ဓာတ်ပုံ-ပြည်ထဲရေးဝန်ကြီးဌာန |
မန္တလေးတိုင်း၊ စဥ့်ကူးမြို့နယ်၊ ငါးပြားပေးကျေးရွာမှာ ရွှေခိုးတူးတဲ့ အမျိုးသားလေးဦးဟာ အင်းအတွင်း ရေတွေနဲ့ပိတ်မိနေပြီး တစ်ဦးကိုဆယ်ယူထားပြီဖြစ်တယ်လို့ လက်ပံလှနယ်မြေရဲစခန်းမှ သိရပါတယ်။
ငါးပြားပေးကျေးရွာရှိ အင်းအနီးမှာ ရွှေခိုးတူးတဲ့ အမျိုးသားလေးဦးဟာ နိုဝင်ဘာလ ၁၄ ရက် မနက် ၉ နာရီခွဲခန့်က ရွှေခိုးတူးနေစဉ် အင်းထဲက ရေလုံးပေါက်ပြီး ပိတ်မိတာဖြစ်တယ်လို့သိရပါတယ်။
“အင်းထဲကို တူးတဲ့အချိန်မှာ ပိုပြီးနက်လာတော့ ရေလုံးက သူတို့တူးတဲ့နေရာကို ပေါက်လာပြီး ပိတ်မိတာ။ အင်းနံရံပြိုကျတာမဟုတ်ပါဘူး” လို့ လက်ပံလှနယ်မြေရဲစခန်းက တာဝန်ရှိသူတစ်ဦးက ပြောပါတယ်။
သူတို့ရွှေခိုးတူးတဲ့နေရာမှာ ရေတွေဝင်ရောက်ပြီး အမျိုးသားလေးဦးစလုံး တွင်းထဲမှာ ပိတ်မိနေတာဖြစ်ပါတယ်။ တွင်းဟာ လေးပေပတ်လည်သာ အကျယ်အဝန်းရှိတာကြောင့် ဆယ်ယူဖို့ ခက်ခဲနေပြီး ရေစုပ်စက်တွေ၊ မော်တာတွေနဲ့ ရေတွေကိုစုပ်ထုတ်ပြီး ဆယ်ယူနေတယ်လို့ သိရပါတယ်။
“လေးပေပတ်လည်ဆိုတော့ လူအများကြီးဝင်လို့ အဆင်မပြေဘူးလေ။ အခုတော့ တစ်ယောက်ကို ဆယ်ထားတယ်။ ဒါပေမယ့် သေဆုံးနေပြီဖြစ်ပါတယ်”လို့ လက်ပံလှရဲစခန်းမှ တာဝန်ရှိသူတစ်ဦးက ဆိုပါတယ်။
မို့မို့
Myanmar Digital News
https://www.facebook.com/MyanmarDigitalNews
စဥ့်ကူးမြို့နယ်တွင် ရွှေခိုးတူးရင်း အင်းအတွင်းမှာ ပိတ်မိနေတဲ့အမျိုးသား လေးဦးထဲက တစ်ဦးသေဆုံး
Reviewed by THITHTOOLWIN
on
21:45
Rating: