ဒေါက်တာအေးမောင် ရခိုင်အမျိုးသား ပါတီတာဝန်နှင့် ပါတီဝင်အဖြစ်က နုတ်ထွက်ခွင့်တင်


ရခိုင်အမျိုးသားပါတီ ဥက္ကဋ္ဌ ဒေါက်တာအေးမောင်ဟာ ပါတီတာဝန်နဲ့ ပါတီဝင်အဖြစ်က နုတ်ထွက်ခွင့်ပြုဖို့ နိုဝင်ဘာ (၂၇)ရက်က ပါတီရဲ့ ဗဟိုအလုပ်မှုဆောင်အဖွဲ့ဆီကို စာတင်တယ်လို့ သိရပါတယ်။

 ဒေါက်တာအေးမောင်ဟာ (ANP)ပါတီဥက္ကဋ္ဌ တာဝန်ကို ထမ်းဆောင်ခဲ့စဉ် ကာလအတွင်း (ANP) ပါတီထဲမှာ ခေါင်းဆောင်တွေ အချင်းချင်း မညီညွတ်တာ၊ ပါတီအစည်းအဝေးတွေနဲ့ အစည်းအဝေးပြင်ပတွေမှာ ပါတီဝင်အချို့က နည်းမျိုးစုံနဲ့ တိုက်ခိုက်တာ၊ လူမှုမီဒီယာတွေမှာ အုပ်စုဖွဲ့စော်ကားတာတွေကြောင့် ပါတီဖွဲ့စည်းပုံ စည်းမျဉ်းအပိုဒ်(၆၅)အရ ပါတီတာဝန်နဲ့ ပါတီဝင်အဖြစ်က နုတ်ထွက်ဖို့ စာတင်တာဖြစ်တယ်လို့ သူ့တင်ပြစာထဲမှာ ဖော်ပြထားပါတယ်။

 ဒါ့အပြင် ရခိုင်ပြည်နယ် လွှတ်တော် ဒုတိယဥက္ကဋ္ဌလစ်လပ်နဲ့ ခန့်ထားရေးဖြစ်စဉ်မှာ ပါတီကရည်ရွယ်သူကို ခန့်အပ်ခံရမှု မရှိတဲ့ဖြစ်စဉ်၊ စစ်တွေမြို့နယ်ပါတီအတွင်း ပြိုကွဲနေတဲ့ဖြစ်စဉ်တွေကြောင့် နုတ်ထွက်ရတာဖြစ်တယ်လို့လည်း ရေးသားထားပါတယ်။


 ပါတီကနေနုတ်ထွက်သွားပေမယ့် ရခိုင်အမျိုးသားရေးတာဝန်တွေကို အမျိုးသားရေးဝါဒီတွေနဲ့လက်တွဲပြီး ဆက်လက်ဆောင်ရွက်သွားမယ်လို့လည်း သူ့ရဲ့ ပါတီဝင်အဖြစ်က နုတ်ထွက်စာမှာ ဖော်ပြထားပါတယ်။

 ဒေါက်တာအေးမောင်ဟာ (၂၀၁၀)ခုနှစ်က ကျင်းပတဲ့ ပါတီစုံရွေးကောက်ပွဲမှာ ရခိုင်တိုင်းရင်းသားများ တိုးတက်ရေးပါတီ RNDP ကို ထူထောင်ပြီး ကိုယ်တိုင်လည်း ၀င်ရောက်ယှဉ်ပြိုင် အနိုင်ရသူဖြစ်ခဲ့ပါတယ်။

 ၂၀၁၅ ခုနှစ် ရွေးကောက်ပွဲမှာတော့ ပြည်နယ်အမတ်အဖြစ် ၀င်ရောက်ယှဉ်ပြိုင်ရာမှာ ရှုံးနိမ့်ခဲ့ပါတယ်။ ပြီးခဲ့တဲ့ ကြားဖြတ်ရွေးကောက်ပွဲမှာ အမ်းမြို့နယ် ပြည်သူ့လွှတ်တော်ကိုယ်စားလှယ်အဖြစ် ရခိုင်အမျိုးသားပါတီ ကိုယ်စားပြုဝင်ရောက်ယှဉ်ပြိုင်ပြီး ရွေးကောက်တင်မြှောက်ခံထားရသူဖြစ်ပါတယ်။

 ဒေါက်တာအေးမောင်ဟာ မူလက RNDP ပါတီဥက္ကဋ္ဌဖြစ်ပြီး နောက်ပိုင်း ALD ရခိုင်အမျိုးသားဒီမိုကရေစီအဖွဲ့ချုပ်နဲ့ ပူးပေါင်းထားတဲ့ ANP ရခိုင်အမျိုးသားပါတီမှာလည်း လက်ရှိအချိန်ထိ ဥက္ကဋ္ဌအဖြစ် တာဝန်ယူထားသူဖြစ်ပါတယ်။ ဒီသတင်းကို Central News Bureau က ပေးပို့တာ ဖြစ်ပါတယ်။

Central News Bureau
https://www.facebook.com/skynetcnb

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ