ရခိုင်တိုင်းရင်းသားတွေရဲ့ ဆန္ဒကို အလေးထားရမှာဖြစ်ကြောင်း ကာ/ချုပ် ပြောကြား

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ အမေရိကန်နိုင်ငံ နိုင်ငံခြားရေးဝန်ကြီး Rex Tillerson တို့ နိုဝင်ဘာလ ၁၅ ရက်နေ့က နေပြည်တော်မှာတွေ့ဆုံစဉ်။ ဓါတ်ပုံ - တပ်မတော်ကာကွယ်ရေးဦးစီးချုပ်ရုံး
ဘင်္ဂလားဒေ့ရ်ှကို ထွက်ပြေးခဲ့ကြသူတွေအနေနဲ့ တကယ့် မြန်မာနိုင်ငံသား အစစ်အမှန်တွေက ပြန်လည်လက်ခံဖို့ အသင့်ဖြစ်တဲ့အချိန်ကျမှ ပြန်လာနိုင်မှာဖြစ်ကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် က ပြောဆိုလိုက်ပါတယ်။

နိုဝင်ဘာ ၁၅ ရက်နေ့က နေပြည်တော်မှာ အမေရိကန်နိုင်ငံ နိုင်ငံခြားရေးဝန်ကြီး Rex Tillerson နဲ့ တွေ့ဆုံစဉ်အတွင်း ပြောကြားခဲ့တာပါ။

ထွက်ခွာသွားသူတွေကို ဥပဒေနဲ့အညီ ပြန်လည်လက်ခံဖို့ ဆောင်ရွက်နေရာမှာ ဒေသခံ တိုင်းရင်းသားရခိုင်တွေနဲ့ ဘင်္ဂါလီလူမျိုးတွေ နှစ်ဖက်စလုံးက လက်ခံနိုင်တဲ့ အခြေအနေရှိဖို့လိုအပ်ပြီး မြန်မာနိုင်ငံသား စစ်စစ်တွေဖြစ်တဲ့ ဒေသခံရခိုင်တိုင်းရင်းသားတွေရဲ့ ဆန္ဒကိုအလေးထားရမှာဖြစ်ကြောင်း၊ ဒေသခံရခိုင် တိုင်းရင်းသားတွေက လက်ခံမှသာ ပြည်သူလူထုအားလုံးက ကျေနပ်လက်ခံမှာ ဖြစ်ကြောင်း၊ဒေသခံတွေ လက်ခံနိုင်မယ့် အခြေအနေ မရှိရင် နိုင်ငံရေး မတည်ငြိမ်မှုတွေ ဖြစ်ပေါ်လာနိုင်ကြောင်း ဗိုလ်ချုပ်မှူးကြီး မင်းအောင်လှိုင်က ပြောဆိုခဲ့ပါတယ်။.

ဒါ့ပြင် ထွက်ခွာသွားသူတွေကို ပြန်လည် လက်ခံရာမှာလည်း ၁၉၈၂ ခုနှစ်နိုင်ငံသားဥပဒေ၊ ၁၉၉၂ ခုနှစ် မြန်မာ-ဘင်္ဂလားဒေ့ရှ် နှစ်နိုင်ငံသဘောတူညီချက်တွေနဲအညီ စိစစ်လက်ခံမှာဖြစ်ပြီး ငြင်းပယ်ဖို့မရှိကြောင်း၊ ၁၉၇၈ ခုနှစ်ကလည်း အလားတူ ဖြစ်စဉ်တခုဖြစ်ပွားခဲ့ကြောင်း၊ အဲဒီအချိန်က မြန်မာနိုင်ငံဘက်က ကောက်ယူထားတဲ့ စာရင်းအရထက် လူဦးရေ ၃၀၀၀၀ ကျော် ပိုမိုလက်ခံခဲ့ရကြောင်း၊ အခုအချိန်မှာတော့ တဖက်ကပြောတဲ့ လူအရေအတွက်အတိုင်း လက်ခံလို့ မရကြောင်း၊ ဒီကိစ္စတွေကို အစိုးရက ဆောင်ရွက်မှာ ဖြစ်ပြီး တပ်မတော်က ကူညီဆောင်ရွက်ပေးမှာဖြစ်ကြောင်းလည်း ပြောကြားခဲ့တယ်လို့ ဗိုလ်ချုပ်မှူးကြီး မင်းအောင်လှိုင်ရဲ့ Facerbook စာမျက်နှာမှာ အင်္ဂလိပ်ဘာသာနဲ့ ရေးသားဖော်ပြထားပါတယ်။

BBC Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ