ကုမ္ပဏီပိုင်ငွေ သိန်း (၁၄၀၀)ကျော် ယူပြေးတဲ့ ယာဉ်မောင်း ဖမ်းမိ

မရမ်းကုန်းမြို့နယ်ရှိ KBZ ဘဏ်တွင် ငွေထုတ်ရန် ရောက်ရှိနေသော မော်တော်ယာဉ်ပေါ်မှ ကုမ္ပဏီပိုင်ငွေများကိုယူဆောင်ပြီး မော်တော်ယာဉ်နှင့်အတူ ထွက်ပြေးတိမ်းရှောင်နေသူအား သက်သေခံ ငွေများနှင့်အတူ ရန်ကုန်တိုင်းဒေသကြီးရဲတပ်ဖွဲ့က (၇) ရက်အတွင်းဖမ်းဆီးရမိ
ရန်ကုန်၊ အောက်တိုဘာ ၃၁

မရမ်းကုန်းမြို့နယ်ရှိ KBZ Bank (1) ဘဏ်တွင် ငွေထုတ်ရန်ရောက်ရှိ နေသော မော်တော်ယာဉ်ပေါ်မှ ကုမ္ပဏီပိုင်ငွေ ကျပ် ‎၁၄၁၄၇၆၈၀၀ ကို ခိုးယူထွက်ပြေးသည့် ကုမ္ပဏီဝန်ထမ်းယာဉ်မောင်းအား ရန်ကုန်တိုင်းဒေသကြီးရဲတပ်ဖွဲ့က (၇) ရက်အတွင်း ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ အောက်တိုဘာလ ၂၄ ရက်နေ့ နေ့လည် ၁၃၀၀ အချိန်ခန့်က Diamond Dragon Co.LTD မှ ငွေထိန်းဝန်ထမ်းဖြစ်သူ မယွန်းဖြူ နှင့် မဇင်မာလွင်တို့သည် ကုမ္ပဏီဝန်ထမ်းယာဉ်မောင်း ကျော်ဇင်ဦး (၃၀)နှစ်နှင့်အတူ ကုမ္ပဏီပိုင် မော်တော်ယာဉ် 5D/5693 ဖြင့် ကုန်သည်များမှ
စားအုန်းဆီဖိုးငွေအဖြစ် ပေးသွင်းထားသော ငွေများကိုဘဏ်များသို့ သွားရောက်ထုတ်ယူခဲ့ပြီး မရမ်းကုန်းမြို့နယ်၊ (၁)ရပ်ကွက်၊ ယုဇနလမ်းရှိ KBZ Bank (1) တွင် ငွေထုတ်ယူရန်ရောက်ရှိစဉ် အခြားဘဏ်များမှ ထုတ်ယူလာသော ငွေများကိုယာဉ်ပေါ်တွင်တင်ထားပြီး မယွန်းဖြူနှင့် မဇင်မာလွင်တို့က ဘဏ်အတွင်းသို့ ငွေများသွားရောက်ထုတ်ယူရာ ယာဉ်မောင်းကျော်ဇင်ဦးက ယာဉ်ပေါ်တွင်ထားရှိသော ငွေကျပ် ၁၄၁၄၇၆၈၀၀ ကို ယူဆောင်၍ ကုမ္ပဏီပိုင် မော်တော်ယာဉ် 5D/5693 ဖြင့် ထွက်ပြေးသွားသဖြင့် ဘုရင့်နောင်နယ်မြေရဲစခန်း (ပ) ၁၁၂၉/ ၂၀၁၇၊ ရာဇသတ်ကြီးပုဒ်မ ၃၈၁ ဖြင့် အမှုဖွင့်စုံစမ်းဆောင်ရွက်ခဲ့ပါသည်။


အမှုမှ ပြစ်မှုကျူးလွန်သူ မောင်းနှင်ထွက်ပြေးသွားသော မော်တော်ယာဉ် အမှတ် 5D/5693 Toyota Wish ကို အမြန်ဆုံး ဖမ်းဆီးရမိရေး အတွက် တိုင်းဒေသကြီးရဲတပ်ဖွဲ့မှူးက အနီးကပ်တိုက်ရိုက်ကြီးကြပ်ကာ ခရိုင်မြို့နယ် အသီးသီးသို့ပိတ်ဆို့ဖမ်းဆီးရန် ညွန်ကြားခဲ့သဖြင့် အောက်တိုဘာ ၂၄ ရက်နေ့ ၁၉၃၀ အချိန်တွင် ပြစ်မှုကျူးလွန်သူ ကျော်ဇင်ဦး ခိုးယူမောင်းနှင် သွားသော 5D/5693 Toyota Wish မော်တော်ယာဉ်ကို အင်းစိန်မြို့နယ်၊ ရွှေပြည်သာတံတားအဆင်းနှင့် ၁၄ လမ်းဆုံကြားရှိ မြဧယာတိုက်တန်းရှေ့တွင် ရပ်ထားကြောင်းတွေ့ရှိ သိမ်းဆည်းရရှိခဲ့ပြီး ကျော်ဇင်ဦးမှာငွေများနှင့်အတူ ထွက်ပြေးတိမ်းရှောင်သွားခဲ့ပါသည်။


ထွက်ပြေးတိမ်းရှောင်နေသူ ကျော်ဇင်ဦးအား အမြန်ဆုံး ဖမ်းဆီးရမိရေးအတွက် နေထိုင်သွားလာတတ်သော နေရာများသို့ သွားရောက်စုံစမ်းခြင်း၊ ရန်ကုန်မြို့အတွင်း ပိတ်ဆုိ့ရှာဖွေခဲ့ခြင်း၊ ကျော်ဇင်ဦး သွားရောက်နိုင်သည့်နေရာများရှိ သက်ဆိုင်ရာ တိုင်းဒေသကြီး/ ပြည်နယ် ရဲတပ်ဖွဲ့များနှင့် ဆက်သွယ်ဆောင်ရွက်ခြင်း၊ ပြစ်မှုကျူးလွန်သူ ကျော်ဇင်ဦး၏ ဓာတ်ပုံကိုဖော်ပြ၍ ဖမ်းဆီးရမိရေးအတွက် အသိပေးကြော်ငြာခြင်းတို့ကို ဆောင်ရွက်ခဲ့သည့်အပြင် ရန်ကုန်တိုင်းဒေသကြီးရဲတပ်ဖွဲ့၏ အစီအမံဖြင့် မှုခင်းအကူဌာနစုမှတပ်ဖွဲ့ဝင်များက သတင်းကွင်းဆက်မပြတ်စေရေး
အတွက် စဉ်ဆက်မပြတ်စုံစမ်းဆောင်ရွက်ခဲ့ရာ ပြစ်မှုကျူးလွန်သူကျော်ဇင်ဦးသည် လှိုင်သာယာမြို့နယ်၊ ရေဥက္ကံကျေးရွာအုပ်စု၊ စက်မှုဇုံ(၃)၊ ဗန်းမော်အတွင်းဝန်လမ်း၊ တိုက်(၂)၊ အခန်း(၁)ရှိ ဒေါ်မြမြဦးအဆောင်တွင် ငှားရမ်းနေထိုင်နေကြောင်း စုံစမ်းသိရှိရပြီး ကျော်ဇင်ဦးမှာ အဆောင်တွင်မရှိဘဲ သော့ခတ်ပိတ်ထားသဖြင့် ရဲတပ်ဖွဲ့ဝင်များက နေ့ညမပြတ်လျှို့ဝှက်စွာစောင့်ကြည့်လျက်ရှိစဉ် အောက်တိုဘာ ၃၁ ရက်နေ့ နံနက် ၀၅၀၅ အချိန်တွင် ၎င်းငှားရမ်းနေထိုင်သည့်အဆောင်သို့ပြန်လာသဖြင့် အဆောင်ရှေ့လမ်းမပေါ်တွင် ကျော်ဇင်ဦးအား ဖမ်းဆီးရမိခဲ့ပြီး ရပ်ကွက်အုပ်ချုပ်ရေးမှူးများနှင့်အတူ အဆောင်အတွင်းသို့ ဝင်ရောက်ရှာဖွေခဲ့ရာ ခိုးယူလာသည့်ငွေများကိုအဆောင်အခန်းအတွင်း အိပ်ယာကွပ်ပျစ် အောက်တွင် သံသေတ္တာနှင့် လက်ဆွဲအိတ်တို့ဖြင့်ခွဲ၍ ဝှက်သိမ်းထားကြောင်းတွေ့ရပြီး ၎င်းခိုးယူလာသည့် ငွေများအနက် ကျပ် ၁၂၉၁ သိန်းနှင့် အခြားပစ္စည်းများကို တွေ့ရှိသိမ်းဆည်းရရှိခဲ့ပါသည်။

ရန်ကုန်တိုင်းဒေသကြီးရဲတပ်ဖွဲ့အနေဖြင့် Diamond Dragon Co.LTD ပိုင်ငွေများ ခိုးယူထွက်ပြေးသည့် ကုမ္ပဏီဝန်ထမ်းယာဉ်မောင်း ကျော်ဇင်ဦးအား အခင်းဖြစ်ပြီးနောက် (၇) ရက်အတွင်း ဖမ်းဆီးရမိခဲ့ကြောင်းနှင့် ပြစ်မှုကျူးလွန်သူအား ထိထိရောက်ရောက်အရေးယူဆောင်ရွက်နိုင်ရန်
ဆက်လက် စစ်ဆေးဆောင်ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice/

မှတ်ချက်ရေးသားလိုတဲ့ စာဖတ်ပရိတ်များ တောင်းဆိုချက်အရ ဖွင့်ပေးလိုက်ပါပြီ။ မှတ်ချက်များ ရေးသားနိုင်ပါပြီ။

အချိန်နဲ့ တပြေးညီ သတင်းများ ဖတ်ရှုနိုင်ဖို့  facebook "like" ကို နှိပ်ပါ။ thithtoolwin9@gmail.com ကို လည်း သတင်းများ ဆက်သွယ်ပေးပို့ နိုင်ပါသည်။
နောက်ဆုံးရ သတင်းများကို အောက်ပါ Tweets မှာ ဖော်ပြထားပါတယ်။ Tweets ရဲ့ ဘေးဘောင်တန်းကို ဆွဲချပြီ မိမိတို့ စိတ်ဝင်စားတဲ့ သတင်းခေါင်းစဉ် အောက်က Link ကို နှိပ်ပြီ အပြည့်အစုံဖတ်ရှုနိုင်ပါတယ်။
 

Advertisement

 

အသစ် တင်သမျှ သတင်းများ အလို အလျှောက်ပို့  ပေးပါမည်

ကျန်းမာရေးနှင့် ဖျော်ဖြေရေး

တစ်ပတ်အတွင်း စိတ်ဝင်စားဖွယ်ရာ သတင်းများ