ဗြိတိန် EU ကနုတ်ထွက်ရေး ဆန္ဒခံယူပွဲ ရုရှား ဝင်စွက်ခဲ့သလား

Brexit ထောက်ခံသူများ ဆန္ဒပြ
ဥရောပသမဂ္ဂ EU ထဲကနေ ဗြိတိန်နိုင်ငံ နုတ်ထွက်မယ် မထွက်ဘူး BREXIT လူထုဆန္ဒခံယူပွဲကို ရုရှားက ၀င်နှောက်ဖို့ ကြိုးစား ခဲ့နိုင်ခြေရှိတယ်ဆိုတဲ့ ပထမဆုံးအထောက်အထား ထွက်လာပါတယ်။ ၂၀၁၆ အမေရိကန်သမ္မတ ရွေးကောက်ပွဲမှာ ရုရှားက ၀င်နှောက်ခဲ့တယ်ဆိုတဲ့ စွပ်စွဲချက်တွေ ကျယ်ကျယ်ပြန့််ပြန့် ထွက်ထားပြီးတဲ့နောက် အခုတခါ Brexit ကိစ္စထွက်လာတာပါ။

EU ဆန့်ကျင်ရေးစကားတွေပြောတဲ့ ဒါမှမဟုတ် နိုင်ငံရေးနဲ့ လူမျိုးရေး တင်းမာမှုတွေဖြစ်အောင် လှုံ့ဆော်တဲ့ လူမှုကွန်ယက်မီဒီယာ အကောင့် ထောင်ပေါင်းများစွာကို သုတေသီတွေ တွေ့လိုက်ကြတာပါ။

ဒီစုံစမ်းစစ်ဆေးမှုကို အမေရိကန်၊ ကာလီဖိုးနီးယားတက္ကသိုလ် Berkely နယ်မြေနဲ့ ဗြိတိန် Swansea တက္ကသိုလ်တို့ ပူးတွဲလုပ်ခဲ့ ကြတာပါ။ ၂၀၁၆ ခုနှစ်၊ ဇွန်လကလုပ်တဲ့ လူထုဆန္ဒခံယူပွဲမတိုင်ခင် နှစ်ရက်အလိုမှာ ရုရှားနိုင်ငံကလာတဲ့ Twitter အကောင့်တွေ ကနေ Brexit နဲ့ပတ်သက်တဲ့ tweet ပေါင်း ၄ သောင်းခွဲနီးပါး တင်ခဲ့ကြပြီး အများစုဟာ EUဆန့်ကျင်ရေးတွေဖြစ်တယ်ဆိုတာ အဲဒီစုံစမ်းမှုကနေ တွေ့ရပါတယ်။ နောက်တရက်မှာတော့ အဲဒီအကောင့်အများစုဟာ ငြိမ်သွားပါတယ်။ သေချာတာကတော့ အဲဒီ အကောင့်အများစုဟာ Brexit နဲ့ပတ်သက်ပြီး ငြင်းခုန်ပြောဆိုတာတွေမှာ အရင်ကမပါခဲ့ဘူးဘဲ တကယ်တမ်းက ယူကရိန်းအရေး လို တခြားကိစ္စတွေကို ဦးတည်ပြောခဲ့ကြတာပါ။

ဒီအထောက်အထားသစ် ထွက်လာတာနဲ့အမျှ သတင်းမှားတွေနဲ့ လူမှုကွန်ယက်မီဒီယာတွေရဲ့ အခန်းကဏ္ဍအပေါ် ဗြိတိန် ရွေး ကောက်ပွဲကော်မရှင်နဲ့ လွှတ်တော်အမတ်တွေပါတဲ့ ကော်မတီတခုက သီးခြား စုံစမ်းစစ်ဆေးမှုတွေ လုပ်နေပါပြီ။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ