အုတ်ဖို၊ နိုဝင်ဘာ ၁၃။
ပဲခူးတိုင်းဒေသကြီး၊ အနောက်ပိုင်း၊ အုတ်ဖိုမြို့တွင် ယနေ့၊ နိုဝင်ဘာလ ၁၃ ရက် မနက် ၁၁ နာရီက ခြောက်လုံးပြူးတစ်လက် နှင့် ကျည်ဆန်လေးထောင့်ကို ရိုးအတွင်း ငါးဖမ်းနေသည့် ကလေး နှစ်ဦးက ရှာဖွေတွေ့ရှိခဲ့ကြောင်း အုတ်ဖိုမြို့မ ရဲစခန်းမှ တာဝန်ကျရဲဝန်ထမ်းတစ်ဦးက AHN သို့ပြောသည်။
“ အုတ်ဖိုမြို့တောင်ဘက် တစ်မိုင်ခန့်အကွာ၊ သိမ်ကျောင်းရိုးအတွင်း ငါး မမ်းနေတဲ့ အသက် ၉ နှစ် (ယောက်ကျားလေး) နဲ့ အသက် ၆ နှစ် ( မိန်းကလေး) နှစ်ယောက်က ပလပ်စတစ် အိတ် နဲ့ထည့်ထားတဲ့၊ လုပ်သေနတ် ခြောက်လုံးပြူး (တစ်ထောင့်ထိုး၊ နံပါတ် မပါ) တစ်လက်၊ ၉မမ ကျည် နှစ်တောင့်၊ .၃၈ ကျည်တစ်ထောင့်၊ . ၃၀ ကာဘိုင် ကျည်တစ်ထောင့်၊ စုစုပေါင်း သေနတ်တစ်လက်၊ ကျည် လေးထောင့် တို့ကို တွေ့ရှိခဲ့ပါတယ်။
ကလေးတွေက သေနတ် နဲ့ကျည်ဆန်ကို သူ့တို့ အဖေဆီအပ်ပါတယ်။ ကလေးတွေရဲ့ဖခင်က ကွေ့ချောင်း ရပ်ကွက် အုပ်ချုပ်ရေးမှူးကို အပ်ပါတယ်။ ရပ်ကွက် အုပ်ချုပ်ရေးမှူးက ကျွန်တေ်ာ တို့ ရဲစခန်းကို ဒီနေ့ နေ့လယ် ၁၂း၄၅ မှာလာရောက်အပ်နှံပါတယ် “ ဟု ၄င်းကပြောသည်။
ကိုဖိုးစံ( သာယာဝတီ)
PHOTO - KPS
The Asia Heart News
အုတ်ဖိုမြို့တွင် သေနတ်နှင့် ကျည်ဆန်များကို ငါးဖမ်းနေသည့် ကလေး ငယ် နှစ်ဦးကတွေ့ရှိ
Reviewed by THITHTOOLWIN
on
17:32
Rating: