မြသိန်းတန်ဘုရားပွဲအပြန် ကား တိုက်မိ တိမ်းမှောက် ၃ ဦးသေ၊ ၁၅ဦး ဒဏ်ရာရ

ဓါတ်ပုံ - Tin Htun Win (FB)

 စစ်ကိုင်းတိုင်းဒေသကြီး ကလေးမြို့  ကလေး-တမူးကားလမ်း မိုင်တိုင်(၁၇/၁၈) စခန်းကြီးကျေးရွာအနီး လမ်းဘေးတွင် နိုဝင်ဘာလ ၃ ရက်နေ့ နေ့ လည် ၂ နာရီခွဲ ခန့် က ကထိန်အလှူကပြန်လာတဲ့ ဒိုင်နာယာဉ်တစ်စီး လမ်းဘေးမှာ လမ်းလျှောက်လာတဲ့ လူသုံးဦးကို တိုက်မိ၊ တိမ်းမှောက်မှုဖြစ်ပွားကာ လူ ၃ ဦးသေ၊ ၁၅ဦး ဒဏ်ရာရရှိခဲ့ကြောင်း ပြည်ထဲရေးဝန်ကြီးဌာန သတင်းထုတ်ပြန်ချက်အရ သိရပါတယ်။

ကံကြီးကျေးရွာ မြသိန်းတန်ကထိန်ဘုရားပွဲမှအပြန် ဝင်းကို(၂၂)နှစ် မောင်းနှင်လာတဲ့ 4H-xxxx ဒိုင်နာယာဉ်ဟာ ကလေး-တမူးကားလမ်း မိုင်တိုင်(၁၇/၁၈) စခန်းကြီးကျေးရွာအနီး လမ်းဘေးမှာ လမ်းလျှောက်နေတဲ့  ဒေါ်စန်းဌေး(၄၅)နှစ် အပါအ၀င် အမျိုးသမီးနှစ်ဦးနဲ့ အမျိုးသားတစ်ဦးကို အရှိန်မထိန်းနိုင်ဘဲ ဝင်ရောက်တိုက်မိ ယာဉ်တိမ်းမှောက်ခဲ့တာ ဖြစ်ကြောင်း သိရပါတယ်။

ဓါတ်ပုံ - Tin Htun Win (FB)

အဆိုပါယာဉ်တိုက်မိ တိမ်းမှောက်မှုကြောင့် လမ်းလျှောက်နေသူ ၃ ဦး၊ ဦးနှောက်ပွင့်ထွက်၊ ဝမ်းဗိုက် ပေါက်ပြဲဒဏ်ရာများနဲ့ အခင်းဖြစ်နေရာမှာ သေဆုံးခဲ့ပြီး ယာဉ်ပေါ်ပါ ၁၅ဦးမှာ ဖူးရောင်ပေါက်ပြဲ ဒဏ်ရာများရရှိခဲ့တာကြောင့် ကလေးမြို့ ပြည်သူ့ဆေးရုံသို့ ပို့ဆောင်ခဲ့ကြောင်း သိရပါတယ်။

ယာဉ်တိုက် တိမ်းမှောက်မှုကြောင့် ယာဉ်မောင်း (ဖမ်းမမိ)ကို ကလေးမြို့မရဲစခန်းမှ ယာဉ်(ပ)၉၆/၂၀၁၇၊ ရာဇသတ်ကြီး ပုဒ်မ ၃၀၄-က/၃၃၈/၃၃၇ (ပေါ့လျော့မှုကြောင့် လူသေမှု/ ပြင်းထန်/ သာမန် နာကျင်စေမှု)နဲ့  အမှုဖွင့် စစ်ဆေးလျက်ရှိကြောင်း သိရပါတယ်။

သစ်ထူးလွင်