မြန်မာနိုင်ငံသား ၃၀ နီးပါးကို အမေရိကန်အစိုးရ ပြန်ပို့မည်

နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးကျော်ဇေယျကို တွေ့ရစဉ်။ Photo: Ministry of Foreign Affairs Myanmar's facebook
အမေရိကန်နိုင်ငံရောက် မြန်မာနိုင်ငံသားတွေထဲမှာ ပြစ်မှုကျူးလွန်ပြီး ပြစ်ဒဏ်ကျခံခဲ့ရသူ ၃၀ နီးပါးကို ပြန်လည်လက်ခံဖို့ မြန်မာနိုင်ငံအစိုးရကို အမေရိကန်အစိုးရက တိုက်တွန်းထားပါတယ်။

အမေရိကန်သမ္မတဒေါ်နယ်ထရန့် တက်လာပြီးနောက်ပိုင်း အမေရိကန်အစိုးရဘက်က ပြစ်မှုကျူးလွန်ပြီး ပြစ်ဒဏ်ကျခံပြီးသူတွေကို မိခင်နိုင်ငံတွေကို ပြန်ပို့ရေးလုပ်ငန်းစဉ်တွေ အလေးပေးလုပ်ဆောင်လာတာ ဖြစ်တယ်လို့ နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးကျော်ဇေယျ ကပြောပါတယ်။

"အမေရိကန်အစိုးရတက်တဲ့အခါမှာ ဒီကိစ္စကို အလေးပေးဆောင်ရွက်နေတယ်။ estimate figure တော့ ကျနော် မပေးချင်ဘူး။ ဒါပေမယ့် ကျနော်တို့ အကြမ်းဖျဉ်း သူတို့နဲ့ ပေါင်းလုပ်တဲ့အခါကျတော့ ၃၀ ရာခိုင်နှုန်း လောက် စိစစ်ပြီးတဲ့ အနေအထားမျိုးရှိပါတယ်။ ဒါတွေက အခုမှမဟုတ်ဘူး။ အမြဲရှိခဲ့တယ်။ ဒါမယ့် အစိုးရသစ်တက်တဲ့အခါ ဒါလေးကို နည်းနည်းလေးအသားပေးလုပ်လာတဲ့ အနေအထားမျိုးပါပဲ။ နည်းနည်းလေး တိုက်တိုက်တွန်းတွန်းလုပ်လာတဲ့ အနေအထားမျိုးလို့ ကျနော် သတိထားမိပါတယ်"

ပြန်လည်ခေါ်ယူဖို့ အမေရိကန်အစိုးရဘက်က ပေးပို့သူအမည်စာရင်းကို မြန်မာအစိုးရက နိုင်ငံသားဟုတ်မဟုတ် စိစစ်နေပြီး မြန်မာနိုင်ငံသားမှန်ကန်တယ်ဆိုရင် ပြန်ခေါ်မှာဖြစ်ကြောင်းပြောကြားထားသလို တချို့စိစစ်ပြီး မြန်မာနိုင်ငံသား မှန်ကန်သူတွေကို Certificate of Identity (CI) ထုတ်ပေးထားတယ်လို့ ပြောပါတယ်။

ပေးပို့တဲ့ စာရင်းမှာပါဝင်သူတချို့ရဲ့ အရင်နေထိုင်ခဲ့တဲ့ နေရပ်လိပ်စာတွေကို သွားရောက် စစ်ဆေးရာမှာ အချက်အလက်မှားယွင်းမှုတွေ ရှိနေတာတွေရှိပြီး အချက်အလက်မှန်မှန်ကန်ကန် ပေးပို့ဖို့လည်း မြန်မာအစိုးရက တောင်းဆိုထားတယ်လို့ ပြောပါတယ်။

အမေရိကန်အစိုးရဘက်က ပြန်ပို့မယ့်သူစာရင်းကို လက်ခံမှုမရှိရင် အမေရိကန်က ပြဌာန်းထားတဲ့ ပူးပေါင်းဆောင်ရွက်မှုမရှိတဲ့နိုင်ငံစာရင်းမှာ မြန်မာနိုင်ငံကို ထည့်သွင်းမယ်လို့ အမေရိကန်ဘက်က အလွတ် သဘော ပြောဆိုထားတာတွေရှိတယ်လို့လည်း နိုင်ငံခြားရေးဝန်ကြီးဌာန အမြဲတမ်းအတွင်းဝန် ဦးကျော်ဇေယျ ကပြောပါတယ်။

ပူးပေါင်းဆောင်ရွက်မှုမရှိတဲ့ နိုင်ငံစာရင်းဝင်ရောက်သွားတဲ့အခါ မြန်မာနိုင်ငံသားတွေအနေနဲ့ အမေရိကန်ကို သွားရောက်ဖို့ ဗီဇာလျှောက်ထားရာမှာ အခက်အခဲဖြစ်လာနိုင်ချေ ရှိနေပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ