လားရှိုး - နမ္မတူသွား ကားလမ်းပေါ်ဘေးတွင် တိမ်းမှောက်နေသည့် ယာဉ်အတွင်းမှ စိတ်ကြွဆေးပြား (၆)သိန်းကျော် နှင့် ဘိန်းဖြူများတွေ့ရှိပြီး ယာဉ်ပေါ် ပါသူများ ထွက်ပြေးနေ
ရှမ်းပြည်နယ်(မြောက်ပိုင်း) လားရှိုးမြို့နယ်၊ လားရှိုး - နမ္မတူသွား ကားလမ်းရှိ အီနိုင်းကျေးရွာအနီးတွင် တိမ်းမှောက်နေသည့် ယာဉ်အတွင်းမှ စိတ်ကြွဆေးပြား (၆)သိန်းကျော်နှင့် ဘိန်းဖြူမှုန့်များအား ဖမ်းဆီးရမိကြောင်း သိရသည်။
၂၀၁၇ခုနှစ် နိုဝင်ဘာလ(၂၇)ရက်နေ့ နံနက်(၁)နာရီဝန်းကျင်အချိန်က အဆိုပါ လမ်းပေါ်တွင် ယာဉ်တစ်စီး တိမ်းမှောက်နေကြောင်း တာဝန်သိ ပြည်သူများ၏ အကြောင်းကြားလာမှုကြောင့် သက်ဆိုင်ရာရဲတပ်ဖွဲ့တို့ ပါဝင်သည့် ပူးပေါင်းအဖွဲ့မှ သွားရောက် စစ်ဆေးမှုများ ပြုလုပ်ရာတွင် အီနိုင်းကျေးရွာအနီး (၇)မိုင်အကွေ့၏ ယာဘက်ချောက်ထဲ၌ တိမ်းမှောက်နေသည့် ယာဉ်အား တွေ့ရှိရပြီး ယာဉ်အတွင်းမှ စိတ်ကြွဆေးပြား စုစုပေါင်း (၆၀၆၀၀၀)ပြား နှင့် ဘိန်းဖြူများ ထည့်ထားသည့် ဆပ်ပြာခွက်(၁၁)ခွက်တို့အား ပိုင်ရှင်မဲ့ သိမ်းဆည်းရမိကြောင်း သိရသည်။
အဆိုပါ ယာဉ်တိမ်းမှောက်မှုဖြစ်စဉ်မှ ယာဉ်ပေါ်ပါ အမျိုးသား(၃)ဦးမှာ ထွက်ပြေးသွားကြောင်းကို အနီးရှိ ဒေသခံများထံက သိရှိရကြောင်း ရဲတပ်ဖွဲ့မှ သိရသည်။
ဆက်လက်၍ တွေ့ရှိ သိမ်းဆည်းရမိခဲ့သော မူးယစ်ဆေးဝါးများအား ပူးပေါင်းအဖွဲ့က မူးယစ်တပ်ဖွဲ့စု(၂၄)လားရှိုးသို့ လွှဲပြောင်းပေးခဲ့ပြီးနောက် ပိုင်ရှင်များအား ဖမ်းဆီးရမိ နိုင်ရန်အတွက် အမှုဖွ င့်ဆောင်ရွက်ထားရှိကြောင်း သိရှိရသည်။
သတင်း/ဓါတ်ပုံ - နေဖြိုးမြင့်
Tachileik News Agency
http://www.tachileik.net
လားရှိုး - နမ္မတူသွား ကားလမ်းပေါ်ဘေးတွင် တိမ်းမှောက်နေသည့် ယာဉ်အတွင်းမှ စိတ်ကြွဆေးပြား (၆)သိန်းကျော် နှင့် ဘိန်းဖြူများတွေ့ရှိပြီး ယာဉ်ပေါ် ပါသူများ ထွက်ပြေးနေ
Reviewed by THITHTOOLWIN
on
21:23
Rating: