ထိုင်း-မြန်မာ နယ်စပ်တွင် ယာဉ်မတော်တဆမှုကြောင့် မြန်မာတပ်မတော်အရာရှိတစ်ဦး အပါအဝင် ၄ ဦးသေဆုံး


နိုဝင်ဘာ ၂၂ ရက်၊ ၂၀၁၇ ခုနှစ်။

ထိုင်းနိုင်ငံ၊ တာ့ခ်ခရိုင်၊ ထာ့ဆောင်ယန်းမြို့နယ် ထာ့ဆောင်ယန်း-မဲ့စရင်းယန်းလမ်းမကြီး၏ ကီလိုမီတာ မိုင်တိုင်အမှတ် ၁၁၂ (ခလယ့်ဒူးကူးကျေးရွာအနီး)၌ နိုဝင်ဘာ ၂၁ ရက်၊ ည ၁ဝ နာရီအချိန်တွင် ကားတစ်စီးမတော်တဆ ဖြစ်ပွားမှုကြောင့် ကားပေါ်ပါလာသူ မြန်မာတပ်မတော်မှ ယာယီ တပ်ရင်းမှူးတစ်ဦးအပါအဝင် ၄ ဦးသေဆုံးခဲ့သည်ဟု နယ်မြေခံ ကေအဲန်ယူ-ကရင်အမျိုးသားအစည်းအရုံး တာဝန်ရှိသူတစ်ဦးက ကေအိုင်စီသို့ ပြောသည်။

ထိုင်း-မြန်မာနယ်စပ်တစ်နေရာတွင် ပြုလုပ်သည့် နယ်စပ်လုံခြုံရေးဆိုင်ရာ အစည်းအဝေးကို တက်ရောက်အပြီး ပြန်လာ သည့်ကားပေါ်တွင် လိုက်ပါလာသော ကရင်ပြည်နယ်၊ လှိုင်းဘွဲမြို့နယ်၊ ခလယ့်ဒေးစခန်းအခြေစိုက် ခြေလျင်တပ်ရင်း (ခလ ရ -၂၈) ယာယီ တပ်ရင်းမှူး ဗိုလ်မှူးနိုင်လင်းစိုးအပါအဝင် ထိုင်းစစ်သားတစ်ဦး၊ ထာ့ဆောင်ယန်းမြို့နယ်၊ မဲ့တရိရွာမှ တာဝန်ရှိ သူတစ်ဦးနှင့် ကားမောင်းသူတစ်ဦးတို့ သေဆုံးခဲ့ခြင်းဖြစ်သည်ဟု ၎င်း ကေအဲန်ယူတာဝန်ရှိသူက ပြောသည်။

၎င်းက “ကားပေါ်မှာ အားလုံး ၇ ယောက်ပါတယ်။ လေးယောက် ဆုံးတယ်။ သုံးယောက်ဒဏ်ရာရတယ်။ ဆုံးတဲ့လေး ယောက်ထဲမှာ တစ်ယောက်က အဲ့နေရာမှာပဲ ပွဲချင်းပြီး၊ ကျန်သုံးယောက်က ဆေးရုံရောက်မှ ဆုံးတယ်။ သေတဲ့အထဲမှာ ဗမာစစ်ဗိုလ်တစ်ယောက်ပါတယ်။ ဒဏ်ရာရတဲ့ ၃ယောက်အထဲမှာတော့ KNLA တပ်ရင်း (၂၁) က တစ်ယောက်ပါတယ်။ ” ဟု ကေအိုင်စီသို့ ပြောသည်။

အဆိုပါ ယာဉ်မတော်တဆဖြစ်မှုမှာ ယာဉ်မောင်းသူက အိပ်ငိုက်မိသဖြင့် လမ်းဘေးရှိ သစ်ပင်တစ်ပင်ကို ဝင်တိုက်မိခြင်း ဖြစ်ပြီး ဒဏ်ရာရရှိသူများမှာ ထာ့ဆောင်ယန်းဆေးရုံတွင် ဆေးကုသမှုခံယူနေရသည်ဟု မဲဆောက်မြို့ ရဲစခန်း တာဝန်ရှိသူတစ်ဦး၏ ပြောဆိုချက်ကို ကိုးကား၍ ထိုင်းနိုင်ငံထုတ် ဘန်ကောက်ပို့စ်သတင်းစာ၏ သတင်းဝက်ဆိုက် စာမျက်နှာတွင် ဖော်ပြထားသည်။

 စောရှား / KIC
http://kicnews.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ