နိရဉ္စရာ၊ နိုဝင်ဘာ ၁၂
ရခိုင်ပြည်နယ် ကျောက်တော်မြို့နယ် ပန်းဖဲချောင်းကျေးရွာတွင် နေထိုင်သည့် အဖွားအို တစ်ဦးသည် ကားလမ်းဖြတ်ကူးစဉ် ကားတိုက် သေဆုံးသွားခဲ့သည်ဟု သတင်းရရှိသည်။
၎င်းအဖွားအို၏ အမည်မှာ ဒေါ်မစောအေး ( ၇၄နှစ် ) ဖြစ်ကြောင်း၊ နိုဝင်ဘာလ ၁၁ ရက် ညနေ ၄နာရီခန့် က ပန်းဖဲချောင်းကျေးရွာနားတွင် လမ်းဖြတ်ကူးစဉ် ကျောက်တော်ဘက်မှ မောင်းနှင်လာသည့် ကိုယ်ပိုင်ကားတစ်စီးမှ တိုက်သွားခြင်းဖြစ်ကြောင်း အပေါက်ဝရဲစခန်းမှ ရဲအုပ် ဌေးဇော်မှ နိရဉ္စရာသို့ ပြောကြားသည်။
“ အဲဒီ အဖွားက လမ်းဖြတ်ကူးတာ ဒီကျောက်တော်ဘက်ကလာတဲ့ ကိုယ်ပိုင် ကားတစ်စီးက အရှိန် မထိန်းနိုင်ဘဲ တိုက်သွားတာဖြစ်ပါတယ်” ဟု ရဲအုပ် ဌေးဇော်မှ ဆက်လက် ပြောကြားသည်။
ကားမောင်းလာသူမှာ စစ်တွေတွင် ခေတ္တ နေထိုင်သူ ဦးအောင်မျိုးသန့် (၃၁နှစ်) ဖြစ်ကြောင်း၊ သူ့အား အပေါက်ဝရဲစခန်းမှ အရေးယူဆောင်ရွက်ထားကြောင်း သိရသည်။
မဘုကေ
Narinjara
https://www.facebook.com/Narinjara
ကျောက်တော်တွင် လမ်းဖြတ်ကူးစဉ် အဖွားအိုတစ်ဦး ကားတိုက်သေဆုံး
Reviewed by THITHTOOLWIN
on
20:58
Rating: