နောင်ချိုတောင်သူဦးကြီး ရိုက်သတ်ခံရမှု အမျိုးသားရင်ကြားစေ့ရေးကို ထိခိုက်နိုင်သည်ဟု တောင်သူလယ်သမား ကွန်ယက်ပြော


သျှမ်းပြည်မြောက်ပိုင်း နောင်ချိုမြို့နယ်တွင်ဖြစ်ပွါးခဲ့သော တောင်သူလယ်သမားကွန်ယက်မှ တောင်သူဦးကြီးဦးဌေးအောင်ရိုက်နှက်ခံရမှုနှင့်ပတ်သက်ပြီး လျင်မြန်မဖြေရှင်းပေးပါက ငြိမ်းချမ်းရေး၊ အမျိုးသားရင်ကြားစေ့ရေးလုပ်ငန်းစဉ်များအား ထိခိုက်စေနိုင်ကြောင်း တောင်သူလယ်သမားများကွန်ယက်က ဦးဇော်ရမ်းက သျှမ်းသံတော်ဆင့်အားပြောသည်။

“ဒီကိစ္စ နိုင်ငံတော်သမ္မတဆီ စာတင်မယ်။ သျှမ်းပြည်နယ်အစိုးရကိုစာတင်မယ်။ လူတွေကိုထိခိုက်သေကြေ အောင်လုပ်တယ်။ တိုင်းရင်းသားဒေသမှာဒါတွေမဖြစ်သင့်ဘူး ။ ဒီလိုတွေက ငြိမ်းချမ်းရေး၊ အမျိုးသားရင်ကြား စေ့ရေး ကိုထိခိုက်စေတယ်။ အသင်းအဖွဲ့ ဖွဲ့စည်းခွင့် တွေကိုထိခိုက်စေတယ်။ လူ့အခွင့်အရေးအတွက်လှုပ်ရှား မှု ဒါကနောင်မလုပ်ရဲအောင် ခြိမ်းခြောက်လိုက်တဲ့သဘောဖြစ်တယ်။ ဒါကြောင့် ဒီကိစ္စတရားမျှတစွာဖြေရှင်းနိုင် ရေးအတွက် သျှမ်းပြည်နယ်အစိုးရနဲ့လည်း ဆွေးနွေးပြီးပြီ။ SNLD ပါတီနဲ့လည်းကျနော်တို့ ဖုန်းဆက်စကားပြောဆွေးနွေးပြီးပြီ။” ဟု ဦးဇော်ရမ်းကပြောသည်။


လယ်မြေဧက ၄၀၀ ခန့်အသိမ်းခံရသော ပါဟဲရွာမှ ရွာသား ဦးဌေးအောင်သည် နောင်ချိုမြို့ ကုန်ကြီးကျေးရွာအုပ်စုအတွင်း ၁၉၉၀ ခုနှစ်ကတည်းကဖြစ်ပွါးလာသော လယ်ယာမြေသိမ်းဆည်းခံရရေး၊ တောင်သူလယ်သမားများအခွင့်အရေးအတွက် အစဉ်လှုပ်ရှားလာသူတဦးဖြစ်သည်။

ထိုစဉ်က လက်နက်ချက် PSLF အဖွဲ့အတွက် စစ်တပ်ကသိမ်းယူပေးသော ပါဟဲရွာသားများ၏ လယ်ယာမြေ ၄၀၀ ကျော်အား ခြံလုပ်ငန်းလုပ်ကိုင်စေသည်။ ခြံလုပ်ငန်းမအောင်မြင်သောကြောင့် ၁၉၉၅ ခုနှစ်က စစ်တပ်က အဆိုပါ မြေနေရာသို့ ပြန်ယူကာတပ်စခန်းစိုက်နေထိုင်သည်။ စစ်တပ်ပြန်ဆုတ်သွားသောအခါ အဆိုပါလယ်ယာမြေများကို ပိုင်ရှင်လယ်သမားများလက်ထဲပြန်မအပ်ပေးဘဲ ငွေရှင်များဖြစ်သည့် ဆင်းရွှေလီ၊ ငွေရည်ပုလဲသကြားစက်ရုံအတွက် ကုန်ကြမ်း (ကြံ) စိုက်ပျိုးပေးရန် ပါဟဲရွာအနီး ပလောင်ကုန်းရွာသားများအား စိုက်ခွင့်ပေးလိုက်ကြောင်းသိရသည်။

အဆိုပါမြေယာ ဧက ၄၀၀ ကျော်အား ပိုင်ရှင်လယ်သမားများလက်ထဲပြန်အပ်ပေးရန် ဦးဌေးအောင် ဦးဆောင်သည့် ပါဟဲရွာသားများက အစဉ်တောင်းဆိုလာခဲ့ရာ အောက်တိုဘာလ ၂၈ ရက်နေ့တွင် ဦးဌေးအောင်ရိုက်နှက်ခံရချိန်အထိဖြစ်ကြောင်း တောင်သူလယ်သမားများ သမဂ္ဂမှ ဦးဇော်ရမ်းက သျှမ်းသံတော်ဆင့်အားပြောပြပါသည်။

“၂၈ ရက်နေ့တုန်းက ကုန်းကြီးအုပ်စု ရာအိမ်မှူး ဦးဝင်းလှိုင်က ဦးဌေးအောင်ကိုဖုန်းဆက်ခေါ်တယ်။ မြေယာတွေကြည့်ရှုစစ်ဆေးဖို့ ဆင်းရွှေလီ ငွေရည်ပုလဲသကြားစက်အနောက်ဘက်က လယ်ယာမြေမှာတွေ့ဖို့ချိန်းတယ်။ ဦးဌေးအောင်ရောက်သွားတော့ လူ ၂၀ လောက်က ၀ိုင်းရိုက်တာ ။ ဦးဌေးအောင်နဲ့ပါသွားတဲ့ မြင့်ဦးနဲ့ သန်းထွန်းကတော့ ထွက်ပြေးလို့လွှတ်သွားတယ်။ ဦးဌေးအောင်ကိုမန်းတလေးဆေးရုံပို့တယ်။ ၁ ရက်နေ့မှာသေသွားတယ်။ ” – ဟုလည်း အမျိုးသမီးအဖွဲ့မှဒေါ်နော်အုန်းလှက ပြောသည်။

ဦးဌေးအောင်အားရိုက်နှက်သူ အယောက် ၂၀ ခန့်အနက် လက်ရှိတွင် ပလောင်ကုန်းရွာသား အိုက်ကျော်၊ ကျော်ဇင်လတ်၊ နော်ငင်း တို့ ၃ ယောက်အား ဘန့်ဘွေးရဲကဖမ်းဆီးထားကြောင်း၊ ဦးဌေးအောင်ကိုဖုန်းဆက်ချိန်းချက်ပြုသော ရာအိမ်မှူးကိုတော့မဖမ်းသေးဟု ဒေါ်နော်အုန်းလှကပြောသည်။

လီဆူအမျိုးသား ဦးဌေးအောင်နှင့် ဇနီး ပလောင်အမျိုးသမီး ဒေါ်အေးစိန်တို့တွင် သားသမီး ၄ ဦးထွန်းကားခဲ့သည်။ အကြီးဆုံးသားမှာ ၁၀ နှစ်ကျော်သာရှိပြီး လူမမယ်သမီးလေး ၃ ဦးမှာ မူလတန်းတွင်သာပညာသင်ယူနေဆဲဖြစ်သည်။

သျှမ်းသံတော်ဆင့်
http://burmese.panglong.org

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ