ဘိုကလေးမြို့နယ်တွင် အမျိုးသမီးတစ်ဦး မိကျောင်းကိုက်ခံရ


ဘိုကလေး နိုဝင်ဘာ ၄

ဧရာဝတီတိုင်းဒေသကြီး ဘိုကလေးမြို့ စက်ဆန်း ကျေးရွာအုပ်စု အောင်ချမ်းသာကျေးရွာ၌ ကဏန်း ထောင် လုပ်ကိုင်စားသောက်သူ ကိုသန့်ဇော်၏ ဇနီးဖြစ်သူ မအိဖြူ(၂၅ နှစ်)သည် နိုဝင်ဘာ ၁ ရက် တွင် မိကျောင်းကိုက်ခံရပြီး သေဆုံးသွားကြောင်း သိရသည်။

မိကျောင်းကိုက်ခံရ

နိုဝင်ဘာ ၂ ရက်တွင် ဘိုကလေးမြို့ မြို့မရဲစခန်း ၌ ရဲအုပ်ဝင်းကျော် တာဝန်ထမ်းဆောင်နေစဉ် ကိုသန့်ဇော်က ၄င်း၏ဇနီး မအိဖြူသည် မိကျောင်း ကိုက်ခံရ၍ အလောင်းကို ဘိုကလေးမြို့ ခုတင် ၁ဝဝ ဆေးရုံသို့ ရောက်ရှိနေကြောင်း တိုင်ကြားခဲ့သည်။

ဖြစ်စဉ်ကို စုံစမ်းစစ်ဆေးရာ နိုဝင်ဘာ ၁ ရက်တွင် ကိုသန့်ဇော်သည် မိန်းမလှကျွန်းထဲသို့ ကဏန်းထောင် ရန် ထွက်ခွာသွားစဉ် ဇနီးဖြစ်သူ မအိဖြူနှင့် သားဖြစ်သူ မောင်အောင်ခန့် ရှစ်လသားတို့သည် မိကျောင်းခေါင်းပုတ်သစ်တောစခန်းရှိ ယာယီတဲ၌ ကျန်ရစ်ခဲ့သည်။ ညနေ ၄ နာရီတွင် မိကျောင်း ခေါင်းပုတ်သစ်တောစခန်း၌ အလုပ်အတူ လုပ်ကိုင် နေသူ ညီတော်စပ်သူ မောင်မိုးမှာ ကိုသန့်ဇော် ထံ ရောက်ရှိလာပြီး မွန်းတည့် ၁၂ နာရီခန့်တွင် ကိုသန့်ဇော်၏ ဇနီးဖြစ်သူ မအိဖြူမှာ ယာယီတဲအနီးရှိ ကမ်းစပ်သို့ ရေဆင်းခတ်စဉ် မိကျောင်းဆွဲသွားကြောင်း၊ ကိုသန့်ဇော်က လိုက်လံရှာဖွေရာ ညနေ ၅ နာရီခွဲ တွင် ဒေါင့်ချောင်း ချောင်းဖျားရေထဲ၌ မအိဖြူအလောင်း ကို ဒဏ်ရာများဖြင့် တွေ့ရှိရကြောင်း၊ ၆ နာရီခွဲတွင် အလောင်းအား စက်ဆန်း တိုက်နယ်ဆေးရုံသို့ သွားရောက်ပို့ဆောင်ရာ သူနာပြုဆရာမက ဘိုကလေး ခုတင် ၁ဝဝ ဆေးရုံသို့ ပို့ဆောင်ရန် ညွှန်ကြားသဖြင့် စက်လှေဖြင့် သယ်ဆောင်လာရာ နိုဝင်ဘာ ၂ ရက် ညနေ ၆ နာရီတွင် ဘိုကလေးမြို့ ခုတင် ၁ဝဝ ဆေးရုံသို့ ရောက်ရှိကြောင်း သိရသည်။

သေမှုသေခင်းဖွင့်

မအိဖြူ သေဆုံးမှုအား ရဲအုပ်ဝင်းကျော်၏ တိုင်တန်းချက်အရ ဘိုကလေးမြို့မရဲစခန်းက သေမှု သေခင်းဖွင့်၍ စစ်ဆေးလျက်ရှိပြီး ည ၇ နာရီခွဲတွင် ဘိုကလေးမြို့ ခုတင် ၁ဝဝ ဆေးရုံသို့ ဆေးစာဖြင့် တင်ပို့ ထားကြောင်း သိရသည်။

 ဌေးနိုင်(ဘိုကလေး)
Myanmaalinn
https://www.facebook.com/MYANMAALINNNEWS

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ