ဂျပန်ယန်းငွေ ၁၅ ဘီလီယံကျော် တောင်သူတွေကို ထုတ်ချေးမည်

ကောက်စိုက်နေတဲ့ လယ်သမားတွေကို တွေ့ရစဉ်။ Photo: RFA
ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ JICA က မြန်မာကျပ်ငွေ ၁၈၀ ဘီလီယံခန့်ရှိတဲ့ ဂျပန်ယန်းငွေ ၁၅ ဘီလီယံကျော်ကို နှစ် ၄၀ စီမံကိန်းနဲ့ တောင်သူတွေကို ထုတ်ချေးဖို့ စီစဉ်ထားပါတယ်။

တိုင်းနဲ့ပြည်နယ်အသီးသီးက တောင်သူတွေကို ဒီနှစ်အတွင်း ကျပ်ငွေ ၅၀ ဘီလီယံစတင်ထုတ်ချေးဖို့ လျာထားတယ်လို့ မြန်မာ့လယ်ယာဖွံ့ဖြိုးရေးဘဏ်၊ ရခိုင်ပြည်နယ်မန်နေဂျာ ဦးအေးသိန်းက ဒီနေ့ ပြောပါတယ်။

JICA အဖွဲ့ရဲ့ချေးငွေတွေနဲ့အတူ မြန်မာအစိုးရဘက်ကလည်း ငွေကျပ် ၁၀ ဘီလီယံကျော်ကို ထည့်ဝင်ထုတ်ချေး မှာ ဖြစ်ပါတယ်။

JICA အဖွဲ့ဟာ ပထမ ၁၀ နှစ်အတွင်းမှာ အတိုးမဲ့ထုတ်ချေးမှာဖြစ်ပြီး ကျန်တဲ့ နှစ် ၃၀ စာအတွက်ကိုတော့ အတိုးနှုန်းအနည်းငယ်နဲ့ ထုတ်ချေးမှာဖြစ်တယ်လို့ ဆိုပါတယ်။

အခုထုတ်ချေးမယ့် ချေးငွေတွေကို ငွေသားအဖြစ် ချေးမှာမဟုတ်ဘဲ ရိတ်သိမ်းစက်၊ ခြွေလှည့်စက် စတဲ့ လယ်ယာလုပ်ငန်း အခြေခံစက်ပစ္စည်းတွေအတွက် ကုမ္ပဏီတွေနဲ့ချိတ်ဆက်ဝယ်ယူဖို့ ငွေသားအစား စက်ပစ္စည်းတွေကို ထုတ်ပေးမှာဖြစ်တယ်လို့ သိရပါတယ်။

လယ်ယာမြေလုပ်ပိုင်ခွင့်ပုံစံ(၇)ရှိတဲ့ တောင်သူတစ်ဦးချင်းအနေနဲ့ ကျပ်သန်း ၅၀ နဲ့ အစုအဖွဲ့လိုက် ကျပ်သန်း ၅၀၀ အထိ ထုတ်ချေးနိုင်မှာဖြစ်ပြီး ၃ နှစ်၊ ၅ နှစ်စတဲ့ နှစ်တို နှစ်ရှည်ကာလတွေအတွင်းမှာ တစ်နှစ်ကို အတိုးနှုန်း ၈ ရာခိုင်နှုန်း နဲ့ အစိုးရကို ပြန်ဆပ်ကြရမှာဖြစ်တယ်လို့လည်း သိရပါတယ်။

လာမယ့်နှစ်မှာတော့ လယ်ယာလုပ်ငန်းကိုအခြေခံတဲ့ စီးပွားရေးလုပ်ငန်းတွေအတွက်ပါ တိုးချဲ့ပြီး ချေးငွေထုတ်ပေး ဖို့ လျာထားတာဖြစ်ပါတယ်။

RFA Burmese
https://www.rfa.org/burmese
ဂျပန်ယန်းငွေ ၁၅ ဘီလီယံကျော် တောင်သူတွေကို ထုတ်ချေးမည် ဂျပန်ယန်းငွေ ၁၅ ဘီလီယံကျော် တောင်သူတွေကို ထုတ်ချေးမည် Reviewed by THITHTOOLWIN on 18:14 Rating: 5
Powered by Blogger.