အိန္ဒိယတွင် ကွန်တိန်နာအတွင်း အိပ်ပျော်နေသော အမျိုးသား ၆ ဦး အသက်ရှုကျပ်၍ သေဆုံး

အိန္ဒိယနိုင်ငံရှိ ကွန်တိနာတစ်စီးအား တွေ့ရစဉ် (ဓာတ်ပုံ-အင်တာနက်)
နယူးဒေလီ၊ နိုဝင်ဘာ ၂၉ ရက် (ဆင်ဟွာ)

    အိန္ဒိယနိုင်ငံ မြို့တော် နယူးဒေလီတွင် ကွန်တိန်နာကြီး တစ်ခုအတွင်း အိပ်ပျော်နေရင်း အသက်ရှုကျပ်ကာ အမျိုးသား ၆ ဦး သေဆုံးခဲ့ကြောင်း ရဲတပ်ဖွဲ့က နိုဝင်ဘာလ ၂၉ ရက်က ပြောကြားခဲ့သည်။

“သေဆုံးသူ အမျိုးသားတွေက စားသောက်ပွဲအတွက် လုပ်ကိုင်နေသူတွေဖြစ်ပြီး ကျောက်မီးသွေး မီးဖို တစ်ခုရှိတဲ့ ကွန်တိန်နာကြီးထဲမှာ အိပ်ပျော်နေကြတာပါ” ဟု ရဲအရာရှိ တစ်ဦးက ပြောသည်။

ယခုလို လူသေဆုံးမှုသည် ယင်းမြို့၏ တပ်ပိုင်နယ်မြေတွင် ဖြစ်ပွားခဲ့ခြင်း ဖြစ်သည်။ ထိုနယ်မြေအတွင်း၌ မင်္ဂလာဆောင်ပွဲ ကျင်းပရန် အစားအသောက်ပြင်ဆင်ရန်အတွက် လာရောက်သူများ ဖြစ်ကြောင်း သိရသည်။

“တနင်္လာနေ့ (နိုဝင်ဘာလ ၂၇ ရက်) ညက အလုပ်တွေပြီးလို့ အလုပ်သမားတွေက ကွန်တိန်နာထဲမှာ မီးဖိုဆောင်သုံးပစ္စည်းတွေထားတဲ့ ကွန်တိန်နာအတွင်းမှာ အိပ်ပျော်နေကြတာပါ” ဟု အဆိုပါ အရာရှိက ပြောကြားခဲ့သည်။

“အင်္ဂါနေ့ (နိုဝင်ဘာလ ၂၈ ရက်) မှာ သူတို့ရဲ့ ကြီးကြပ်သူက သွားပြီးနှိုးတော့ သူတို့ဆီက ဘာတုံ့ပြန်မှုမှ မရတော့တဲ့အတွက် ရဲတပ်ဖွဲ့ကို သတင်းပို့ခဲ့ပါတယ်” ဟု ဆိုသည်။

၎င်း ၆ ဦးအား Deen Dayal Upadhyay ဆေးရုံသို့ ချက်ချင်း ရွှေ့ပြောင်းခဲ့သော်လည်း ၄ ဦးမှာ သေဆုံးနေပြီဖြစ်ကြောင်း၊ ကျန် ၂ ဦးမှာလည်း သတိမေ့လျက်ရှိကာ နိုဝင်ဘာလ ၂၈ ရက် ညနေပိုင်းတွင် ဆေးရုံ၌ သေဆုံးသွားခဲ့ကြောင်း ရဲတပ်ဖွဲ့က ပြောကြားခဲ့သည်။

သေဆုံးသွားသူများမှာ ဥတာပရာဒတ်ရ်ှပြည်နယ် Gorakhpur ခရိုင်တွင် နေထိုင်သူများဖြစ်ကြောင်း သိရသည်။

(Xinhua)
http://www.xinhuamyanmar.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ