မင်္ဂလာတောင်ညွန့် ရုန်းရင်းဆန်ခတ်မှု ၅ ဦးကို ထောင်ဒဏ် ၆လ ချမှတ်

မင်္ဂလာတောင်ညွန့် ပဋိပက္ခမှာ ပါဝင်သူ ၃ ဦးကို မင်္ဂလာတောင်ညွန့်မြို့နယ် တရားရုံးမှာ ဇွန်လ ၂ ရက်နေ့က ရုံးထုတ်ခဲ့စဉ်/Photo: Htet Arkar/RFA
ပြီးခဲ့တဲ့ မေလ ၉ ရက်နေ့ညက မင်္ဂလာတောင်ညွန့်မြိုနယ်မှာ ဖြစ်ပွားခဲ့တဲ့ ရုန်းရင်းဆန်ခတ်မှုနဲ့ ပတ်သက်ပြီး ဆူပူလှုံ့ဆော်မှု ပုဒ်မ ၅၀၅ (ဂ)နဲ့ တရားစွဲဆိုခံထားရသူ ၅ ဦးကို ဒီကနေ့ မင်္ဂလာတေင်ညွန့်မြို့နယ် တရားရုံးက ထောင်ဒဏ် ၆ လချမှတ်လိုက်ပြီး ချုပ်ရက်ကို ထုတ်နှုတ်ခံစားခွင့်ပေးခဲ့တဲ့အတွက် လွတ်မြောက်သွားပြီ ဖြစ်ပါတယ်။

ပြစ်ဒဏ်ချမှတ်ခံရသူ ၅ ဦးဘက်ကနေ ရှေ့နေအဖြစ် လိုက်လံကူညီပေးခဲ့တဲ့ ရှေ့နေဦးအေးပိုင်က ဒီကနေ့ အမိန့်ချမှတ်လိုက်တာနဲ့ ပတ်သက်ပြီး အခုလို ပြောပါတယ်။

"ဒီနေ့ အမိန့်ချလိုက်ပါပြီ၊ ကျနော်တို့ ခြောက်လချလိုက်တယ်၊ ချုပ်ရက်ရှိက ခံစားစေပေါ့နော် ခံစားစေဆိုတော့ သူတို့က ချုပ်ရက်က ၆ လကျော်နေပြီလေ ထောင်ကိုတော့ ပို့လိုက်တယ် ထောင်ကိုတော့ ဒီနေ့ သွားထုတ်နေကြပါပြီ"

ရုန်းရင်းဆန်ခတ်မှုနဲ့ ပတ်သက်ပြီး ဆရာတော် ဦးသုစိတ္တ၊ ဦးပညာဝံသ တို့နဲ့အတူ လူ ၅ ဦးကို ဆူပူလှုံ့ဆော်မှု ပုဒ်မ ၅၀၅(ဂ) နဲ့ မင်္ဂလာတောင်ညွန့်မြို့နယ် ရဲစခန်းက တရားစွဲဆိုထားတာ ဖြစ်ပေမယ့် ဒီကနေ့ အမိန့်ချမှတ်အပြီးမှာ ဆရာတော်နှစ်ပါးလုံးနဲ့ ပတ်သက်ပြီး ရှေ့နေဦးအေးပိုင်က တစ်စုံတရာ ပြောဆိုခြင်း မရှိပါဘူး။

ပြီးခဲ့တဲ့မေလ ၉ ရက်နေ့ညက မင်္ဂလာတောင်ညွှန့်မြို့နယ် မြယာကုန်းလမ်းမှာ ခိုးဝင်သူတွေရှိနေတယ်ဆိုပြီး အမျိုးသားရေးလှုပ်ရှားသူအချို့နဲ့ သံဃာတော် အချို့အပါအဝင် သက်ဆိုင်ရာအာဏာပိုင်တွေနဲ့ ၀င်ရောက်ရှာဖွေရာမှာ မတွေ့ရှိခဲ့ရာကနေ ဆူပူမှု ဖြစ်ပွားခဲ့တာဖြစ်ပါတယ်။

အဲဒီဖြစ်စဉ် စတင်ခဲ့တဲ့ မျိုးချစ်သွေးဓမ္မကွန်ရက် ဥက္ကဌ ဦးတင်လင်းထိုက်(ခ)လင်းလင်း၊ အတွင်းရေးမှူး ဦးတင်ဌေးအောင်(ခ) အကြီးကောင်၊ ဦးတင်ထွဋ်ဇော် (ခ) ကိုလတ်၊ မအောင်အောင်မြင့် (ခ) မအောင်နဲ့ ကိုမြတ်ဘုန်းမိုရ်တို့ကို ပုဒ်မ ၅၀၅(ဂ) နဲ့ တရားစွဲဆိုခဲ့တာဖြစ်ပါတယ်။

ပုဒ်မ ၅ဝ၅ (ဂ) ဟာ လူအမျိုးအစား အချင်းချင်းဖြစ်စေ၊ လူမျိုးစုအချင်းချင်းဖြစ်စေ၊ တဖက်နဲ့တဖက် ရာဇဝတ်မှု ကျူးလွန်အောင်လှုံ့ဆော်ရန် အကြံရှိလျှင် (သို့မဟုတ်) အဆိုပါလှုံ့ဆော်ခြင်းကို ဖြစ်စေသည့်အကြောင်းရှိလျှင် ထိုသူကို ၂ နှစ်အထိထောင်ဒဏ် တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်ရမည်လို့ ဖော်ပြထားပါတယ်။

အမှုတွဲအဖြစ်ပါဝင်ပြီး ဖမ်းဝရမ်းထုတ်ခံထားရတဲ့ ဆရာတော် ဦးသုစိတ္တနဲ့ ဦးပညာဝံသ တို့ကိုတော့ အမိန့်ချပြီးတဲ့အထိ ဖမ်းဆီးခြင်း မရှိသလို အမေရိကန်သံရုံးရှေ့ ဆန္ဒပြပွဲမှာ ပါဝင်ခဲ့တဲ့ ဆရာတော် ဦးသုစိတ္တကိုလည်း ကမာရွတ်မြို့နယ် တရားရုံးက ဖမ်းဝရမ်းထုတ်ထားပေမယ့် ဒီနေ့အချိန်အထိ ဖမ်းဆီးခြင်း မရှိသေးပါဘူး။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ