မိုင်းလားတပ်ဖွဲ့နယ်မြေအတွင်း ဂိတ်စခန်းတချို့မှ ၀ နှင့်အစိုးရတပ် ပြန်မဆုတ်ခွါပေးသေးသဖြင့် ကူးသန်းရောင်းဝယ်ရေး ပိတ်ဆို့နေတုန်း


မိုင်းလားတပ်ဖွဲ့ဝင်၏ မြို့အဝင်အထွက် ဂိတ်၊ တပ်စခန်းများကို ယမန်နှစ်က အစိုးရတပ်ကထိန်းချုပ်လိုက်ပြီးနောက်ပိုင်း ယနေ့တိုင် ဖြတ်သန်းသွားလာသူများအားတင်းကြပ်စစ်ဆေးသဖြင့် ခရီးသွား ကုန်သည်များအခက်တွေ့နေကြောင်းသိရသည်။

ယမန်နှစ် စက်တင်ဘာလက မိုင်းလားတပ်ဖွဲ့၏ တပ်စခန်း ၅ ခုအား UWSA တပ်က ထိန်းချုပ်လိုက်ပြီးနောက်ပိုင်း အောက်တိုဘာလတွင်မူ အစိုးရတပ်က မိုင်းလားတပ်ဖွဲ့၏ မြို့အဝင်အထွက်ဂိတ်စခန်းများတွင်နေရာ ယူထိန်းသိမ်းထားသည်မှာယနေ့တိုင်ပြန်ပေးခြင်းမရှိသေးပေ။

မိုင်းလားအရာရှိတဦးဖြစ်သောအားဆန်းကမူ – ကျနော်တို့ဘက်ကလည်း လမ်းပြန်ဖွင့်ချင်တဲ့ဆန္ဒရှိတယ်။ ၀ ဘက်ကလည်း ဒါကိုဖွင့်ချင်နေတယ်။ အစိုးရတပ်မတော်ဘက်ကတော့ တပ်ပြန်မဆုတ်သေးဘူး။ ကျနော်တို့ စခန်း တခုက ၀တပ်တွေပြန်မဆုတ်သေးလို့ စိတ်မချသေးတာကြောင့်ပြန်မဖွင့်သေးတာလို့ သူတို့ပြောပါတယ်။ – ဟု ပြောဆိုသည်။

UWSA သည် မိုင်းလားတပ်ဖွဲ့၏ တပ်စခန်း ၅ ခုအား ၂၀၁၆ ခုနှစ်စက်တင်ဘာလက သိမ်းပိုက်လိုက်ပြီး ၆ လ ခန့်အကြာ ၂၀၁၇ မတ်လ တွင် စခန်း ၄ ခုကို မိုင်းလားအားပြန်ပေးအပ်ခဲ့သည်။ သို့သော် မိုင်းလားတပ်ဖွဲ့၏ လွယ်ဆမ်ဆုမ် စခန်းတွင်နေရာ ယူထားသော ၀တပ်ဖွဲ့မှာမူ တပ်ဆုတ်ခြင်းမရှိသေးပေ။

ကျိုင်းတုံစစ်တိုင်းရုံးနှင့်နီးစပ်သူ ကားဆရာတဦးကမူ – လွယ်ဆမ်ဆုမ်စခန်းကနေ ၀ တပ်ပြန်မဆုတ်ပေးသေးသရွေ့ စစ်တပ်ကလည်း တာ့ပင်း တံတားဂိတ်၊ တာ့ပိမ်း တံတားဂိတ်ကနေ ဆုတ်ခွါပေးမှာမဟုတ်ဘူးလို့ပြောတယ်။ ဆိုတော့ ဂိတ်လည်းပြန်ဖွင့်မယ့်လမ်းမမြင်သေးဘူးပေါ့ဗျာ- ဟု သျှမ်းသံတော်ဆင့်အားပြောပြသည်။

သို့သော်မိုင်းယောင်း မိုင်းယုဘက်တွင်မူ သွားလာ၍ရကြောင်း၊ ၀ တပ်ရှိသည့်ဘက်တွင်သာ သွားလာမှုမရကြောင်း အားဆန်းက – အစိုးရကိုယ်စားလှယ်တွေမကြာခင် မိုင်းလားကိုလာမယ်လို့ကြားတယ်။ အဲ့ချိန်ကျရင်တော့ဒီအကြောင်းပါ ထည့်သွင်းဆွေးနွေးပြောဆိုရမယ် – ဟု ပြောဆိုသည်။

အစိုးရတပ်မတော်ဘက်က ကျိုင်းတုံမိုင်းလားရှိ တာ့ပင်းတံတား တာ့ပိမ်းတံတားဂိတ်မဖွင့်လှစ်သေးပါက ဒေသခံများ ကူးသန်းရောင်းဝယ်ရေး၊ အိမ်နီးချင်း တရုတ်၊ ထိုင်းမှခရီးသွားဧည့်သည်များ ၀င်ထွက်သွားလာ လည်ပတ်ရေး ရရှိဦးမည်မဟုတ်သေးဘဲ ကျိုင်းတုံထွက် ဒေသဆန်စပါးများ တရုတ်သို့တင်ပို့ရောင်းချနိုင်ဦးမည်မဟုတ်ကြောင်း၊ ထို့အတွက် ဒေသတွင်းလူထု စီးပွါး ခက်ခဲနေဦးမည်ဖြစ်ကြောင်းဆိုပါသည်။

၂၀၁၆ စက်တင်ဘာလ ၂၈ ရက်က ၀ တပ်ဖွဲ့ တပ်မဟာ ၄၆၈ က မိုင်းလားတပ်ဖွဲ့၏ ၀မ့်ခိုစုံ၊ ၀မ့်နောင်ဟုတ်၊ ပန်မဖိုင်း၊ လွယ်ကျူဆိုင်း ၊ လွယ်ဆာမ်ဆုမ်တို့အား စီးနင်းသိမ်းပိုက်လိုက်သည်။ လက်ရှိတွင် အဆိုပါတပ်စခန်းများအနက် ၄ ခုအား မိုင်းလားထံ ၀ တပ်ပြန်လည်အပ်နှင်းလိုက်ပြီဖြစ်သော်လည်း ၊ ၀- မိုင်းလားဆက်ဆံရေး ကောင်းမွန်ပြီးဖြစ်သော်လည်း လွယ်ဆာမ်ဆုမ်တပ်စခန်းမှမူ ၀ တပ်ပြန်မဆုတ်ခွါသေးပေ။

သျှမ်းသံတော်ဆင့်
http://burmese.panglong.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ