အရက်မူးပြီး မိခင်အား ဆဲဆိုသူကို ထိန်းသိမ်းပေးသည့် ရဲတပ်ဖွဲ့ဝင်တစ်ဦး ဓားထိုးခံရ


ရန်ကုန် နိုဝင်ဘာ ၁၁

ရန်ကုန်တိုင်းဒေသကြီး၊ လှိုင်သာယာမြို့နယ်တွင် အရက်မူးပြီး ဆဲဆိုသူကို ၀င်ထိန်းရာမှ ရဲတစ်ဦး ဓားထိုးခံရမှု တစ်ရပ် ဖြစ်ပွားခဲ့ကြောင်း သိရှိရပါသည်။

ဖြစ်စဉ်မှာ နိုဝင်ဘာလ ၉ ရက်၊ နေ့လယ်ပိုင်းက လှိုင်သာယာမြို့နယ် စက်မှုဇုန်ရဲကင်း တာဝန်ကျ လှိုင်သာယာမြို့မ ရဲစခန်းမှ ရဲတပ်ကြပ် နေလှိုင်းကိုကို၊ (၂၇)နှစ် ပါ တပ်ဖွဲ့ဝင်(၂)ဦးနှင့် စက်မှုဇုန် လုံခြုံရေးဝန်ထမ်း (၂)ဦးတို့ပါ အဖွဲ့သည် လှိုင်သာယာမြို့မ ရဲစခန်း၏ (ပ)၄၃၁၂/၂၀၁၇၊ ရာဇသတ်ကြီးပုဒ်မ ၃၂၅/ ၁၁၄ အမှုမှ တရားခံ မနန်းမွန် ပါ (၂)ဦးအား လှိုင်သာယာ မြို့မရဲစခန်းမှ တပ်ဖွဲ့ဝင် များနှင့် ပူးပေါင်း ဖမ်းဆီးရန် စခန်းသို့ ဆိုင်ကယ်များဖြင့် ထွက်ခွာလာသည်။

အဆိုပါအဖွဲ့  ရေဥက္ကံရွာ ကျူးကျော်တဲအနီးအရောက် ၎င်းကျူးကျော်တဲနေ သက်ဦးထွန်း (ခ) သိကြားမင်း၊ (၁၉)နှစ်သည် မိခင် ဒေါ်အေးသွယ်အား အရက်မူးပြီး ဆဲဆိုနေ၍ ဒေါ်အေးသွယ်မှ ထိန်းသိမ်းပေးရန် အကူအညီ တောင်းခံသဖြင့် ဆိုင်ကယ်အား ရပ်တန့်စဉ် သက်ဦးထွန်း (ခ) သိကြားမင်းမှ ဓားဖြင့်ထိုးခဲ့ရာ ရဲတပ်ကြပ် နေလှိုင်းကိုကို တွင် ယာညှပ်ရိုးအောက် ပြတ်ရှ ထိုးသွင်းဒဏ်ရာ (၁)ချက် (စိုးရိမ်ရ)ရရှိခဲ့ကြောင်း သိရသည်။

အဆိုပါ ဓားထိုးမှုဖြင့် သက်ဦးထွန်း (ခ) သိကြားမင်း (ဖမ်းမိ)အား လှိုင်သာယာမြို့မ ရဲစခန်းမှ (ပ) ၄၃၁၅/၂၀၁၇၊ ရာဇသတ်ကြီးပုဒ်မ ၃၃၃ (တာဝန် ထမ်းဆောင်နေသော ပြည်သူ့ဝန်ထမ်း အား ပြင်းထန်နာကျင် စေမှု) ဖြင့် အမှုဖွင့် စစ်ဆေးလျက်ရှိကြောင်း သိရသည်။

Tin Naing Tun
အရက်မူးပြီး မိခင်အား ဆဲဆိုသူကို ထိန်းသိမ်းပေးသည့် ရဲတပ်ဖွဲ့ဝင်တစ်ဦး ဓားထိုးခံရ အရက်မူးပြီး မိခင်အား ဆဲဆိုသူကို ထိန်းသိမ်းပေးသည့် ရဲတပ်ဖွဲ့ဝင်တစ်ဦး ဓားထိုးခံရ Reviewed by THITHTOOLWIN on 07:50 Rating: 5
Powered by Blogger.