ဌာနပိုင်ဂိုဒေါင်ထဲက ပစ္စည်းခိုးထုတ် တဲ့ ထွေအုပ်ဝန်ထမ်းတွေကို အမှုဖွင့်

မင်းဘူးမြို့အဝင် ဆိုင်းပုဒ်ကို တွေ့ရစဉ်
မင်းဘူးမြို့နယ် အထွေထွေအုပ်ချုပ်ရေးဦးစီးဌာနပိုင် ဂိုဒေါင်အတွင်းက ပစ္စည်းတွေကို သယ်ထုတ်ခဲ့တဲ့ မင်းဘူး ခရိုင်ထွေအုပ်ရုံးက ဌာနခွဲစာရေးကြီး နှစ်ဦးအပါအဝင် ၄ ဦးကို ခိုးမှုနဲ့ အမှုဖွင့်ထားတယ်လို့ မင်းဘူးမြို့မရဲစခန်းက စခန်းမှူး ကပြောပါတယ်။

ပြီးခဲ့တဲ့ အောက်တိုဘာလ ၃၁ ရက်နေ့ညက မင်းဘူးမြို့နယ် ထွေအုပ်ရုံးပိုင် ဂိုဒေါင်အတွင်းကနေ ပီနန်အိတ်တွေနဲ့ ပစ္စည်းတွေကို လိုက်ထရပ်ကားနဲ့ သယ်လာတာတွေ့လို့ မြို့ ခံတစ်ဦးက ကားကို တားဆီးကာ ရဲစခန်းကို တိုင်ကြားခဲ့တာဖြစ်တယ်လို့ မင်းဘူးမြို့မရဲစခန်းက စခန်းမှူး ဒုရဲမှူးမြင့်ဇော် ကပြောပါတယ်။

"ကျနော်တို့ ဒီမင်းဘူးမြို့မှာနေတဲ့ ကိုနေဝင်းဆိုသူက ဒီသတင်းကြားတော့ သူတို့ဘာသာသူတို့ ဖမ်းလာတာ ဖမ်းပြီးတော့မှ ရဲကိုလှမ်းအကြောင်းကြားတာ၊သူတို့ကိုယ်တိုင်ပဲ တရားလိုလုပ်တာပါ၊ စုစုပေါင်းလေးဦးပေါ့၊ လေးဦးမှာ လောလောဆယ် တစ်ယောက်ကတော့ မမိသေးဘူးပေါ့လေ၊ သုံးဦးမှာ နှစ်ဦးကတော့ ဒီမင်းဘူး ခရက (ခရိုင်အထွေထွေအုပ်ချုပ်ရေးမှူးရုံး)က စာရေးကြီးတွေပေါ့၊ ဌာနခွဲစာရေးကြီးတွေပေါ့၊ တစ်ယောက်ကတော့ အရပ်သားပါ၊ ကားပိုင်ရှင်က အရပ်သား၊ သူကတော့ ကားငှားလို့ လိုက်တာပေါ့၊ ထွက်ပြေးတဲ့သူက ယာဉ်မောင်းပေါ့"

ပစ္စည်းတွေ ထုတ်ယူခဲ့တဲ့ ဂိုဒေါင်ဟာ ဌာနက အသုံးမပြုတော့တဲ့ ဂိုဒေါင်ဟောင်းဆိုပြီး မြို့နယ်ထွေအုပ်ရုံး တာဝန်ရှိသူဆီကနေ သိထားရတယ်လို့ ဒုရဲမှူး မြင့်ဇော် က ပြောပါတယ်။

လိုက်ထရပ်ကားပေါ်က ပီနန်အိတ်ထဲမှာ အ၀တ်အစားတွေ၊ သင်္ကန်းတွေကိုနဲ့ ဆန်အိတ်တွေ၊ အသုံးအဆောင် ပစ္စည်းတွေကိုပါ တွေ့ရှိခဲ့တာဖြစ်ပါတယ်။

ဒီအမှုကို လက်ရှိအချိန်မှာတော့ ပုဒ်မ ၃၈၀(ခိုးမှု) နဲ့ အမှုဖွင့်ပြီး စစ်ဆေးနေတယ်လို့ မင်းဘူးမြို့မရဲစခန်းက သိရပါတယ်။

စစ်ဆေးတွေ့ရှိတဲ့ပစ္စည်းတွေက ရေဘေးကယ်ဆယ်ရေးပစ္စည်းတွေလို စစ်ဆေးတွေ့ရှိရတဲ့အတွက် သက်ဆိုင်ရာ ဥပဒေအရာရှိဆီမှာ ဥပဒေပိုင်းအရ အကြံဥာဏ်တောင်းခံထားပြီး တရားစွဲဆိုတဲ့အခါမှာတော့ လက်ရှိဖွင့်ထားတဲ့ ပုဒ်မပြောင်းလဲသွားနိုင်တယ်လို့ ဒုရဲမှူး ဦးမြင့်ဇော် ကပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ