လူဝတ်လဲထားသော ဦးပါမောက္ခကို တွေ့ရစဉ်။ Photo: Zayar Lin |
မနေ့က ရုံးထုတ်ခဲ့ပြီး လက်ရှိမှာတော့ ဆရာတော်ကို ရန်ကုန်အနောက်ပိုင်းခရိုင်ရဲတပ်ဖွဲ့မှူးရုံးမှာ ချုပ်ထားတယ်လို့ ဦးစည်သူမြင့်က ပြောပါတယ်။
"၅၀၅ (ခ) အပြင် တရားခံပြေးပါ ထပ်တပ်ထားတယ်ခင်ဗျ၊ ကမာရွတ်တရားရုံးမှာ မနေ့က ညနေ ၆ နာရီလောက်ကရုံးထုတ်လိုက်တယ်၊ ချုပ်ရက်ရမန်ယူလိုက်တာပေါ့၊ ယူလိုက်ပြီးတော့ အခုဒီလက်ရှိ ခရိုင်ရဲတပ်ဖွဲ့မှူးရုံး၊ အနောက်ပိုင်းခရိုင်ရုံး အဲ့မှာ ချုပ်ထားတာပေါ့၊ ဒဂုံရဲစခန်းထဲမှာပေါ့"
လယ်သမားတစ်ဦး လယ်မြေသိမ်းခံထားရတာနဲ့ ပတ်သက်လို့ မြောက်ဒဂုံမြို့နယ်ရဲစခန်းကို မနေ့က သွားရောက်ပြီး ဆန္ဒပြခွင့်လျှောက်ထားတာကို ဆရာတော်ဦးပါမောက္ခက လိုက်ပါ ကူညီဆောင်ရွက်ရာမှာ ရဲတပ်ဖွဲ့က ၀ရမ်းပြပြီး ဖမ်းဆီးလိုက်တာဖြစ်ပါတယ်။ အဲဒီနောက် ရန်ကုန်တိုင်းသံဃမဟာနာယကအဖွဲ့ရုံးမှာ လူဝတ်လဲလိုက်တာ ဖြစ်ပါတယ်။
ပြီးခဲ့တဲ့နှစ်က အမေရိကန်သံရုံးရှေ့မှာ ရိုဟင်ဂျာဆိုတဲ့ အသုံးအနှုန်းသုံးစွဲမှုကို ကန့်ကွက်ဆန္ဒပြခဲ့တာကြောင့် ပုဒ်မ ၅၀၅(ခ) နဲ့ တရားစွဲဆိုပြီး ဖမ်းဝရမ်းထုတ်ခံထားရတဲ့ မကွေးကျောင်းတိုက်ဆရာတော် ဦးပါမောက္ခကို အရင်ပုဒ်မတွေအပြင် တရားခံပြေး ပုဒ်မ ၅၁၂ နဲ့ ထပ်တိုးအမှုဖွင့်လိုက်တယ်လို့ ဆရာတော်ရဲ့ ဒကာဖြစ်သူ ဦးစည်သူမြင့် က ပြောပါတယ်။
ဦးပါမောက္ခကို မနက်ဖြန် ကမာရွတ်မြို့နယ်တရားရုံးမှာ ရုံးထုတ်မှာ ဖြစ်ပါတယ်။
ပြီးခဲ့တဲ့နှစ်က အမေရိကန်သံရုံးရှေ့မှာ ဆန္ဒပြခဲ့တာနဲ့ ပတ်သက်ပြီး ဆရာတော် ဦးပါမောက္ခအပြင် မျိုးချစ်ရဟန်းပျိုများ သမဂ္ဂက ဆရာတော် ဦးသုစိတ္တနဲ့ ဆရာတော်ဦးဥာဏဓမ္မ တို့ကိုလည်း ကမာရွတ်မြို့နယ် တရားရုံးက ဖမ်းဝရမ်းထုတ်ထားတာ ဖြစ်ပါတယ်။
RFA Burmese
http://www.rfa.org/burmese
ဦးပါမောက္ခကို တရားခံပြေးပုဒ်မ ထပ်တိုးအမှုဖွင့်
Reviewed by THITHTOOLWIN
on
19:06
Rating: