ်သေ ကထိန်ပွဲကျင်ပနေစဉ် PNA ဗိုလ်လေးသိန်းတိုးက အရက်မူးပြီး ရွာသားကို သေနတ်ဖြင့် ပစ်ခတ်မှုဖြစ်ပွား
ရပ်စောက်မြို့နယ် ယမ်းတွင်ငါးကြောင်ကျေးရွာအုပ်စု ဆတ်သေ ကထိန်ပွဲ နောက်ဆုံးည နိုဝင်ဘာ ၂ရက်မနက် ၁နာရီကျော်ခန့်တွင် PNA ပြည်သူ့စစ်အဖွဲ့မှ ဗိုလ်လေးသိန်းတိုးက အရက်မူးပြီး ပစ္စတို သေနတ်ဖြင့် ရွာသားကို ပစ်ခတ်မှုဖြစ်ပွားရာ နှစ်ဦး ဒဏ်ရာရရှိခဲ့ကြောင်း သိရသည်။
ခွန်နွေဦးက ဆီးခုံအပေါ် ဒဏ်ရာရရှိပြီး ခွန်နိုင်ဦးက ညာဘက်နဖူးကို သေနတ် ဒဏ်ရာရရှိထားကြောင်းသိရပါတယ်။
ဖြစ်စဉ်မှာ ဆတ်သေရွာသား ခွန်နွေဦးသည် ရွာက အပျို လူပျိုများနှင့်အတူ ဆတ်သေ ကထိန်ပွဲတွင် လာရောက်ဧည့်ခံဖျော်ဖြေသော အောင်မာဃ ဇာတ်သဘင်ကို ကြည့်ရှုနေစဉ် တစ်ချို့အပျိုများက အိပ်ချင်ပြီဖြစ်သည့်အတွက် အိမ်ပြန်လိုက်ပို့ရန် ပြောရာမှ လိုက်ပို့စဉ်အတွင်း အရက်မူးနေသော PNA ပြည်သူ့စစ်အဖွဲ့မှ ဗိုလ်လေးသိန်း တိုး ဆိုသူသည် ရန်ငြိးရန်စမရှိဘဲနှင့် အကြောင်းအရင်းမသိ သေနတ်ဖြင့် ပစ်ခတ်ခဲ့ခြင်းဖြစ်ကြောင်း ဆတ်သေရွာ ဈေးကုန်းရပ်နေခွန်နွေဦး နှင့် လုတ်ခဲုင်းရွာနေ ခွန်နိုင်ဦးတို့ ဒဏ်ရာရရှိခဲ့ကြောင်းသိရသည်။
``အရက်မူးပြီးပစ်တာ ၊ ကထိန်ပွဲ ကျောင်းဝင်းထဲမှာက အရက်သောက်ခွင့်မရှိဘူး အပြင်မှာသောက်တာ။ နွေဦးက တစ်ရွာထဲ အပျိုတွေ အိပ်ချင်ပြီဆိူလို့ အိမ်ပြန်လိုက်ပို့ပေးရင်း အပစ်ခံရတာ၊ ဗိုလ်လေးသန်းတိုးဆိုတဲ့လူက သေနတ်ပစ်ပြီး ထွက်ပြေးသွားတော့ ဘယ်ကိုပြေးတာလည် မသိသေးဘူး၊ လုတ်ခဲုင်းရွာသားတစ်ယောက်ကိုညာနဖူးကိုထိတယ်၊´´ဟု ဆတ်သေဒေသခံ ခွန်သိန်းထီက ပြောသည်။
ဤကိစ္စနှင့်ပတ်သက်ပြီး PNA အသွင်ပြောင်း ပြည်သူ့စစ်ဌာနချုပ် တာဝန်ရှိသူ ဒုဗိုလ်မှူးကြီး အောင်သန်းကို ဆက်သွယ်မေးမြန်းရာ ``ကျွန်တော်တို့ဆီတော့ သတင်းမရောက်သေးဘူး၊ ဥပဒေအတိုင်း အရေးယူသွားမယ်၊ အရေးယူမှရမယ် ၊ လက်နက်က ပြည်သူကိုကာ ကွယ်ဖို့လေ ပြည်သူကို အနိုင်ကျင့်ဖို့မဟုတ်ဘူး၊ ဘယ်နေရာရောက်ရောက် ပြန်လိုက်ဖမ်းရမယ် လုံးဝတာဝန်ပြန်ယူရမယ်၊ လိုအပ်သလို အရေးယူသွားမယ်´´ဟု ပြောသည်။
ဒဏ်ရာရသူ ခွန်နွေဦးကို တောင်ကြီး စစ်စံထွန်းဆေးရုံသို့ ပို့ဆောင်ထားပြီး ခွန်နိုင်ဦးက ရွာတွင်ကုသပေးနေသေးကြောင်းသိရသည်။
ဆတ်သေဒေသတွင် ဥပဒေ မဲ့ပြုလုပ်မှု မကြာခဏကြုံတွေ့နေရသလို ခြိမ်းခြောက်မှုအမျိုးမျိုးလည်းကြုံရကြောင်းသိရသည်။
ထို့အပြင်ဆတ်သေရွာလမ်းကို အသုံးပြုမောင်းနှင်နေသော မှောင်ခို သစ်ကားများသည်လည်း ရွာအပြင်ဖက် မမောင်းပဲ ရွာထဲက ရွာသား များကိုယ်ထူကိုယ်ထ ခင်းထားသော လမ်းကိုအသုံးပြုမောင်းနှင်ခြင်းကြောင့် လမ်းများပျက်ဆီးရပြီး အထက်ကို တိုင်တန်းသော်လည်း ထိထိရောက်ရောက် အရေးယူပေးခြင်းမရှိပဲ ရွာသားများကို သစ်မှောင်ခိုကားများမှ ခြိမ်းခြောက်ခြင်းလည်း ရှိကြောင်းသိရသည်။
ခွန်ယံ
The People's Voice - ခမ်းသားငေါဝ်း
https://www.facebook.com/KhamSarNgor
ဆတ်သေ ကထိန်ပွဲကျင်ပနေစဉ် PNA ဗိုလ်လေးသိန်းတိုးက အရက်မူးပြီး ရွာသားကို သေနတ်ဖြင့် ပစ်ခတ်မှုဖြစ်ပွား
Reviewed by THITHTOOLWIN
on
09:50
Rating: