ပုဏ္ဏားကျွန်း၌ ဒုတိယအကြိမ် ရခိုင်ရိုးရာ သင်ပုတ်ဆွမ်းတင်ပူဇော်ပွဲ ကျင်းပ


ပုဏ္ဏားကျွန်း နိုဝင်ဘာ ၃

ရခိုင်ပြည်နယ် ပုဏ္ဏားကျွန်းမြို့နယ် ဦးရာဇ်တော် ဘုရား ရင်ပြင်တော်၌ နိုဝင်ဘာ ၃ ရက် နံနက် ၆ နာရီက ရခိုင် လူမျိုးတို့၏ ခေတ်လေးခေတ်ကို ပုံဖော် ၍ ဓည၀တီ၊ ဝေသာလီ၊ လေးမြို့၊ မြောက်ဦးခေတ်တို့၏ ရိုးရာဝတ်စုံများ ဝတ်ဆင်ကာ ရခိုင်စည်တော် အတီး အမှုတ်အစုံဖြင့် ရှေးရခိုင် ဓလေ့ထုံးတမ်း စဉ်လာ အတိုင်း သင်ပုတ်ဆွမ်းတင်ပူဇော်ပွဲကို ဒုတိယအကြိမ် ကျင်းပ ခဲ့သည်။

ရခိုင်ရိုးရာ သင်ပုတ်ဆွမ်းတင် ပူဇော်ပွဲကို Png Development You Organization အသင်းက ဦးဆောင်ပြီး ရက္ခိတမင်္ဂလာစည်တော်အဖွဲ့နှင့် စစ်တွေမြို့ စိုင်းဒရား ရခိုင် စည်တော်အဖွဲ့မှ ပံ့ပိုး ကူညီမှုဖြင့် ထမင်းထောင်၊ ပန်းထောင် ၊ ဆီမီးထောင် များနှင့်အတူ ရခိုင်စည်တော်များ၊ ရခိုင် တူရိယာများဖြစ်သော ခရုခွံ၊ အိုးစည်၊ ဒူမောင်း၊ လင်းခွက်ခရာများ အတီး အမှုတ်တို့ဖြင့် နံနက် ၅ နာရီက ရွာဟောင်း (မူလွန်)ကျောင်းမှ စတင်ကာ ဦးဥတ္တမလမ်းအတိုင်း စီတန်းလျက် ဦးရာဇ်တော် ဘုရားပေါ်သို့ တက်ရောက် ပူဇော်ခဲ့ကြသည်။

“ကျွန်တော်တို့ အခုလို ပူဇော်ရခြင်း မှာ ရခိုင်ရိုးရာဓလေ့ မပျောက်သွားစေ ရေး၊ ရခိုင်ယဉ်ကျေးမှုနဲ့၊ ရခိုင်အမျိုး ဘာသာ အမွေအနှစ်များ မပျောက် သွားစေဖို့နဲ့ တောင်သူလယ်သမား တွေ စပါးဆန်ရေ ပွားများစေဖို့ ကျင်းပရ ခြင်းဖြစ်ပါတယ်”ဟု ဦးဆောင် ကျင်းပသည့် အသင်းဥက္ကဋ္ဌ ကိုသိန်းဝ္ဏကပြောသည်။

“သင်ပုတ်ဆွမ်းဆိုတာ ရခိုင်လူမျိုး တောင်သူတို့ ပထမဦးဆုံး ထွက်ရှိတဲ့ စပါးကို ရိတ်သိမ်းကြိတ်ခွဲပြီး ဆန်အဖြစ် ထောင်းဖွပ်ကာ ဦးဦးဖျားဖျား ရွာဦး ဘုန်းတော်ကြီးကျောင်းရှိ သံဃာတော် များအား ဆွမ်းကပ်လှူဒါန်းခြင်း ဓလေ့များကို ဖော်ထုတ်ပြသခြင်း ဖြစ်ပါတယ်” ဟု စစ်တွေမြို့မှ ရခိုင် ဟာသစာရေး ဆရာ ဘဂျီးကျော်က ပြောသည်။
ရခိုင်ရိုးရာသင်ပုတ်ဆွမ်းကို ရှေး ရခိုင် ဘုရင်လက်ထက်က ထမင်း ထောင်၊ ပန်းထောင်၊ ဆီမီးထောင်တို့ ဖြင့် ဝါကျွတ်လပြည့်နေ့နှင့် တန်ဆောင် တိုင်လပြည့်နေ့များတွင် ကောက်သစ် ဆန်ကို ဗုဒ္ဓ ဘုရားရှင်အား ဦးဦးဖျားဖျား ပူဇော်သော ရွာလုံးကျွတ်ပွဲဖြစ်သည်။

ကောက်ဦး ထမင်းကို ကတော့ပုံ၌ သွတ်သွင်းကာ ခရုချွန်ပုံဖြစ်အောင် ကတော့ပုံ သင်ပုတ်ဆွမ်း ၃၃ ခုနှင့် ဆွမ်းထမင်းကို စေတီပုံ ဖြစ်အောင် နယ်နှိပ်ပြီး ဗန်းအလယ်၌ စိုက်ထူ၍ ဘုရားကျောင်းကန်များသို့ တပျော်တပါး သွားရောက်ကာ ကုသိုလ် ဒါနပြုကြ သော သင်ပုတ်ဆွမ်း(ခေါ်) ကောက်ဦး ဆွမ်းလည်း ခေါ်ကြောင်း စစ်တွေမြို့ စိုင်းဒရား စည်တော်အဖွဲ့ခေါင်းဆောင်ကိုကျော်ဆန်းက ပြောသည်။

ယနေ့ ည ၇ နာရီတွင် ဦးရာဇ်တော် ဘုရားရင်ပြင်ပေါ်၌ ဆီမီးငါးထောင် ပူဇော်ပွဲနှင့် မီးပုံးပျံများ လွှတ်တင်ပွဲကို ဆက်လက် ကျင်းပခဲ့ကြောင်း သိရ သည်။

နီထွန်းအောင်(ပြန်/ဆက်)
MOI Webportal Myanmar
https://www.facebook.com/MOIWebportalMyanmar

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ