ရဲတပ်ဖွဲ့ဝင် ၄ ဦး အား လက်နက်ငယ်များဖြင့် ပစ်ခတ်တိုက်ခိုက်မှုနှင့်စပ်လျဉ်း၍ ဘင်္ဂလားဒေ့ရ်ှသို့ ကန့်ကွက်စာပေးပို့


နိုဝင်ဘာ ၆၊ ၂၀၁၇

နိုဝင်ဘာ ၅ ရက် ၊ ညနေ ၄ နာရီခွဲတွင် မောင်တောမြို့နယ်၊ နယ်စပ်မှတ်တိုင် ၄၅ နှင့် ၄၆ အကြား၌ လုံခြုံရေးတာဝန်ထမ်းဆောင်နေပြီး နယ်စပ်ခြံစည်းရိုးများအား လိုက်လံစစ်ဆေးနေသည့် ရဲတပ်ဖွဲ့ဝင် ၄ ဦး အား လက်နက်ငယ်များဖြင့် ပစ်ခတ်တိုက်ခိုက်ခဲ့မှုဖြစ်စဉ်နှင့်စပ်လျဉ်း၍ မြန်မာနိုင်ငံ ရဲတပ်ဖွဲ့ အမှတ် (၁) နယ်ခြားစောင့် ရဲကွပ်ကဲရေးမှူးကဘင်္ဂလားဒေ့ရ်ှနိုင်ငံ ၊ စစ်တကောင်းမြို့ အရှေ့တောင်ပိုင်း တိုင်းဒေသ ကွပ်ကဲမှု စစ်ဌာနချုပ် ဘင်္ဂလားဒေ့ရှ် နယ်ခြားစောင့်တပ် ဒေသကွပ်ကဲ ရေးမှူးထံ ကန့်ကွက် ကြောင်း အကြောင်းကြားစာကို နိုဝင်ဘာလ ၆ ရက်(ယနေ့) ရက်စွဲဖြင့် ပေးပို့ထားကြောင်း သိရသည်။

၂၀၁၇ ခုနှစ်၊ နိုဝင်ဘာလ ၅ ရက်နေ့ မြန်မာစံတော်ချိန် ၅ နာရီ ၄၅ မိနစ်တွင် နယ်စပ်မှတ်တိုင် ၄၅ ကင်းစခန်းတွင် တာဝန်ထမ်းဆောင်နေကြသည့် လုံခြုံရေးရဲတပ်ဖွဲ့ဝင်များမှ နယ်စပ်ခြံစည်းရိုးများအား လိုက်လံစစ်ဆေးနေစဉ် မိုင်တိုင် ၄၅ နှင့် ၄၆ အကြား အရောက်တွင် ဘင်္ဂလားဒေ့ရ်ှနိုင်ငံဘက်ခြမ်း ကိုက် ၁၀၀ အကွာခန့်ရှိ တောင်ကုန်းတစ်ခုပေါ်မှ လက်နက်ငယ်များဖြင့် အချက် ၂၀၊ ၃၀ ခန့် ပစ်ခတ်ခံခဲ့ရသည်။

သေနတ်ဖြင့် ပတ်ခတ်မှုကြောင့် မိမိတို့ တပ်ဖွဲ့ဝင်များ ထိခိုက်ဒဏ်ရာ ရရှိမှု မရှိသော်လည်း ဘင်္ဂလားဒေ့ရ်ှနိုင်ငံဘက်အခြမ်းမှ လက်နက်ကိုင်အဖွဲ့အစည်းများက ယခုကဲ့သို့ သေနတ်ဖြင့် ပစ်ခတ် ခြင်းသည် နှစ်နိုင်ငံ ချစ်ကြည်ရင်းနှီးမှု ရှိပြီးသား နယ်ခြားစောင့် ရဲတပ်ဖွဲ့ဝင်အချင်းချင်း ရေရှည် ဆက်ဆံရေး ထိခိုက်စေနိုင်သည့်အပြင် နိုင်ငံတကာ၏ ပြယုဂ်အတွက်လည်း မကောင်းနိုင်ပါကြောင်း၊ သို့ဖြစ်၍ နှစ်နိုင်ငံ ချစ်ကြည်ရင်းနှီးမှုကို ရှေးရှု၍လည်းကောင်း၊ နယ်ခြားစောင့် ရဲတပ်ဖွဲ့ဝင်အချင်းချင်း ရှိရင်းစွဲချစ်ကြည်ရင်းနှီးမှုအပေါ် အခြေခံ၍လည်းကောင်း ၊ ဘင်္ဂလားဒေ့ရ်ှနိုင်ငံဘက်မှ မိမိတို့ တပ်ဖွဲ့ဝင် များအား သေနတ်ဖြင့် ပစ်ခတ်ခဲ့သော လက်နက်ကိုင်များအား စိစစ်ဖော်ထုတ်ပေးနိုင်ပါရန်နှင့် နှစ်နိုင်ငံ အပြန်အလှန် သတင်းဖလှယ်၍ အခြေအနေ ပြန်ကြားပေးနိုင်ပါရန် အကြောင်းကြားစာပေးပို့ခဲ့ခြင်း ဖြစ်ကြောင်း သိရှိရသည်။

Information Committee
https://www.facebook.com/InfomationCommittee/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ

သတင်းစာနှင့် ဂျာနယ်များ