မောင်တောတောင်ပိုင်း သေနတ်သံ ထွက်ပေါ်လာပြန်

သြဂုတ်လ ၃၀ ရက်နေ့က တွေ့ရတဲ့ မောင်တောက လုံခြုံရေး တပ်ဖွဲ့တွေ
မြန်မာနိုင်ငံ အနောက်ဖက် နယ်စပ် ရခိုင်ပြည်နယ် မြောက်ပိုင်းက မောင်တောမြို့နယ် တောင်ပိုင်းမှာ ပစ်ခတ်မှု ဖြစ်ပွား ခဲ့ပါတယ်။

သြဂုတ်လ ၂၅ ရက် အကြမ်းဖက် တိုက်ခိုက်မှုတွေ ဖြစ်ခဲ့ပြီးနောက် လအတန်ကြာ သေနတ်သံတွေ မကြားဘဲ ရှိခဲ့တာ ဖြစ်ပါတယ်။

နိုဝင်ဘာ လဆန်းပိုင်းမှာတော့ မသင်္ကာဖွယ်ရာ ယူနီဖောင်းအနက်ရောင်တွေ ဝတ်ဆင်ထားတဲ့ လက်နက်ကိုင်အဖွဲ့ တစ်ခုကို တပ်မတော်က လိုက်လံရှင်းလင်းစဉ်မှာ သေနတ် ပစ်ခတ်သံတွေ ကြားခဲ့ရတာ ဖြစ်ပါတယ်။

အနက်ရောင် ယူနီဖောင်းတွေ ဝတ်ဆင်ထားပြီး လက်နက်တွေကိုင်ဆောင်ထားတဲ့ အဖွဲ့တစ်ခုကို တပ်မတော် စစ်ကြောင်း တစ်ခုကနေ မောင်တောမြို့နယ် တောင်ပိုင်း မေယုတောင်ထဲ လိုက်လံရှင်းလင်းရာ ကနေ ထွက်ပေါ်လာတဲ့ ပစ်ခတ်မှုတွေ ဖြစ်နိုင်တယ်လို့ ဒေသခံတွေက ပြောပါတယ်။

သေနတ်သံကို မောင်တော တောင်ပိုင်း ကင်းချောင်းရွာ အရှေ့ဖက် တမိုင်ခန့်အကွာက ကြားရတာ ဖြစ်ပြီး ချောင်းဖျားက လာတဲ့ သေနတ်သံ ဖြစ်နိုင်ပေမယ့် ဆက်တိုက် ကြားရတာမျိုး မဟုတ်ဘူးလို့ ကင်းချောင်းရွာသား တယောက်က ဆိုပါတယ်။

အခု ပစ်ခတ်သံ ကြားရတဲ့ အဲဒီနေရာဟာ ယခင်က ARSA အဖွဲ့ဝင်တွေ ခိုအောင်းခဲ့တဲ့ လိုဏ်ဂူတွေ တွေ့ခဲ့နေရာလည်း ဖြစ်ပါတယ်။

လက်နက် အဖွဲ့ ၈ ဦးဟာ ဂေါ်ဒူသာရ မူဆလင် ကျေးရွာကနေ ထွက်လာပြီး ရွှေဗဟိုနဲ့ ကင်းချောင်းကျေးရွာကြားကနေ မေယုတောင်ထဲကို ဖြတ်ကျော် ဝင်ရောက်လာစဉ် တွေ့မြင်ခဲ့ရတယ်လို့ ကင်းချောင်းရွာသား ဦးအောင်စံဖြူ ကလည်း ပြောပါတယ်။

ဒါ့အပြင် သူတို့အဖွဲ့ထဲမှာ ၆ ယောက်ကတော့ သေနတ်ကိုယ်စီ ကိုင်ဆောင်ထားပြီး နှစ်ယောက် ကတော့ ဓါးရှည်တွေကို ကိုင်ဆောင်ထားတယ်လို့ သူက ဆိုပါတယ်။

မောင်တောမြို့နယ် အတွင်း ARSA လက်နက်ကိုင်အဖွဲ့တွေ မရှိတော့ဘူးဆိုပြီး တပ်မတော် စစ်ကြောင်းတွေက စစ်ဆင်ရေးကို ရုပ်သိမ်းပြီး တပ်တွေကို ဆုတ်ခွာလိုက်ပြီးနောက်ပိုင်းမှာ အခုလို လက်နက်ကိုင်အဖွဲ့တစ်ခုကို ပြန်လည်တွေ့ရှိပြီး ပစ်ခတ်မှု ပါ ပြန် ဖြစ်ပွားလာတဲ့ အတွက် ဒေသခံတွေ အကြားမှာ အထူးစိုးရိမ်မှုတွေ ရှိနေပါတယ်။

BBC Burmese
http://www.bbc.com/burmese
မောင်တောတောင်ပိုင်း သေနတ်သံ ထွက်ပေါ်လာပြန် မောင်တောတောင်ပိုင်း သေနတ်သံ ထွက်ပေါ်လာပြန် Reviewed by THITHTOOLWIN on 07:50 Rating: 5
Powered by Blogger.