ရန်ကုန်တန်ဆောင်တိုင်ပွဲတော် အလှူအတန်းများနဲ့စည်ကား


ဒီကနေ့တန်ဆောင်မုန်းလပြည့်နေ့ဟာ ဗုဒ္ဓဘာသာဝင်တွေအတွက် ဘာသာရေးအရ အထွဋ်အမြတ်နေ့ဖြစ်တာနဲ့အတူ မြန်မာနိုင်ငံတဝန်းမှာ အလှူ အတန်းတွေပြုလုပ်နေကြ ပါတယ်။ ရန်ကုန်မြို့အပါအဝင် မြို့တိုင်းလိုလိုမှာ စတုဒီသာကျွေးပွဲတွေ။ တန်ဆောင်တိုင်မီးထွန်းပွဲတော်တွေ။ နိဗ္ဗာန်ဈေး ပျော်ပွဲရွှင်ပွဲတွေကို ကျင်းပနေပါတယ်။ မြန်မာ့ရိုးရာဓလေ့နဲ့အညီကျင်းပကြတဲ့ တန်ဆောင်တိုင်ပွဲတော် အကြောင်းကို ဗွီအိုအေမြန်မာပိုင်းသတင်းထောက် ကိုထက်အောင်ခန့်က တင်ပြပေးပါမယ်။

ဒီကနေ့နိုဝင်ဘာ ၃ ရက်နေ့မှာကျရောက်တဲ့တန်ဆောင်မုန်းလပြည့်နေ့ဟာ ဗုဒ္ဓဘာသာဝင် တို့ကောင်းမှုကုသိုလ်ပြုကြတဲ့ နေ့တနေ့ဖြစ်ပါတယ်။ ဝါတွင်း ၃ လကာလ ဝါဆိုရာက၀ါထွက်တဲ့ ရဟန်းသံဃာတွေအတွက် ကထိန်သင်္ကန်းကပ်လှူပွဲတွေကို မြန်မာတနိုင်ငံလုံး အနှံ့ကျင်းပကြပါတယ်။ ရွှေတိဂုံစေတီတော်အပါအဝင် စေတီတော်ကြီးတွေမှာ ညလုံးပေါက် မသိုးသင်္ကန်းတွေယက်လုပ်ပြီး တန်ဆောင်မုန်းလပြည့်နေ့မှာ ကပ်လှူကြပါတယ်။

ကထိန်သင်္ကန်းကပ်လှူတာအပြင် စတုဒီသာကျွေးမွေးပွဲတွေ။ တန်ဆောင်တိုင် မီးထွန်းပွဲတော်တွေ နိဗ္ဗာန်ဈေးပွဲတော်တွေကိုလည်း ပြုလုပ်ကြပါတယ်။ ရန်ကုန်မြို့မှာတော့အရင်နှစ်ကနဲ့မတူ တမူထူးခြားစွာ မြို့တော်ခန်းမရှေ့ မဟာဗန္ဓုလပန်းခြံမှာ တန်ဆောင်တိုင်မီးထွန်းပွဲတော်ကို ပထမဆုံးကျင်းပပြုလုပ်ပါတယ်။

တန်ဆောင်တိုင်ပွဲတော်ကို လုပ်လေ့ရှိတဲ့ ရန်ကုန်မြို့ လမ်းမတော်မြို့နယ်မှာဆိုရင်လည်း လမ်းမတော်ပွဲဈေးအပြင်။ ခေတ်အခြေအနေတွေကို ထင်ဟပ်သရော်ထားတဲ့ တကွက်ကာတွန်းပွဲတော်။ အဲဒီပွဲတော်ကတော့ နာမည်ကျော်ကာတွန်းဆရာကြီး ဦးဘဂျမ်းကို ဂုဏ်ပြုတဲ့အနေနဲ့ ဦးဘဂျမ်းကာတွန်းပွဲတော်ဖြစ်ပါတယ်။ လမ်းမတော်ပွဲဈေးမှာ ဒီနှစ်ထူးခြားတာက၁၀ နှစ်ကျော်လောက် မကျင်းပြဖြစ်ခဲ့တဲ့ အကပဒေသာ ပွဲတော်ကိုပြန်လည်ထည့်သွင်းထားတာဖြစ်တဲ့အကြောင်း ဒီနှစ် ထူးခြားမှုနဲ့ပါတ်သက်လို့ လမ်းမတော်မြို့နယ်မှာနေထိုင်တဲ့ကိုကျော်စိုးနိုင်က ပြောပါတယ်။

ရန်ကုန်မြို့မှာ ခုလို စည်စည်ကားကား ကျင်းပသလို ရှမ်းပြည်နယ်တောင်ကြီးမြို့မှာဆိုရင်လည်းရိုးရာပွဲတခုဖြစ်တဲ့ တောင်ကြီးမီးပုံးပျံပွဲကို တန်ဆောင်တိုင်ကာလမှာ ကျင်းပပါတယ်။ အနယ်နယ်အရပ်ရပ်ကနေ လူပေါင်း သိန်းချီလာရောက်ကြည့်ရှုသူတွေနဲ့ စည်းကားလျက်ရှိပါတယ်။ ရိုးရာဓလေ့ ဖြစ်တဲ့ မီးပုံးပျံပွဲဟာ မီးပုံးပျံပြုလုပ်သူတွေရဲ့ ကြိုးစားအားထုတ်မှု စည်းလုံးမှုတွေကို ပြသတဲ့ ပွဲဖြစ်တယ်လို့ ရန်ကုန်မြို့ကနေ သွားရောက်ကြည့်ရှုတဲ့ ကိုအောင်ဟိန်းစိုးကပြောပါတယ်။

တန်ဆောင်မုန်းလပြည့်နေ့ညပိုင်းမှာတော့ မြန်မာနိုင်ငံတဝန်းက တန်ခိုးကြိးစေတီပုထိုးဘုရားတွေမှာ ဆီမီး ၁ ထောင်ပူဇော်ပွဲတွေကိုလည်း ကျင်းပပါတယ်။ တန်ဆောင်မုန်းလပြည့်ညဟာ ဆေးပေါင်းခတဲ့ညဖြစ်တယ်လို့ ယုံကြည်ကြတဲ့အတွက် ဆေးဖက်ဝင် မယ်ဇလီဖူးသုတ်စားကြတဲ့ ဓလေ့ကလည်း မြန်မာလူမျိုးတွေရဲ့ ချစ်စရာကောင်းတဲ့ ဓလေ့တခု ဖြစ်ပါတယ်။

ထက်အောင်ခန့်  / ဗွီအိုအေ (မြန်မာပိုင်း)
https://burmese.voanews.com

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ