ရိုဟင်ဂျာ အမည်မသုံးဖို့ ရန်ကုန် ကတ်သလစ်ရဟန်းအမတ် တိုက်တွန်း

ရန်ကုန် ကက်သလစ် ရဟန်းအမတ် ကာဒီနယ် ချားလ်စ်မောင်ဘို
ကက်သလစ်ခရစ်ယာန် သာသနာပိုင် ပုပ်ရဟန်းမင်းကြီး Francis ရဲ့ ဒီလနှောင်းပိုင်း ပထမဆုံးအကြိမ် မြန်မာပြည်ခရီးစဉ်မှာ ရခိုင်ပြည်နယ်က အကျပ်အတည်းတွေမှာ အငြင်းပွားစရာ ဖြစ်နေရတဲ့ ရိုဟင်ဂျာ ဆိုတဲ့ အမည်ကို မသုံးနှုန်းဖို့ ရန်ကုန် ကက်သလစ် ရဟန်းအမတ် ကာဒီနယ် ချားလ်စ်မောင်ဘို ကတိုက်တွန်းလိုက်ပါတယ်။

"အချေအတင် ပြောစရာလည်းဖြစ်၊ စစ်တပ်၊ အစိုးရနဲ့ မြန်မာလူထုကလည်း လက်မခံတဲ့ ရိုဟင်ဂျာ ဆိုတဲ့ စကားလုံးကို မသုံးဖို့ တိုက်တွန်းထားတဲ့အကြောင်း "ကာဒီနယ် ချားလ်စ်မောင်ဘိုက Reuters သတင်းဌာနနဲ့ မေးမြန်းခန်းမှာ ပြောဆိုလိုက်တာပါ။

ပြီးခဲ့တဲ့ သြဂုတ်လ ၂၅ ရက်နေ့က ရခိုင်ပြည်နယ် မြောက်ပိုင်းက ကင်းစခန်း ၃၀ လောက်ကို အကြမ်းဖက် စီးနင်းတိုက်ခိုက်ခဲ့တဲ့ ARSA အစွန်းရောက်အုပ်စုကို မြန်မာလုံခြုံရေး တပ်ဖွဲ့တွေက ရှင်းလင်းရာက နောက်ဆက်တွဲ အိမ်နီးချင်း ဘင်္ဂလားဒေ့ရ်ှနိုင်ငံကို သိန်းနဲ့ချီတဲ့ ရိုဟင်ဂျာ ဒုက္ခသည်တွေ ထွက်ပြေးတဲ့အထိ ဖြစ်ခဲ့တဲ့အပေါ် စိုးရိမ်ပူပမ်တဲ့ သဘောထားတွေ ပြောဆိုထားတဲ့ ပုပ်ရဟန်းမင်းကြီး Francis ဟာ မြန်မာနိုင်ငံ ခရီးစဉ်အတွင်း ဒီကိစ္စကို အလေးထား ပြောဆိုမယ်လို့ မျှော်လင့်နေကြပါတယ်။

ရန်ကုန် ကက်သလစ် ကာဒီနယ် ချားလ်စ်မောင်ဘို ကတော့ မြန်မာနဲ့ ဘင်္ဂလားဒေ့ရ်ှနိုင်ငံတို့ကပါ လိုလိုလားလား မရှိကြသလို၊ နိုင်ငံသားဖြစ်ခွင့်လည်း မရကြတဲ့ သူတွေအပေါ် လူ့ဂုဏ်သိက္ခာနဲ့အညီ ပြုမူဆက်ဆံကြဖို့၊ လူသားအချင်းချင်း စာနာမှုနဲ့ အကူအညီပေးဖို့ ကိစ္စတွေကိုတော့ ပုပ်ရဟန်းမင်းကြီးက ပြောဆိုလိမ့်မယ်လို့ မျှော်လင့်ကြောင်း ပြောဆိုခဲ့တာပါ။

ပုပ်ရဟန်းမင်းကြီး Francis ရဲ့ နိုဝင်ဘာ ၂၆ ကနေ ၃၀ အထိ ခရီးစဉ်အတွင်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအ၀င် အစိုးရနဲ့ ဘာသာရေးခေါင်းဆောင်တွေကို တွေ့ဆုံဖို့ စီစဉ်ထားပြီး၊ မြန်မာနိုင်ငံ ခရီးစဉ်အပြီးမှာတော့ ရိုဟင်ဂျာဒုက္ခသည် ၆ သိန်းကျော် ထွက်ပြေးရောက်ရှိနေတဲ့ ဘင်္ဂလားဒေ့ရ်ှနိုင်ငံကို ခရီးဆက်မှာဖြစ်ပါတယ်။

 ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ