မြောက်ကိုရီးယားကိုင်တွယ်ဖို့ နည်းလမ်း ကန်နဲ့ဂျပန် သဘောထားတူ

အမေရိကန် သမ္မတ Trump နဲ့ ဂျပန် ၀န်ကြီးချုပ် Shinzo Abe
မြောက်ကိုရီးယားရဲ့ လက်နက်စမ်းသပ်မှုတွေကို တုံ့ပြန်ဖို့ လိုအပ်လာချိန်မှာ နည်းလမ်းပေါင်းစုံကို စဉ်းစား သုံးသပ်သွားဖို့ ဆိုတဲ့ အမေရိကန် သမ္မတရဲ့ ပြောဆိုချက်ကိုဂျပန် ၀န်ကြီးချုပ်ကလည်း ဒီကနေ့ သဘောတူခဲ့ပါတယ်။

တိုကျိုမြို့တော်က Akasaka နန်းတော်မှာ ဂျပန် ၀န်ကြီးချုပ် Shinzo Abe နဲ့ အမေရိကန် သမ္မတ Trump တို့ ပူးတွဲ ပြုလုပ်တဲ့ သတင်းစာရှင်းလင်းပွဲမှာ ဂျပန်ဝန်ကြီးချုပ်က မြောက်ကိုရီးယား ဆွေးနွေးရေး ညှိစရာမဟုတ်တော့ဘဲ မြောက်ကိုရီးယား အစိုးရ အပေါ် အမြင့်ဆုံး ဖိအားပေးရမယ့် အချိန် ရောက်လာပြီလို့ ပြောဆိုခဲ့ပါတယ်။ ဒုတိယမြောက်နေ့ အဖြစ် ဒီကနေ့ ဆွေးနွေးခဲ့ကြတဲ့ အမေရိကန်နဲ့ ဂျပန် ခေါင်းဆောင် နှစ်ဦးတို့က မြောက်ကိုရီးယား အရေးက အဓိက ကိစ္စ ဖြစ်ကြောင်း အတည်ပြု ပြောဆိုခဲ့ပါတယ်။

မြောက်ကိုရီးယား အစိုးရဟာ တိုက်ချင်းပစ် ပဲ့ထိန်းတပ် ဒုံးကျည်မှာ နျူးကလီးယား ထိပ်ဖူးတပ်ဆင်နိုင်ရေး ကြိုးပမ်းနေတာဟာဆိုရင် တိုးတက်ယဉ်ကျေးတဲ့ ကမ္ဘာနဲ့ နိုင်ငံတကာ တည်ငြိမ်အေးချမ်းရေး အတွက် ခြိမ်းခြောက်မှု အဖြစ် အမေရိကန် သမ္မတက ပြောဆိုပါတယ်။ မြောက်ကိုရီးယား အစိုးရနဲ့ ညှိနိုင်ဖို့ ကြိုးစားခဲ့တဲ့ မဟာဗျူဟာမြောက် သည်းခံခဲ့တဲ့ ခေတ် ကုန်သွားပြီလို့လည်း သမ္မတ Trump က ထပ်ပြီး ပြောဆိုခဲ့ပါတယ်။ သူ့ရဲ့ ပြောဆိုချက်တွေဟာ ပြင်းထန်တယ်လို့ တချို့က ပြောဆိုနေကြပေမယ့် ပြီးခဲ့တဲ့ ၂၅ နှစ်တာ ကာလအတွင်း ပျော့ပျော့ပြောင်းပြောင်း ပြောဆိုချက်တွေက ဘာတွေ ဖြစ်ခဲ့သလဲ ဆိုတာကို ပြန်ကြည့်ကြပါလို့ သမ္မတ Trump က အရင် အမေရိကန် အစိုးရတွေရဲ့ ချဉ်းကပ်ဆောင်ရွက်မှုကို ဝေဖန်သွားပါတယ်။ မြောက်ကိုရီးယားနဲ့ စစ်တိုက်ဖို့ ပြင်ဆင်ထားသလားဆိုပြီး ဂျပန် သတင်းထောက် တဦးရဲ့ အမေးကိုတော့ အမေရိကန် သမ္မတက မဖြေကြားခဲ့ပါဘူး။

ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ