ရုရှား နိုင်ငံ တပ်ဖွဲ့များ က ဆီးရီးယား နိုင်ငံ အတွင်းရှိ IS အစွန်းရောက် အဖွဲ့အစည်း အား လေကြောင်း နှင့် ရေကြောင်း ပူးပေါင်း၍ အကြီးစား တိုက်ခိုက်မှုများ ဆောင်ရွက်

ရုရှား နိုင်ငံ လေကြောင်း တပ်ဖွဲ့၏ Tupolev Tu-22M တာဝေး ဗုံးကျဲလေယာဉ် များ ဗုံးကျဲတိုက်ခိုက်နေသည် ကိုမြင်တွေ့ရစဉ်(ဆင်ဟွာ)
  မော်စကို ၊ နိုဝင်ဘာ ၄ ရက် (ဆင်ဟွာ)

    ရုရှား နိုင်ငံ ကာကွယ်ရေး ဝန်ကြီးဌာန ပြောရေးဆိုခွင့်ရှိသူ Konashenkov က ရုရှား နိုင်ငံ လေကြောင်း တပ်ဖွဲ့ သည် ရေကြောင်း တပ်ဖွဲ့ နှင့် ပူးပေါင်း၍ ဆီးရီးယား နိုင်ငံ Deir ez-Zor ပြည်နယ်အတွင်းရှိ IS အစွန်းရောက် အဖွဲ့အစည်း အား အကြီးစား တိုက်ခိုက်မှုများ ဆောင်ရွက်ခဲ့ရာ IS စခန်း အမြောက်အများကို ချေမှုန်း နိုင်ခဲ့ကြောင်း နိုဝင်ဘာ ၃ ရက်နေ့က ပြောကြား ခဲ့သည်။

Konashenkov က ထုတ်ပြန်ကြေညာချက်တွင် ရုရှား နိုင်ငံ လေကြောင်း တပ်ဖွဲ့အနေဖြင့် Tupolev Tu-22M တာဝေး ဗုံးကျဲလေယာဉ် ၆ စင်း အပြင် Su-24 နှင့် Su-34 ဗုံးကျဲ တိုက်လေယာဉ်များဖြင့် Deir ez-Zor ပြည်နယ် အရှေ့ပိုင်း Abu Kamal မြို့အတွင်းရှိ IS အစွန်းရောက် အဖွဲ့အစည်း အား ဗုံးကျဲ တိုက်ခိုက်မှုများ ဆောင်ရွက်ခဲ့ကြောင်း ၊ တစ်ချိန်တည်းတွင် မြေထဲပင်လယ် အတွင်း ရှိ ရုရှား နိုင်ငံ ရေယာဉ်စု မှ ရေငုပ်သင်္ဘော များမှလည်း IS အစွန်းရောက် တပ်စခန်းများ တည်ရှိရာ ပစ်မှတ်သို့ Kalibr ခရုဇ်ဒုံးကျည် ၆ ခု ဖြင့် တိုက်ခိုက်မှုများ ဆောင်ရွက် ခဲ့ကြောင်း ပါဝင် ခဲ့သည်။

ထို့ပြင် Konashenkov က မြေထဲပင်လယ် ဒေသ အတွင်း အခြေစိုက် ထားသည့် ရုရှား နိုင်ငံ တပ်စခန်း မှ တာဝေး ဗုံးကျဲလေယာဉ် များ နှင့် ရေငုပ်သင်္ဘော ၂ စင်း သည် အချိန် ၃ ရက် ဆက်တိုက် ဆီးရီးယား နိုင်ငံ အရှေ့ပိုင်းရှိ IS တပ်စခန်းများ ကို တိုက်ခိုက်မှုများ ဆောင်ရွက်ခဲ့ပြီး ဖြစ်ကြောင်း ၊ တိုက်ခိုက်မှုကြောင့် IS အဖွဲ့အစည်း ၏ ညွှန်ကြားရေး စင်တာများ ၊ လက်နက် သိုလှောင်ရုံများ နှင့် အစွန်းရောက် အဖွဲ့ဝင် အများအပြား ကို ချေမှုန်း နိုင်ခဲ့ကြောင်း ၊ တိုက်ခိုက်မှုများသည် ဆီးရီးယား နိုင်ငံ အစိုးရ ၏ နိုင်ငံ အရှေ့ဘက် မျက်နှာပြင် စစ်ဆင်ရေး အတွက် များစွာ အထောက်အကူ ဖြစ်စေခဲ့ကြောင်း ပြောကြား ခဲ့သည်။

ဆီးရီးယား နိုင်ငံ အစိုးရ တပ်ဖွဲ့ က စက်တင်ဘာ လဆန်းပိုင်းတွင် Deir ez-Zor ပြည်နယ် မြို့တော် ကို သိမ်းပိုက် နိုင်ခဲ့ပြီးနောက်ပိုင်း တွင် တောင်ပိုင်းဒေသ များသို့ ဆက်လက်ချီတက် တိုက်ခိုက်ခဲ့ရာ လက်ရှိချိန်တွင် IS အစွန်းရောက် အဖွဲ့အစည်း ၏ ဆီးရီးယား နိုင်ငံ အတွင်းရှိ နောက်ဆုံး တပ်စခန်းသို့ ရောက်ရှိ တော့မည် ဖြစ်ကြောင်း သိရှိခဲ့ရသည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ