ထွက်ပြေးရာကနေ ပြန်လည်ဖမ်းမိထားတဲ့ အချုပ်သား ၃ ယောက်ကို အမှုဖွင့်အရေးယူ

စစ်ကိုင်းတိုင်းဒေသကြီးရဲ့ မြို့တော် မုံရွာမြို့ကို တွေ့ရစဉ်။ Photo: RFA
စစ်ကိုင်းတိုင်းဒေသကြီး မုံရွာမြို့နယ်တရားရုံး အချုပ်ကနေ ထွက်ပြေးသွားသူ ၇ ဦးထဲက ပြန်လည်ဖမ်းမိထားတဲ့ အချုပ်သား ၃ ယောက်ကို အချုပ်ဖောက်ထွက်ပြေးမှု ရာဇသတ်ကြီးပုဒ်မ ၂၂၄ နဲ့ အရေးယူထားတယ်လို့ မုံရွာမြို့ရဲစခန်းမှူး ဒုရဲမှူးကျင်စိန်က ပြောပါတယ်။

ထွက်ပြေးနေဆဲဖြစ်တဲ့ အချုပ်သား ၄ ယောက်ကို ရှာဖွေနေဆဲဖြစ်ပြီး ပြန်မိတဲ့ ၃ ယောက်ကို အချုပ်ခန်းထွက်ပြေးမှု နဲ့ အရေးယူထားတာဖြစ်တယ်လို့ ဒုရဲမှူးကျင်စိန်က ပြောပါတယ်။

"အဲဒါတော့ ကျနော်တို့ ရရှိတဲ့သတင်းတွေနဲ့ တောက်လျှောက်လိုက်ပြီးတော့ ဆက်စပ်နယ်မြေတွေနဲ့ ဆက်စပ်စခန်းတွေနဲ့ စုံစမ်းဖမ်းဆီးတုန်းပါပဲခင်ဗျ၊ သူတို့ကို ထပ်ပြီးအမှုဖွင့်ထားပါတယ်ခင်ဗျ၊ အဲဒီ ဖျက်ဖောက် ထွက်ပြေးမှုနဲ့ အရေးယူထားပါတယ်ခင်ဗျ၊ ၂၂၄ ပါဗျ၊ ရာဇသတ်ကြီး ပုဒ်မနော်။ အားလုံးပေါင်း ၇ ယောက်ပေါ့ဗျာ၊ ၃ ယောက်ပြန်မိတယ်ပေါ့။ အဲရှေ့က ၄ ယောက်ကနေပြီး သူတို့ကို ဆွယ်တာပေါ့။ လိုက်ပြေးရင်ပြေး ဘာညာနဲ့ သူတို့ကို ပြောလို့ လိုက်ပြေးရင်းနဲ့ နောက်ကျတော့ အဖမ်းခံရတာပေါ့။ အဲလို ပြောဆိုပါတယ်"

ထွက်ပြေးလွတ်မြောက်သွားတဲ့ အချုပ်သားတွေနဲ့ ပြန်ဖမ်းမိတဲ့ အချုပ်သားတွေဟာ မူးယစ်ဆေးဝါးအမှုတွေ၊ အဓမ္မပြုကျင့်မှု ပုဒ်မတွေနဲ့ တရားစွဲခံထားရသူတွေဖြစ်ပါတယ်။

အဲဒီအချုပ်သားတွေ ထွက်ပြေးသွားချိန်မှာ တာဝန်ကျတဲ့ ရဲတပ်သား ၄ ယောက်လည်း ထွက်ပြေးနေတယ်လို့ သတင်းတွေထွက်ပေါ်ပေမယ့် အဲဒီရဲတပ်သားတွေဟာ ခွင့်မဲ့ပျက်ကွက်နေပြီး ထွက်ပြေးသွားတယ်လို့ အတည်ပြုလို့ မရသေးကြောင်း ဒုရဲမှူးကျင်စိန်က ပြောပါတယ်။

RFA Burmese
http://www.rfa.org/burmese

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ