မြန်မာ့ စီးပွားရေးကို သုံးသပ်ဖို့ IMF ရောက်လာမယ်

IMF အဖွဲ့ဘက်က နှစ်စဉ် ပုံမှန် ပြုလုပ်လေ့ရှိ
နိုင်ငံတကာ ငွေကြေး ရံပုံငွေအဖွဲ့ IMF ရဲ့ ကိုယ်စားလှယ် အဖွဲ့ အခု သီတင်းပတ်ထဲမှာပဲ မြန်မာ နိုင်ငံကို လာရောက်မယ်လို့ ရိုက်တာ သတင်းဌာနကို ကိုးကားပြီး နိုင်ငံတကာ မီဒီယာတွေမှာ ဖော်ပြ ထားပါတယ်။

အာတီကယ်ဖိုး ခရီးစဉ် (The Article 4 mission) လို့ ခေါ်ဆိုတဲ့ ဒီ ခရီးစဉ်ဟာ IMF အဖွဲ့ဘက်က နှစ်စဉ် ပုံမှန် ပြုလုပ်လေ့ရှိတယ်လို့ နားလည်ရပါတယ်။

ဒီ ခရီးစဉ် အတွင်းမှာ IMF ကိုယ်စားလှယ်တွေဟာ သူတို့ အဖွဲ့ဝင် နိုင်ငံတွေရဲ့ စီးပွားရေး အပေါ် သုံးသပ် လေ့လာမှုတွေ ပြုလုပ်ကြတာ ဖြစ်ပါတယ်။

ရခိုင်ပြည်နယ်တွင်း မတည်ငြိမ်မှုတွေ ဖြစ်ပေါ် ခဲ့ပြီးတဲ့နောက် ပြုလုပ်လာတဲ့IMF ရဲ့ ပထမဆုံး မြန်မာပြည် ခရီးစဉ်မှာ နိုင်ငံရေး ကိစ္စတွေ အပေါ် ဆန်းစစ်မှာ မဟုတ်ပေမယ့်လည်း နိုင်ငံရေးကြောင့် စီးပွားရေးအပေါ် ဘယ်လို ရိုက်ခတ်မှုတွေ ရှိသလဲ ဆိုတာကိုတော့ သုံးသပ် ကြမှာ ဖြစ်ပါတယ်။

 မြန်မာဘဏ်တွေရဲ့ အခြေအနေအပေါ် IMF စိတ်ဝင်စားနိုင်
ပြီးခဲ့တဲ့လ တုန်းကတော့ ရိုဟင်ဂျာ အရေးကြောင့် ဆိုပြီး မြန်မာအစိုးရ ဘတ်ဂျက်ကို အားဖြည့် ကူညီမယ့် ရံပုံငွေ ဒေါ်လာ သန်း ၂ဝဝ ကို ကမ္ဘာ့ဘဏ်က မပေးတော့ပဲ ဆိုင်းငံ့ ပစ်ခဲ့ပါတယ်။

IMF ရဲ့ ပြီးခဲ့တဲ့ နှစ်က စီးပွားရေး သုံးသပ်ချက်မှာတော့ မြန်မာ နိုင်ငံတွင်း စီးပွားရေး ပြုပြင် ပြောင်းလဲရေးတွေ လုပ်ဆောင်တာမှာ တိုးတက်မှုတွေ ရှိခဲ့တယ်ဆိုပြီး ချီးကျူး ပြောဆိုထားတာ တွေ့ရပါတယ်။

အဲဒီ အချိန်တုန်းက IMF ရဲ့ ခန့်မှန်းချက် အရ မြန်မာ့ ပြည်တွင်းထုတ်ကုန် တိုးတက်မှု ရာခိုင်နှုန်းဟာ ၂ဝ၁၇ မှာ ၆.၅ % ရှိနိုင်တယ်လို့ ဆိုပါတယ်။

BBC Burmese
http://www.bbc.com/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ