မန္တ္တလေးမြို့တွင် ခရီးသည်များထံမှ အုပ်စုဖွဲ့အနိုင်ကျင့်၍ ငွေတောင်းခံနေသောအုပ်စုမှ တစ်ဦးအား နိုဝင်ဘာလ ၇ ရက် နံနက်ပိုင်းက သီရိမန္တလာကားကြီးကွင်း၌ ဖမ်းဆီးရမိကြောင်း စည်ပင်သာယာရဲတပ်ဖွဲ့(မန္တ္တလေး)မှ သိရသည်။
ဖြစ်စဉ်မှာ နိုဝင်ဘာ ၇ ရက် နံနက် ၅:၄၅နာရီအချိန်ခန့်က မူဆယ်မြို့မှ မန္တလေးမြို့ သီရိမန္တလာကားကြီးကွင်းသို့ ရောက်ရှိလာသော ခရီးသည် ဦးအောင်ကျော်မိုးနှင့်အဖွဲ့(၇ ဦး) သည် သပိတ်ကျင်းမြို့နယ်၊ တွင်းငယ်ကျေးရွာသို့ပြန်ရန် ကားလက်မှတ်စုံစမ်းစဉ် သီရိမန္တလာကားကြီးကွင်းရှေ့၌ ဆိုင်ကယ်ကယ်ရီမောင်းသူ စိုင်းမောင်(ခ) စိုးထိုက်အောင်နှင့် မန်းဝင်း(စီစစ်ဆဲ)တို့က Light Ace ကားအဖြူဖြင့် ဂိတ်ကိုလိုက်ပို့မည်ဟုဆိုကာ ၃၁ လမ်းနှင့် ၇၇ လမ်းထောင့်ရှိ တရားမဝင်လက်မှတ် အရောင်းဆိုင်သို့ခေါ်ဆောင်ကာ အငှားကားခ တစ်ဦးလျှင် ၁၀၀၀၀ ကျပ်ဖြင့် အသွားအပြန် ၁၄၀၀၀၀ ကျပ်၊ ကားလက်မှတ်ခ တစ်ဦးလျှင် ၅၅၀၀ ကျပ်ဖြင့် ၇ဦးစာ ၃၈၅၀၀ ကျပ်အား အတင်းအကြပ် တောင်းယူအပြီး မန်းဝင်းဆိုသူကလည်း ခရီးသည် ဦးအောင်ကျာ်မိုး၏ အိတ်အတွင်းမှ ၄၀၀၀ ကျပ်ကို အဓမ္မယူဆောင်သွားကြခြင်းဖြစ်သည်။
အဆိုပါဖြစ်စဉ်အား သီရိမန္တလာကားကြီးကွင်း စည်းကမ်းထိန်းသိမ်းရေးကော်မတီသို့ ခရီးသည်များက လာရောက်တိုင်ကြားရာ စည်ပင်သာယာရဲတပ်ဖွဲ့(မန္တ္တလေး)မှ တပ်ဖွဲ့ဝင်များက ကျူးလွန်သူများအား စုံစမ်းရှာဖွယ်ရာ သီရိမန္တလာကားကြီးကွင်း ဝင်ပေါက်အနီး၌ တွေ့ရှိဖမ်းဆီးရမိကာ ဥပဒေအရအရေးယူနိုင်ရန် အမှတ် ၈ ရဲစခန်းသို့ ပို့အပ်ခဲ့သည်။
မန္တလေးမြို့တော်စည်ပင်သာယာရေးကော်မတီသည် တရားမဝင်ကားဂိတ်ဖွင့်လှစ်၍ လက်မှတ်များ ရောင်းချနေသည့် ဂိတ်များကို နိုဝင်ဘာလ ၄ ရက်မှစတင်၍ အရေးယူဆောင်ရွက်လျှက်ရှိရာ ဂိတ် ၆ ခုကို စည်ပင်သာယာ ဥပဒေပုဒ်မ ၁၁၆ ဖြင့် အရေးယူဆောင်ရွက်နေကြောင်း စည်ပင်သာယာရဲတပ်ဖွဲ့(မန္တလေး)မှ သိရသည်။
ကျော်ထူး
The Mandalay News Journal
https://www.facebook.com/TheMandalayNewsJournal
ခရီးသည်များထံမှ အုပ်စုဖွဲ့အနိုင်ကျင့် ငွေတောင်းခံနေသောအုပ်စုမှ တစ်ဦး ဖမ်းဆီးရမိ
Reviewed by THITHTOOLWIN
on
15:33
Rating: